2 Petero 2:1 - Eriragano Erihya

¹ Nawe, kwibhaga rya abharooti, bheebhuka abharooti bha obhubheehi gati ya Abhaisiraeri. Ego niigo abheehigirya bha obhubheehi bhariibhuka gati yeenyu. Abhantu bhayo, bharibhasoherya bhugunyi ameehigiryo amabhiibhi ga okuhabhya, kora ga okumwanga Omukuru Yeesu unú yaabhatungurya. Kwa okukora ego, bhariikorera okusika kwabho abheene bhwangu.

2 Petero 2:1 ပူးပေါင်းရင်းမြစ်များ

Mataayo 10:33

Nawe, omuntu wowonse unú aranyanga embere ya abhantu, na oni ndimwanga embere ya Taata owa murwire.

Mataayo 24:11

“Kwibhaga riyo, bhariibhuka abharooti abhaaru bha obhubheehi, na okungʼeena abhantu abhaaru.

Mataayo 24:24

kwa okubha bhariibhuka abharooti bha obhubheehi na abhantu bhanú bharibhanga bhareebhirikira ega, mbo Kiristu Omutuurya. Bharibha bharakora ebhimanyiiriryo ebhyaru na ebhiruguuryo. Bharikoranga ego, naho bhature okungʼeena, kora abhasorwa bha Waryubha.

Mataayo 24:5

Abhantu abhaaru bhariija kwa eriina ryani, bharigamba ega, ‘Oni nooni Kiristu Omutuurya!’ Abhantu bhayo bharibhanga bharangʼeena abhantu abhaaru.

Mataayo 7:15

“Mwiyangararire na abharooti bha obhubheehi. Hanú bharaaja kubheenyu, kwa kibhara bharamaahikana kya amangʼondi, nawe, kwa munsi m-bahaari kya eginsuuji.

Mariko 13:22

kwa okubha bhariibhuka abharooti bha obhubheehi na abhantu bhanú bharibhanga bhareebhirikira ega, mbo Kiristu Omutuurya. Bharibha bharakora ebhimanyiiriryo na ebhiruguuryo, naho bhature okungʼeena, kora abhasorwa bha Waryubha.

Ruuka 12:9

Nawe, kira omuntu unú aranyanga embere ya abhantu, oni nonse ndimwanga embere ya bhamaraika bha Waryubha.

Ruuka 21:8

Yeesu akabhakyukya ega, “Mwiyangararire, mutariija okungʼeenereribhwa. Abhantu abhaaru bhariija kwa eriina ryani, bharigamba ega, ‘Oni nooni Kiristu!’ Kweki, bharigamba ega, ‘Obhuteero bhwa ekyaro bhuringi haangʼi!’ Abhantu bhayo, mutabhasoorana.

Ruuka 6:26

Murikirora-ko, bheenyu nyoore abhantu bharabhagungya, kwa okubha kora bhajaaji weenyu, niigo bhaaringa bharakorera abharooti bha obhubheehi.

Abharuumi 16:18

Abhantu bhayo, bhatakumukorera emirimu Kiristu, Omukuru weetu, nawe, kinú bhareenda, nu-kwigutya orunamba rwabho orubhiibhi. Bharagamba amangʼana amasambaaruku ga okwikangatirirya, naho bhangʼeene abheekirirya bhanú bhatakwisigira obhubhiibhi bhobhonse.

1 Abhakorinto 11:19

Obhwahukani bhureebhuka gati yeenyu, naho bhanú bharingi abhaheene bhamanyikane.

1 Abhakorinto 6:20

kwa okubha mwatunguribhwa kwa obhuguri obhunene bhukongʼu. Bhoono mbe, mumugungye Waryubha mumibhiri gyenyu.

1 Abhakorinto 7:23

Mwatunguribhwa kwa obhuguri obhunene bhukongʼu. Ego, mutabha abhagaya bha abhantu.

Abhagaratia 2:4

Eringʼana rya okusaarwa riyo, ryabhuribhwa na abhantu bhanú bhaaringa bhareekorya ega, m-bahiiri bheetu kuimani, nawe, bheesohya bhugunyi okwikomya obhwiyagaari bhwetu bhunú twahaanwa na Kiristu Yeesu. Ensonga yaabho, yaaringa nu-kutukora tubhe abhagaya bha amaragiriryo ga Musa.

Abhagaratia 3:13

Kiristu yaatutungurya okurwa mumeehiimo ga amaragiriryo, kwa okugega ameehiimo gayo, kurusumo rwetu. Yaabha ego, kwa okubha Amangʼoore Amarabhu garagamba ega, “Wowonse unú arabhambwa kumusarabha, yeehiimirwe.”

Abhagaratia 4:17

Abheehigirya bha obhubheehi bhayo, bhareegomba okubhanyankira, nawe, etaringi kwa obhujomu. Bhareenda okubhaahukanʼya na oni, naho bheenyu mwigombe okubhakorera emirimu bheeki.

Abhagaratia 5:20

okusyengera ebhisusano, obhuturutumbi, obhusigu, eritoongʼana, orwango, enkoro, eginhaka, erigamba,

Abhaefeso 1:7

Waryubha atutungwirye kwa enjira ya amanyinga ga Yeesu Kiristu, yaani atwabhiiri obhusarya bhwetu bhonsego, okurekana na obhwaru bhwa eriruguto ryaye.

Abhaefeso 4:14

Hayo tutarihumbibhwa enu na enu kya abhaana abharera, kwa emiyaga gya ameehigiryo ganú abhantu abhangʼeenererya bhareebhukya. Abhantu bhayo, oranyoora bhareenda bhabhahabhye kwa ameehigiryo gaabho aga obhubheehi.

Abhafiripi 3:19

Abhantu bhayo, obhuteero bhwabho n-kusika kwa okubha orunamba rwabho ndo rwabheeri omutungi waabho. Bheeki bhareeheemera ebhikorwa bhyabho bhya eginsoni. Kweki bhareeganirirya amangʼana ga ekyaro ageenego.

Abhakorosai 2:18

Mutamwitegeerera omuntu wowonse unú areeyorokya ega, areesuuhya kwa kibhara na okusyengera bhamaraika. Omuntu kya uyo, atabharuusya omutuho gwenyu gwa koko. Weeki areeheemera obhurori bhwaye. Nawe maheene, akangiheeri kwa ameetegeerero gaaye amabhiibhi ga mukyaro.

Abhakorosai 2:8

Mwiyangararire, omuntu wowonse atabhahabhya kwa ameehigiryo ganú gataana obhwera na aga obhubheehi. Ameehigiryo gayo, gararekana na egimiira gya abhantu na eginkoro egimbiibhi ginú giratunga ekyaro kinu. Kweki gataringi ga Kiristu,

1 Timoteo 5:8

Omuntu wowonse unú atakutuga abhahiiri bhaaye, ekinene abha iika owaaye, uyo arabha atigiri eimani, kweki arabha omubhiibhi okukira unú atakwikirirya.

2 Timoteo 4:3

Eribhaga ririija, rinú abhantu bhatariitegeerera ameehigiryo ga obhuheene. Bharibhanga bhareenda okwitegeerera ganú garabhajomera ageenego, na okusora abheehigirya emiganda na emiganda bha okubheehigirya ganú bhahanjiri okwitegeerera.

Tiito 1:11

kwa okubha bharahabhya abhantu mumigi emyaru. Bhareehigirya amangʼana ganú gatakwenderwa, naho bhanyoore egimbirya kwa eginjira egimbiibhi.

Tiito 3:10

Omuntu unú aragwatanʼya abhantu, omukemere orwa mbere, omare omukemere orwa kabhiri. Nyoore ataribha omwigwa, otigane nawe kimwi.

Abhaebhurania 10:29

Mwiganirirye! Bhoono, obhujibhu bhuribha egaki kumuntu unú aramujeera Omwana wa Waryubha, na amanyinga ga eriragano ganú gaamuraama kora obhusarya bhwaye? Bhoono, obhujibhu bhuribha egaki kumuntu unú aramujabhura Omutima Omurabhu wa eriruguto?

1 Petero 1:8

Bheenyu mumuhanjiri, onyoora mutaakamuruuji, na muramwikirirya onyoora mutakumurora bhoonwego. Kwa ego, muuna obhujomerwa bhunú bhuuna obhukuru bhunú bhutakugambwa,

2 Petero 2:3

Kwa orunamba rwabho rwa ebhintu, bharibhanga bharabhakeerya amagano ga obhubheehi, naho bheenyoorere ebhintu okurwa kubheenyu. Nawe, okurwa akare, Waryubha yaakemera ega, aribhabhuturira ekiina, na kweki yeeseemerye okubhasikya!

1 Yoana 2:26

Mbangʼooreeri amangʼana gayo, okubhakemera eguru ya abhantu bhanú bhareenda okubhahabhya.

1 Yoana 4:1

Abhahanje bhaani, muteekirirya kira omuntu unú aragamba ega, yaana Omutima wa Waryubha. Nawe, mwikomye bhwaheene nyoore omuntu aroorokereribhwa na Omutima wa Waryubha kasi-ha. Mwikomye, kwa okubha abharooti abhaaru bha obhubheehi, bheebhukiri mukyaro.

Yuda 1:18

Bhaabhakeerya ega, “Eribhaga rya obhuteero bhariibhuka abhantu bha okujeera, bhanú bharibhanga bharagwata orunamba rwabho orubhiibhi rwa okubhahabhya abhandi.”

Yuda 1:4

Ndabhangʼoorera enyarubha inu, kwa okubha, abhantu nyabhurebhe bhanú bhatakumwigwa Waryubha, bheesoherye gati yeenyu bhugunyi na okwisanganʼya na bheenyu. Abhantu bhayo, bharagamba ega, eriruguto rya Waryubha weetu rirabheekiririrya okugwata orunamba rwabho orubhiibhi rwa omubhiri. Na bharamwanga Yeesu Kiristu, Omukangatya na Omukuru weetu omumwemwe. Nawe, okwambira akare yaangʼoorwa ega, abhantu bhayo, bharibhuturirwa ekiina kya ego abhandi bhaamara okubhuturirwa ekiina.

Obhukundukuri 13:14

Gonse gukabhahabhya abhantu bhanú bhamenyeri mukyaro kwa ebhimanyiiriryo bhinú gwahaanwa okukora, kurusumo rwa ogutyenyi gwa mbere gurya. Gukabhakeerya abhantu bhabhaaje ekisusano kya okusuuka ogutyenyi gwa mbere gurya, gwaringa na ekironda kya omuhyu, nawe, gukahwena gukagendererya okubha oguhoru.

Obhukundukuri 2:13

“Mmanyiri hanú mureekara, m-mubhutungi bhwa Erisambwa. Nawe muragendererya okwikirirya eriina ryani. Kora kwibhaga rirya omwimiririri waani omuheene Antipa yeetwa, mumugi gwenyu gunú Erisambwa rireekara, mutaanyanga.

Obhukundukuri 2:9

“Mmanyiri enyanko yeenyu na obhutobhu bhwenyu. Nawe maheene, muringi abhaniibhi, kwa okubha muringi abhantu bha Waryubha! Mmanyiri amatuki ganú muratukwa na bhanú bhareebhirikira ega, m-bantu bha Waryubha, nawe, bhataringi abhantu bha Waryubha. Bhayo m-bantu bha Erisambwa.

Obhukundukuri 3:8

Mmanyiri ebhikorwa bhyenyu. Maaha! Oni mbasiikuriiri ekiseku, kora atariho omuntu unú aranagya okukisiika. Onyoora muuna eginguru nkego, nawe mugwatiri ameehigiryo gaani, kora mutaanyanga.

Obhukundukuri 5:9

Kimwi bhakamwimbira eriimbo erihya, rinú ryagambanga ega, “Uuwe nuuwe oreenderwa okugega ekitabho kiyo, na okusibhura-ko egimbaaso gya obhurimbo gyakyo, kwa okubha uuwe waagoogwa, na kwa amanyinga gaaho okamugurira Waryubha abhantu, bha amakabhira gonsego, abha ebhigambo bhyonsego, abha egihamati gyonsego, na abha ebhyaro bhyonsego.

Obhukundukuri 6:10

Nho abhantu bhayo, bhakatema ekituri bharagamba ega, “Ee Waryubha, Omukuru unú oringi omurabhu na owa obhuheene, ndeegwa oratigita! N-duuha oribhutura ekiina kubhantu bha mukyaro, naho okuriha ekisiiyomba kwa okwitira amanyinga geetu?”