2 Petero 1:3 - Eriragano Erihya

³ Waryubha kwa obhuturo bhwaye, yaatuheeri gonsego ganú tureenda, naho twikare obhwikari bhunú bhuramujomera. Weeki yaatuheeri gayo, kwa enjira ya okumumanya. Omwene atubhirikiiri okurekana na obhukuru na obhujomu bhwaye.

2 Petero 1:3 ပူးပေါင်းရင်းမြစ်များ

Mataayo 28:18

Mbe, Yeesu akabhaaja-ko akabhakeerya ega, “Waryubha yangʼeeri obhutungi bhonsego, murwire na mukyaro.

Abharuumi 8:32

Waryubha ataamumaahira ekyabhira Omwana waaye omumwemwe, nawe, yaamuruusya naho akwe kurusumo rwetu bhonsego. Nyoore yaakora ego, bhoono, atarituhaana amajomu agandi gonsego?

Abharuumi 9:24

Gati ya abhantu bhanú yaabhirikira, na bheetu turimo. Ataabhirikira Abhayahudi abheenego, nawe, abhirikiiri kora bhanú bhataringi Abhayahudi.

1 Abhakorinto 1:9

Waryubha arikora gayo kwa okubha m-muheene, weeki yaabhabhirikira bheenyu, mubhe na obhumwi na Omwana waaye Yeesu Kiristu, Omukuru weetu.

2 Abhakorinto 12:9

Nawe, weeki akankeerya ega, “Eriruguto ryani rirakwisa, kwa okubha mubhunyooheeru mmo eginguru gyani giramaahikana.” Kwa ego, ndabhanga ndeegungya kwa obhujomerwa obhwaru eguru ya obhunyooheeru bhwani, naho eginguru gya Kiristu gibhe hamwi na oni.

Abhaefeso 4:1

Mbe, oni omubhohwa kwa okubha ndamukorera emirimu Omukuru Yeesu, ndabhakomererya mwikare, okuringʼaana na okubhirikirwa kunú Waryubha yaabhabhirikirira.

Abhaefeso 4:4

Bheetu bhonsego turingi kya omubhiri gumwi na twanyoora Omutima Omurabhu oumwi, kya bhurya twabhirikirwa na Waryubha tubhe na obhwisige obhumwi.

Abhafiripi 3:8

Na kora gataringi gayo ageenego, nawe ndabhara amangʼana gonsego ega, gataana obhwera, okuringʼaanʼya na obhwera obhunene bhwa okumumanya Kiristu Yeesu, Omukuru waani. Naatigiri agandi gonsego kurusumo rwaye. Ndagabhara ega, n-kya amabhi, naho mbe omuntu wa Kiristu,

Abhafiripi 4:8

Mbe bhoono, abhahiiri bhaani kuimani, amangʼana gogonse aga maheene, amangʼana gogonse ganú gareenderwa okusuukwa, amangʼana gogonse ga obhuheene, amangʼana gogonse ganú gatareesanganʼya na obhusarya, amangʼana gogonse ganú garasambaarukya, amangʼana gogonse ganú garajomera, amangʼana gonsego amajomu, na amangʼana gonsego ganú garagungibhwa bhujomu, mugeeganiriryenga.

Abhakorosai 1:16

kwa okubha, okuhitira kumwene, ebhintu bhyonsego bhyabhumbwa, ebhya murwire na ebhya mukyaro, bhinú bhiramaahikana na bhinú bhitakumaahikana, abha obhutungi kasi abhakama, abhakuru kasi abha eginguru. Ebhintu bhyonsego, bhyabhumbwa okuhitira kumwene na kurusumo rwaye.

1 Abhatesaronike 2:12

ega, mubhenga mureekara kya ego Waryubha ahanjiri. Waryubha ngʼo arabhabhirikira, naho mubhe insi ya obhukama bhwaye na okusanga obhukuru bhwaye.

1 Abhatesaronike 4:7

Waryubha ataatubhirikira okukora obhusimbe, nawe, yaatubhirikira twikare mubhurabhu.

2 Abhatesaronike 2:14

Waryubha yaabhabhirikira, naho mutuuribhwe kwa enjira ya Amangʼana Amajomu ganú twabharaarikira. Yaabhabhirikira, naho munyoore obhukuru bhwa Omukuru weetu Yeesu Kiristu.

1 Timoteo 4:8

Emanyikeeni ega, “Ekituunyo kya okunyoora eginguru gya omubhiri, kiina obhwera obhukego, nawe, okwinarya okwikara kya ego Waryubha areenda kuuna obhwera bhonsego. Ensonga yaaye niiga, oranyoora uuna endago ya obhuhoru bhwa bhoonwego na bhunú bhuriija.”

2 Timoteo 1:9

Weeki yaatutuurya, akatubhirikira tubhe abhaana bhaaye. Ataakora ego, kwa ekisigo kya amakorwa geetu amajomu, nawe, kwa ekisigo kya obhwendi bhwaye na eriruguto ryaye. Weeki yaatuhaana eriruguto riyo kurusumo rwa Kiristu Yeesu, kora ekyaro kitarabhumbwa.

Abhaebhurania 1:3

Omwana uyo, arangʼesangʼesa kwa obhukuru bhwa Waryubha, na aroorokya kubhurabhu kya ego Waryubha aringi. Arakora ebhintu bhyonsego bhigendererye okubha kya ego bhiringi kwa eringʼana ryaye rya obhuturo. Weeki yeeruusya okubha ekimwenso kya okuruusirya abhantu obhusarya, akagya murwire akeekara orubhaara rwa obhuryo rwa Waryubha owa obhuturo.

1 Petero 1:15

Waryubha unú yaabhabhirikira, m-murabhu. Bhoono bheenyu bhonse, mureenderwa okubha abharabhu kuginteemo gyenyu gyonsego.

1 Petero 1:5

Waryubha arabhaangararira kwa eginguru gyaye, kwa okubha muramwikirirya Yeesu Kiristu. Aragendererya okubhaangararira okuhikira obhutuurya hanú bhuryorokibhwa kwibhaga rya obhuteero.

1 Petero 2:21

Mureenderwa mwigumiriryenga ego, kwa okubha Kiristu wonse, yaanyankibhwa kurusumo rwenyu. Kweki akabhatigira ekirengekanʼyo, naho mubhenga muramwihigira.

1 Petero 2:9

Nawe, bheenyu n-hamati inú yaasorwa, abhasyengeri bha Omukama, abhantu bhanú mwasorwa kurusumo rwaye omwenego, abhantu bhanú Waryubha yeendanga muraarike amakorwa gaaye amakuru. Omwene yaabhabhirikira okurwa mukisunte, okugya mundingaasi yaaye ya okuruguurya.

1 Petero 3:9

Mutarihya abhantu amabhiibhi kwa amabhiibhi, kasi amatuki kwa amatuki, nawe mubhanonke. Mubhirikiirwe okukora gayo, naho bheenyu bhonse munonkwe,

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.

2 Petero 1:10

Mbe bhoono, abhahiiri bhaani kuimani, mukore ekituunyo bhukongʼu okoorokya ega, Waryubha abhabhirikiiri na okubhasora. Nyoore mureekarenga ego, mutarihabha kora rumwi,

2 Petero 1:2

Ndabhasabhira ku Waryubha abhoongerye eriruguto na omurembe, kukumumanya weeki na Yeesu Omukuru weetu.

2 Petero 1:5

Kwa ekisigo kiyo, mukorenga ekituunyo bhukongʼu, naho eimani yeenyu ebhe na amajomu na amajomu geenyu, gabhe ga okumanya ganú Waryubha areenda.

2 Petero 1:6

Kweki hamwi na okumanya kwenyu kwa amangʼana gayo, mubhenga mureeribhira okukora amabhiibhi. Okwiribhira kwenyu, kubhe kwa okwigumirirya, na okwigumirirya kwenyu, kubhe kwa okumwigwa Waryubha.

2 Petero 1:8

Nyoore muraabhe na eginkuma giyo, na nyoore giraagendererye okwaruha, giribhakora okubha abha ekituunyo na abha okuruusya emisumo gya okumumanya Omukuru weetu Yeesu Kiristu.

2 Petero 2:20

Nyoore abhantu bhamariri okwiyahura okurwa kumabhiibhi ga mukyaro, kwa enjira ya okumumanya Omukuru na Omutuurya weetu Yeesu Kiristu, bhamare bheekirirye kweki okugwatwa na okuhigwa na amabhiibhi gayo, eginteemo gyabho girabha egimbiibhi bhukongʼu okukira egya mbere girya.

2 Petero 3:18

Nawe, mugendererye okunaga kwiruguto na okumumanya Omukuru na Omutuurya weetu Yeesu Kiristu. Weeki agungibhwe, bhoonwego na kora koko!