2 Petero 1:5 - Eriragano Erihya

⁵ Kwa ekisigo kiyo, mukorenga ekituunyo bhukongʼu, naho eimani yeenyu ebhe na amajomu na amajomu geenyu, gabhe ga okumanya ganú Waryubha areenda.

2 Petero 1:5 ပူးပေါင်းရင်းမြစ်များ

Ruuka 16:26

Hamwi na gayo, gati yeetu bheetu enu na bheenyu eyo, rituurirwe-ho eriruuma erinene bhukongʼu. Ensonga ya eriruuma riyo niiga, hanú omuntu areende okurwa enu okuuja kubheenyu eyo, atanagya okuryambuka. Na unú areenda okurwa eyo okuuja kubheetu enu, atanagya okuryambuka.’

Ruuka 24:21

Nawe bheetu, tweesiganga ega, weeki ngʼo akaatuurirye Isiraeri. Na okurwa amangʼana gayo gakoreke, reero n-dusiku rwa kasatu.

Yoana 6:27

Mutakora emirimu kurusumo rwa okunyoora ebhyakurya bhinú bhirasarika, nawe, mukore emirimu kurusumo rwa okunyoora ebhyakurya bhinú bhitakusarika, bhinú bhirabhahaana obhuhoru bhwa koko. Omwana wa Adamu, arabhahaana ebhyakurya bhiyo, kwa okubha Taata Waryubha amuheeri obhutungi bhwa okukora ego.”

1 Abhakorinto 14:20

Abhahiiri bhaani kuimani, muteeganirirya kya abhaana, nawe mubhenga mureeganirirya kya abhantu abhakuru. Nawe, eguru ya obhubhiibhi, mubhe kya abhaana abharera.

Abhaefeso 5:17

Kwa ego, mutabha abhakangi, nawe, musakye okumanya ganú Omukuru Yeesu areenda.

Abhafiripi 1:9

Amasabho gaani ku Waryubha niiga, obhuhanje bhwenyu bhugendererye okwaruha bhukongʼu, mubhe na obhumanyi na obhungʼeeni bhonsego,

Abhafiripi 2:12

Mbe, abhahanje bhaani, eribhaga naaringa kubheenyu, mwaringa muramwigwa Waryubha eginsiku gyonsego. Egoego, kora bhoono eribhaga ndingi ahare na bheenyu, mutatiga okukora ganú gareenderwa kubhantu bhanú bhaatuuribhwa na Waryubha. Mukore gayo kwa okurigita kunú kurarekana na okumoobhoha Waryubha.

Abhafiripi 4:8

Mbe bhoono, abhahiiri bhaani kuimani, amangʼana gogonse aga maheene, amangʼana gogonse ganú gareenderwa okusuukwa, amangʼana gogonse ga obhuheene, amangʼana gogonse ganú gatareesanganʼya na obhusarya, amangʼana gogonse ganú garasambaarukya, amangʼana gogonse ganú garajomera, amangʼana gonsego amajomu, na amangʼana gonsego ganú garagungibhwa bhujomu, mugeeganiriryenga.

Abhakorosai 1:9

Kwa ekisigo kiyo, tutaratiga okubhasabhira, okurwa orusiku runú tweegwa amangʼana eguru yeenyu. Turamusabha Waryubha abhahaane okumanya gonsego ganú weeki omwene areenda. Abhahaane egintungwa gyonsego na obhumanyi bhinú bhirarekana na Omutima Omurabhu.

Abhakorosai 2:3

Munsi waaye, mmo ebhibhumbiko bhyonsego bhya egintungwa na obhumanyi bhiibhisiri.

Abhaebhurania 11:6

Atariho omuntu unú aratura okumungʼarira Waryubha nyoore ataana eimani. Kira omuntu unú areenda okumusuntarira Waryubha, areenderwa okwikirirya ega, Waryubha ariho na ega, arabhahaana omutuho bhanú bhareenda okumumanya.

Abhaebhurania 12:15

Mwiyangararire, naho omuntu wowonse atabhurwa eriruguto rya Waryubha. Kweki eritinya rya obhururu ritasebhuka, ribhanyankye, rikonʼye abhantu abhaaru.

Abhaebhurania 6:11

Ndeegomba bhukongʼu ega, kira oumwi kubheenyu akore ekituunyo okukora amangʼana gayo okuhikira kubhuteero, naho munyoore gonsego ganú mureesigira.

1 Petero 3:7

Na bheenyu abhasaaja, mwikare na abhakari bheenyu kwa obhungʼeeni, mumanyiri ega, bhataana eginguru kya bheenyu. Mubhatuge kwa okubhasuuka kwa okubha abheene bhonse bharigabha eriruguto rya obhuhoru. Kwa ego, bheenyu abhasaaja mukorenga ego, naho amasabho geenyu gataribhirwa.

2 Petero 1:10

Mbe bhoono, abhahiiri bhaani kuimani, mukore ekituunyo bhukongʼu okoorokya ega, Waryubha abhabhirikiiri na okubhasora. Nyoore mureekarenga ego, mutarihabha kora rumwi,

2 Petero 1:11

na Waryubha aribhaturuungʼana bhujomu, mubhukama bhwa koko obhwa Omukuru na Omutuurya weetu Yeesu Kiristu.

2 Petero 3:14

Kwa ego, abhahanje bhaani, eribhaga muraganyirira amangʼana gayo, mukorenga ekituunyo, mutabha na obhusarya kora amasoro hanú muriija embere ya Waryubha, na mubhenga na omurembe hamwi nawe.

2 Petero 3:18

Nawe, mugendererye okunaga kwiruguto na okumumanya Omukuru na Omutuurya weetu Yeesu Kiristu. Weeki agungibhwe, bhoonwego na kora koko!