2 Petero 1:8 - Eriragano Erihya

⁸ Nyoore muraabhe na eginkuma giyo, na nyoore giraagendererye okwaruha, giribhakora okubha abha ekituunyo na abha okuruusya emisumo gya okumumanya Omukuru weetu Yeesu Kiristu.

2 Petero 1:8 ပူးပေါင်းရင်းမြစ်များ

Mataayo 13:22

Egimbusuro ginú gyagwa gatigati ya emiti gya amahwa, girahunkana na omuntu unú areegwa Amangʼana Amajomu ga obhukama bhwa murwire, nawe, arangʼeenwa na amangʼana ga ekyaro na obhuniibhi. Kwa ego, Amangʼana Amajomu ga obhukama bhwa murwire garahigwa, na gatakunagya okwibhura emisumo.

Mataayo 20:3

“Hanú gyahika ensa esatu nyenkyo, akahuruka kibhara kweki, akarora abhantu abhandi bheemiriiri mumudiira bhataana omurimu.

Mataayo 20:6

Hanú gyahika ensa ekumi na eimwi mugoroobha, akahuruka kibhara kweki akanyoora abhantu abhandi bheemiriiri, akabhabhuurya ega, ‘Ndora mwimiriiri mumudiira hanu omubhasu omugima bira omurimu gogonse?’

Mataayo 25:26

“Omukuru waaye, akamukyukya ega, ‘Uuwe omukori wa emirimu omubhiibhi na omooro! Waaringa omanyiri ega, ndagesa hanú ntaahamba, na okukumanʼya bhinú ntaabhuswiri.

Yoana 15:2

Kira erisagi munsi yaani rinú ritakwama emisumo, Taata arariruusya-ho. Nawe, kira rinú riraama emisumo, Taata arariharurirya, naho ryame bhukongʼu.

Yoana 17:3

Obhuhoru bhwa koko mbo bhunu, abhantu bhakumanye uuwe, unú ngʼ-Waryubha owa heene omwenego, kweki bhamanye oni Yeesu Kiristu, unú waantuma kubheene.

Yoana 5:42

Nawe, mmanyiri kya ego bheenyu muringi, mutaana obhuhanje bhwa Waryubha mumitima gyenyu.

Abharuumi 12:11

Mutabha abharosu kukukora emirimu gya Waryubha, nawe, mubhe na ekituunyo mumitima gyenyu kukumukorera Omukuru emirimu.

1 Abhakorinto 15:58

Mbe, abhahiiri bhaani abhahanje kuimani, mwimirire bhwima na munage, mugendererye okukora emirimu gya Omukuru kwa ekituunyo eginsiku gyonsego, kwa okubha mumanyiri ega, emirimu ginú murakora kurusumo rwa Omukuru, gitaringi gya bhusa.

2 Abhakorinto 13:5

Bhoono, mwirenge bheenyu abheene, naho mumanye ega, muuna eimani. Mwiyikomye bheenyu abheene. Mutamanyiri ega, Yeesu Kiristu aringi munsi weenyu? Nyoore mutamanyiri, hayo murabha mutamirwe okuhikira endengo.

2 Abhakorinto 8:2

Abhantu bhayo m-batobhu bhukongʼu, kweki bhaanyoora amasakyo amaaru, na eginyanko, nawe, bhaaringa na obhujomerwa obhwaru, bhunú bhwabhakora bhakabha abhaserenʼya bhukongʼu bha okuruusya ebhintu bhyabho.

2 Abhakorinto 8:7

Mbe, muringi na obhwaru bhwa ebhintu bhyonsego. Muuna eimani, obhuturo bhwa okugamba bhujomu, obhumanyi, ekituunyo kya amajomu gonsego na obhuhanje bhwenyu kubheetu. Egoego mubhe na obhwaru bhwa ekibharo kya okuruusya.

2 Abhakorinto 9:14

Na bharibhasabhira ku Waryubha kwa obhuhanje, okurekana na eriruguto eryaru rinú Waryubha abhaheeri bheenyu.

Abhafiripi 1:9

Amasabho gaani ku Waryubha niiga, obhuhanje bhwenyu bhugendererye okwaruha bhukongʼu, mubhe na obhumanyi na obhungʼeeni bhonsego,

Abhafiripi 2:5

Ensonga yeenyu ebhe iryairya yaaringa nayo Kiristu Yeesu.

Abhafiripi 3:8

Na kora gataringi gayo ageenego, nawe ndabhara amangʼana gonsego ega, gataana obhwera, okuringʼaanʼya na obhwera obhunene bhwa okumumanya Kiristu Yeesu, Omukuru waani. Naatigiri agandi gonsego kurusumo rwaye. Ndagabhara ega, n-kya amabhi, naho mbe omuntu wa Kiristu,

Abhakorosai 1:10

Nho, muraature okwikara kya ego Omukuru Yeesu areenda, na okumungʼarira kumangʼana gonsego. Obhuhoru bhwenyu bhuraaruusyenga emisumo emyaru okurekana na emirimu gyenyu emijomu. Kweki muraagendererye okumumanya Waryubha bhukongʼu.

Abhakorosai 2:7

Mugendererye okunaga, na okukiina kubhumwi bhwenyu na Kiristu. Mugume kuimani kya ego mweehigiribhwa. Kweki mubhenga muramukumya Waryubha bhukongʼu.

Abhakorosai 3:16

Eringʼana rya Kiristu riikare kwa obhwaru munsi weenyu. Mwihigiranʼye, na okukemerana kwa egintungwa gyonsego. Mubhenga muramwimbira Waryubha kwa emitima gyenyu, kwa egijabhuri, ameembo na egitenji gya mumutima, hamwi na okumukumya.

1 Abhatesaronike 3:12

Omukuru abhoongerye obhuhanje, naho muhanjane bhukongʼu na muhanje abhantu bhonsego, kya ego bheetu tubhahanjiri bheenyu.

1 Abhatesaronike 4:1

Bhoono, abhahiiri bheetu kuimani, twabheehigiirye kya ego mureenderwa okwikara, naho okumujomera Waryubha. Maheene niigo mureekara. Bhoono, turabhakomererya kwa obhutungi bhwa Omukuru Yeesu ega, mugendererye okukora ego okukira kya ego murakora bhoonwego,

2 Abhatesaronike 1:3

Abhahiiri bheetu kuimani, tureenderwa okumukumya Waryubha eribhaga ryonsego kurusumo rwenyu, kwa okubha eimani yeenyu eragendererya okwaruha bhukongʼu, na obhuhanje bhwa kira omuntu kumurikyaye bhuragendererya okwaruha.

1 Timoteo 5:13

Abhasino kya bhayo, oranyoora m-booro. Oranyoora bharagendagenda mumigi, kweki oranyoora bharagamba abhantu, na okwisohya kumangʼana ga abhandi, enu bharagamba amangʼana ganú gatakubhatunʼya.

Tiito 3:14

Abheekirirya abharikyetu bhonse bheehigire okukora amajomu kwa ekituunyo, naho bhature okubheera abhantu bhanú bhataana ekintu. Hanú bharaakorenga ego, obhumenyi bhwabho bhurabha na obhwera.

Firimoni 1:6

Eimani yaaho yaakukoreri obhe na obhumwi na abheekirirya abhandi. Bhoono ndasabha ega, obhumwi bhuyo kuimani bhukubheere okumanya amajomu gonsego ganú tureenderwa okukora, kukugwatana kwetu na Yeesu Kiristu.

Abhaebhurania 6:12

Mutabha abharosu, nawe, mubhe kya abheekirirya bhanú bhareegumirirya, bheeki bharanyoora ganú Waryubha yaabharaga okubhahaana.

2 Petero 1:2

Ndabhasabhira ku Waryubha abhoongerye eriruguto na omurembe, kukumumanya weeki na Yeesu Omukuru weetu.

2 Petero 1:3

Waryubha kwa obhuturo bhwaye, yaatuheeri gonsego ganú tureenda, naho twikare obhwikari bhunú bhuramujomera. Weeki yaatuheeri gayo, kwa enjira ya okumumanya. Omwene atubhirikiiri okurekana na obhukuru na obhujomu bhwaye.

2 Petero 2:20

Nyoore abhantu bhamariri okwiyahura okurwa kumabhiibhi ga mukyaro, kwa enjira ya okumumanya Omukuru na Omutuurya weetu Yeesu Kiristu, bhamare bheekirirye kweki okugwatwa na okuhigwa na amabhiibhi gayo, eginteemo gyabho girabha egimbiibhi bhukongʼu okukira egya mbere girya.

2 Petero 3:18

Nawe, mugendererye okunaga kwiruguto na okumumanya Omukuru na Omutuurya weetu Yeesu Kiristu. Weeki agungibhwe, bhoonwego na kora koko!