2 Petero 2:19 - Eriragano Erihya

¹⁹ Abheehigirya bha obhubheehi bhayo, bhararaga abhantu bhayo ega, hanú bharaabheekiririrye, bhareeyagaara, enu bheeki abheene m-bagaya bha amabhiibhi, kwa okubha, omuntu arabha omugaya wa ekintu kyokyonse kinú kiramutama okwiribhira.

2 Petero 2:19 ပူးပေါင်းရင်းမြစ်များ

Yoana 8:34

Yeesu akabhakyukya ega, “Ndabhakeerya obhuheene ega, omuntu wowonse unú aragendererya okukora obhusarya, uyo m-mugaya wa obhusarya.

Amakorwa ga Abhatumwa 19:16

Rumwigo, omuntu unú yaaringa na ekihwi ekibhiibhi akabheebhururukira, akabharwanʼya akabhahiga eginguru bhonsego. Bhakahuruka okurwa munyumba bharakenya, bharingi kinaabhi enu bhamantukiri.

Abhagaratia 5:1

Kiristu atutungwirye okurwa mubhugaya bhwa amaragiriryo, naho twiyagaare. Mbe, munage kuimani, kora kweki muteekirirya okuhunjuka mubhugaya bhwa amaragiriryo.

Abhagaratia 5:13

Abhahiiri bhaani kuimani, Waryubha abhabhirikiiri, naho mwiyagaare. Nawe, obhwiyagaari bhwenyu, bhutabhakora mubhe na omweya gwa okugwata orunamba orubhiibhi rwa omubhiri, nawe, mubheeranenga kwa obhuhanje.

2 Timoteo 2:26

Hayo, obhungʼeeni bhwabho bhurabhahindira kweki, na bharatuuribhwa okurwa mumutego gwa Erisambwa rinú ryaringa ribhagwatirye, naho bhakore obhwendi bhwaryo.

Tiito 3:3

Akare hayo, bheetu abheene bhonse, eribhaga twaringa tutaramwikirirya Yeesu, twaringa abhakangi, abhajeemi, kweki twaringa tungʼeenerwe. Twaringa abhagaya bha orunamba orubhiibhi rwa amanga amaaru ga ekyaro. Okwikara kwetu kwaringa kwa okukora amabhiibhi na orwango. Abhantu bhaaringa bharatubhihirirwa, na bheetu twaringa turabhabhihirirwa.

1 Petero 2:16

Mwikare kwa okwiyagaara, nawe mutatumira obhwiyagaari bhuyo, okukora amabhiibhi, mumenye kya ego abhagaya bha Waryubha bhareenderwa okumenya.

2 Petero 1:4

Kwa enjira ya gayo, yaaturaga amangʼana amanene na aga obhwera. Na kwa amangʼana gayo yaaturaga, turatura okutiga amabhiibhi ga mukyaro hanu ganú garareetwa na orunamba orubhiibhi, naho tugwatane na enteemo ya Waryubha.

2 Petero 2:20

Nyoore abhantu bhamariri okwiyahura okurwa kumabhiibhi ga mukyaro, kwa enjira ya okumumanya Omukuru na Omutuurya weetu Yeesu Kiristu, bhamare bheekirirye kweki okugwatwa na okuhigwa na amabhiibhi gayo, eginteemo gyabho girabha egimbiibhi bhukongʼu okukira egya mbere girya.