2 Petero 1:4 - Eriragano Erihya

⁴ Kwa enjira ya gayo, yaaturaga amangʼana amanene na aga obhwera. Na kwa amangʼana gayo yaaturaga, turatura okutiga amabhiibhi ga mukyaro hanu ganú garareetwa na orunamba orubhiibhi, naho tugwatane na enteemo ya Waryubha.

2 Petero 1:4 ပူးပေါင်းရင်းမြစ်များ

Abharuumi 9:4

Abhahiiri bhaani bhayo, m-Baisiraeri, abhantu bhanú Waryubha yaasora bhabhe abhaana bhaaye, yaabhoorokya obhukuru bhwaye, na yaakora amaragano nabho. Kweki yaabhahaana amaragiriryo gaaye, hamwi na egindago gyaye, na yaabhoorokererya kya ego ereenderwa bhamusyengere.

2 Abhakorinto 1:20

Niigo eringi, kwa okubha gonsego ganú Waryubha yaaturaga ega, arituhaana kwa enjira ya Kiristu, n-ga maheene. Kiyo nkyo kirakora turagamba ku Kiristu ega, “Amina,” kurusumo rwa okumugungya Waryubha.

2 Abhakorinto 3:18

Bhoono, bheetu bhonsego bhanú tutakwiribha obhusu na ekitambaara, turoorokya obhukuru bhwa Omukuru, kya ego ekirore kiroorokya ekisusa. Na bheetu turahunjurwa, naho tutuubhane nawe, kwa obhukuru obhwaru bhukongʼu. Obhukuru bhuyo bhurarwa ku Mukuru, unú weeki ngʼo Omutima.

2 Abhakorinto 6:17

Kwa ego, Omukuru yaagamba kweki ega, “Murwe gatigati waabho, mwiyahure nabho. Mutakuunʼya ekintu ekikonu, na oni, nho, ndibhaturuungʼana.

Abhagaratia 3:16

Mbe, Waryubha yaamuraga Abhurahamu hamwi na omwibhurwa waaye. Amangʼoore Amarabhu gatakugamba ega, “Na abheebhurwa bhaaye,” muna ega, m-baaru, nawe, garagamba ega, “Na omwibhurwa waaye,” yaani oumwi, ngʼo Kiristu.

Abhagaratia 6:8

Mbe, omuntu unú aroorokereribhwa na orunamba orubhiibhi rwa omubhiri, arigesa engʼanga okurekana na orunamba ruyo. Nawe, unú aroorokereribhwa na Omutima Omurabhu, arigesa obhuhoru bhwa koko, okurwa ku Mutima Omurabhu.

Abhaefeso 4:13

Eringʼana riyo, riraagendererye okuhikira bheetu bhonsego hanú turibha abhaniibhi kuimani yeetu, na okumumanya Omwana wa Waryubha. Turibha abhantu bhanú tunagiri, kya Kiristu.

Abhakorosai 3:10

Bhoono, mwibhoheri eginteemo eginhya. Waryubha omwene ngʼo yaabhumba eginteemo eginhya giyo, kweki aragendererya okubhakora mutuubhane nawe bhukongʼu, naho mumumanye bhujomu.

Abhaebhurania 12:10

Bhataata bhanú bhaatwibhura, bhaatujibhya kwa eribhaga ekego, okurekana na kya ego bheeki abheene bhaarora ega, m-bujomu. Nawe, Waryubha aratujibhya kurusumo rwetu, naho tubhe hamwi nawe mubhurabhu bhwaye.

Abhaebhurania 9:15

Kwa ekisigo kiyo, Yeesu ngʼo areegwanʼya abhantu na Waryubha kwiragano erihya, naho abhantu bhanú Waryubha abhasoreri, bhanyoore obhuhoru bhwa koko bhunú yaabharaga okubhahaana. Oruku rwa Yeesu ndo ruratuurya abhantu okurwa mubhusarya bhunú bhaakora kwibhaga rya eriragano rya akare rirya.

Yakobho 1:27

Edini inú eramungʼarira Taata Waryubha, na inú ararora ega, etaana obhubhiibhi ngʼ-inu, okubheera abhataka na abhasino kuginyanko gyabho, hamwi na okwiyangararira na amabhiibhi ga mukyaro munu.

2 Petero 1:1

Enyarubha inu, erwiri kuoni Simoni Petero, omugaya na omutumwa wa Yeesu Kiristu. Ndabhangʼoorera bheenyu bhanú muheerwe eimani ya obhwera inú bheetu bhonse tuheerwe. Muheerwe eimani iyo, kwa okubha Waryubha, Omutuurya weetu Yeesu Kiristu, yaakora ganú gareenderwa.

2 Petero 3:13

Nawe, bheetu turaganyirira orwire oruhya na ekyaro ekihya kinú kiijwiri obhuheene eginsiku gyonsego, kya ego yaaturaga.

2 Petero 3:9

Abhantu abhandi bharamanya ega, Omukuru Waryubha aratigita okukora ganú yaaraga, nawe, atakutigita okugakora. Weeki areegumirirya kurusumo rwenyu, kwa okubha atakwenda ega, omuntu wowonse abhure, nawe areenda ega, bhonsego bhatige obhusarya bhwabho, bhamwihunjurire weeki.

1 Yoana 2:25

Nyoore tureekare ego, turabha na obhuhoru bhwa koko, bhunú Kiristu yaaturaga.

1 Yoana 3:2

Abhahanje bhaani, turamanya ega, bhoonwego bheetu m-baana bha Waryubha, nawe, etaramanyikana kya ego turibha. Nawe, tumanyiri ega, eribhaga rinú Kiristu arihunjuka, turituubhana nawe, kwa okubha turimurora kya ego aringi.