2 Petero 2:10 - Eriragano Erihya

¹⁰ ekinene bhanú bharagwata orunamba rwa amangʼana amabhiibhi ga omubhiri na okujeera obhutungi bhwa Waryubha. Abheehigirya bha obhubheehi bhayo, bharahakaana na bhareerora, bhatakoobhoha okutuka ebhibhumbwa bhya obhukuru bhinú bhiringi murwire.

2 Petero 2:10 ပူးပေါင်းရင်းမြစ်များ

Ruuka 11:25

‘Ndahunjuka kumuntu waani unú naarwa-mo.’

Ruuka 19:14

Nawe omuntu uyo, abhantu bha ekyaro kyaye, bhaaringa bhamusokeri bhukongʼu. Ego, bhakatuma abhachaama bhamuseete, bhagambe ega, ‘Tutakwenda omuntu unu, abhe omukama weetu!’

Amakorwa ga Abhatumwa 23:5

Pauro akabhakyukya ega, “Abhahiiri bhaani, ntaari mmanyiri ega, ngʼo omusyengeri omukuru! Mmanyiri yaangʼoorwa ega, ‘Otamugamba obhubhiibhi omutungi weenyu.’”

Abharuumi 8:1

Mbe bhoono, Waryubha ataribhajibhya abhantu bhanú bhagwateeni na Kiristu Yeesu.

1 Abhakorinto 6:9

Kasi mutamanyiri ega, abhakori bha amabhiibhi bhatarisoha mubhukama bhwa Waryubha? Mutangʼeenwa! Abhasimbe, abhantu bhanú bharasyengera ebhisusano, abhasuunu, abhasaaja bhanú bharakora ameega na abhasaaja abharikyabho,

2 Abhakorinto 10:3

Onyoora tureekara mukyaro munu, tutakurwana eriihe kya abhantu bha mukyaro kinu.

Abhaefeso 4:19

Bhatakurora eginsoni kora hake, bheesoherye kumangʼana ga eginsoni. Kweki bhaana orunamba rwa okugendererya okukora amangʼana amabhiibhi gayo.

Abhaefeso 5:5

Okubha na orunamba rwa ebhintu n-kya okusyengera ebhisusano okutiga Waryubha. Mumanye obhuheene ega, abhakori bha obhusimbe, abhakonu na abhanamba bha ebhintu, bhatarigabha obhukama bhwa Kiristu na Waryubha.

Abhakorosai 3:5

Mbe bhoono, mutige kimwi amangʼana gonsego ga mukyaro kinu ganú garingi munsi weenyu, kya obhusimbe, obhukonu, orunamba orubhiibhi, ameetegeerero amabhiibhi, na orunamba rwa ebhintu. Okubha na orunamba rwa ebhintu n-kya okusyengera ebhisusano okutiga Waryubha.

1 Abhatesaronike 4:7

Waryubha ataatubhirikira okukora obhusimbe, nawe, yaatubhirikira twikare mubhurabhu.

2 Timoteo 3:2

Eribhaga riyo, abhantu bhariihanja abheene, bharibha na orunamba rwa egimbirya, bharibha bhareegungya, bharibha na emitwe emikongʼu, bharibha bharagamba amangʼana ga amatuki, bhatarisuuka abheebhuri bhaabho, bhataribhanga bharakumya kumangʼana gogonse, na bhatarimwigwa Waryubha.

Tiito 1:7

Omukangati wa erikanisa, m-mwimiririri unú yaahaanwa emirimu gya Waryubha. Weeki areenderwa abhe omuntu unú atakugambwa obhubhiibhi. Atabha omuntu wa omutwe omukongʼu, atabha na enkoro, atabha omureebhi, atabha omutindi, kweki atabha na orunamba orubhiibhi rwa egimbirya.

Abhaebhurania 13:4

Obhutetani bhureenderwa okusuukwa na abhantu bhonsego, na ahasi ha okuraara hareenderwa habhe ahajomu, kwa okubha Waryubha aribhabhuturira ekiina abhasuunu na abhasimbe.

2 Petero 3:3

Ereenderwa mumanye mbere ega, eginsiku gya obhuteero bhariibhuka abhantu bha okujeera, bhanú bharibhanga bharagwata orunamba rwabho orubhiibhi.

Yuda 1:10

Nawe, abhantu bhayo bharatuka amangʼana gogonse ganú bhatagamanyiri. Bharisikibhwa kwa amangʼana ganú bhagamanyiri, na bharagakora kya egintyenyi ginú gitaana obhungʼeeni.

Yuda 1:16

Abhantu bhayo, m-beengʼeheerya na abha okutonda amasoro, bharagwata orunamba rwabho orubhiibhi. Bhareegungya bhukongʼu enu bharagungya abhantu, naho bhanyoore obhwera.

Yuda 1:18

Bhaabhakeerya ega, “Eribhaga rya obhuteero bhariibhuka abhantu bha okujeera, bhanú bharibhanga bharagwata orunamba rwabho orubhiibhi rwa okubhahabhya abhandi.”

Yuda 1:4

Ndabhangʼoorera enyarubha inu, kwa okubha, abhantu nyabhurebhe bhanú bhatakumwigwa Waryubha, bheesoherye gati yeenyu bhugunyi na okwisanganʼya na bheenyu. Abhantu bhayo, bharagamba ega, eriruguto rya Waryubha weetu rirabheekiririrya okugwata orunamba rwabho orubhiibhi rwa omubhiri. Na bharamwanga Yeesu Kiristu, Omukangatya na Omukuru weetu omumwemwe. Nawe, okwambira akare yaangʼoorwa ega, abhantu bhayo, bharibhuturirwa ekiina kya ego abhandi bhaamara okubhuturirwa ekiina.