2 Petero 1:20 - Eriragano Erihya

²⁰ Okutiga gayo, mumanye eringʼana rinu mbere ega, bhutariho obhurooti mu Mangʼoore Amarabhu, bhunú omurooti yaaruusya okurekana na ameetegeerero gaaye omwene.

2 Petero 1:20 ပူးပေါင်းရင်းမြစ်များ

Abharuumi 12:6

Kwa ego, tuuna ebhibharo amanga amaaru, kya ego Waryubha yaatuhaana kwa eriruguto ryaye. Omuntu unú aheerwe ekibharo kya okuruusya obhurooti, atumire ekibharo kiyo okuringʼaana na eimani yaaye.

Abharuumi 13:11

Mubhenga murakora gayo gonsego, kwa okubha mumanyiri ega, ensa ya okubhuuka okurwa muntiro ehikiri. Maaha, eribhaga rya obhutuurya bhwetu, riringi haangʼi bhukongʼu, okukira kubhwambiro hayo, hanú twaamba okumwikirirya Yeesu.

Abharuumi 6:6

Tumanyiri ega, eginteemo gyetu egya kare, gyabhambwa hamwi na Kiristu kumusarabha, naho eginguru gya obhusarya munsi weetu gitatutunga kweki, na okutukora tubhe abhagaya bha obhusarya.

1 Timoteo 1:9

Kweki, tureenderwa okumanya ega, amaragiriryo gataatuurwa-ho kurusumo rwa abhaheene, nawe gaatuurwa-ho kurusumo rwa abhajeemi na bhanú bhataana egintungwa, abhasarya, abhasarya bha amaragiriryo, bhanú bhatakumwigwa Waryubha kora ahake, bhanú bharatema esewaabho na ngʼina waabho, na abheeti bha abhantu.

2 Timoteo 3:16

Amangʼoore Amarabhu gonsego, gangʼoorerwe kwa omwika gwa Waryubha. Gayo, gareenderwa okwihigirya obhuheene, na okukaanʼya abhantu, naho bhatige obhusarya bhwabho. Kweki, garoorokererya abhantu hanú bharasarya, na okoorokererya kira kinú kireenderwa embere ya Waryubha.

Yakobho 1:3

kwa okubha, mumanyiri ega, okusakibhwa kwa eimani yeenyu, kurabhareetera okwigumirirya.

2 Petero 3:3

Ereenderwa mumanye mbere ega, eginsiku gya obhuteero bhariibhuka abhantu bha okujeera, bhanú bharibhanga bharagwata orunamba rwabho orubhiibhi.