2 Petero 1:19 - Eriragano Erihya

¹⁹ Kweki bheetu tuuna amangʼana ga abharooti ganú garatuhaana obhuheene bhunú bhunagiri. Nyoore muragagwata, murakora bhujomu, kwa okubha amangʼana gayo, garingi kya ekorobhoi inú eramirika hanú haana ekisunte, okuhikira mumakyere, na Kiristu abhamirikire mumitima gyenyu, kya enjota nyamananga.

2 Petero 1:19 ပူးပေါင်းရင်းမြစ်များ

Mataayo 4:16

Abhantu bhanú bhareekara mukisunte, bharuuji endingaasi enkuru, na bhanú bhareekara mukyaro kya ekisunte na ekiiriiri kya oruku, endingaasi ya nyenkyo ebhangʼarabhiiri.”

Yoana 5:35

Yoana Omubhatiiji yaaringa kya ekorobhoi inú erooka na okumurika mukisunte, na bheenyu mukajomererwa endingaasi iyo kwa eribhaga ekego.

Yoana 5:39

“Murageekomya Amangʼoore Amarabhu, kwa okubha murakanya ega, muratura okunyoora muyo obhuhoru bhwa koko. Mbe bhoono, Amangʼoore gayo ngo garanyimiririra oni!

Yoana 8:12

Mbe, Yeesu akagendererya okugamba ega, “Oni nooni endingaasi ya ekyaro. Omuntu wowonse unú aranseeta oni, atakugenda mukisunte kora orusiku orumwi, nawe, aribha na endingaasi inú eramoorokererya mubhuhoru bhwa koko.”

Amakorwa ga Abhatumwa 15:29

Mutige okurya ebhyakurya bhinú bhimwenseerwe ebhisusano, mutige okurya amanyinga, kora mutige okurya enyama ya entugo inú ebhuutirwe, na mutige okukora obhusimbe. Nyoore muraatige gayo, nho muraabhe mukoreri bhwaheene. Turabhakeeranʼya.”

Amakorwa ga Abhatumwa 17:11

Abhayahudi bha Bheroya hayo, bhaaringa abheegwa okukira abha mumugi gwa Tesaronike. Ego, hanú Pauro yaabharaarikira amangʼana ga Waryubha, bhakagagwata kwa ekituunyo bhukongʼu. Bhakabha bhaareekomya mu Mangʼoore Amarabhu ga Waryubha kira orusiku, naho bharore, nyoore gayo Pauro aragamba, n-ga maheene.

Abhaebhurania 2:2

Tumanyiri ega, amaragiriryo ga Waryubha ganú bhajaaji weetu bhaagwata okurwa kubhamaraika bhaaye, gaaringa na obhutungi. Ego, abhantu bhonsego bhanú bhaaringa bhatakugagwata na okugeegwa, Waryubha yaabhajibhya okurekana na obhusarya bhwabho.

Yakobho 2:8

Mu Mangʼoore Amarabhu, amaragiriryo ga obhukama bhwa Waryubha garagamba ega, “Omuhanje omurikyaho, kya ego oreehanja uuwe omwene.” Nyoore murakora ego, murakora bhujomu.

1 Petero 1:10

Abharooti bha eriragano rya akare, bhaakora ekituunyo okumanya obhutuurya bhuyo, bhaarootanga eguru ya eriruguto rya Waryubha rinú ribhahikiiri bheenyu.

1 Yoana 5:10

Omuntu wowonse unú aramwikirirya Omwana wa Waryubha, yeekirirye ega, obhwimiririri bhwa Waryubha bhuyo, m-bwa maheene. Nawe, unú atakumwikirirya Waryubha, aramukora Waryubha okubha omubheehi, kwa okubha atakwikirirya obhwimiririri bhunú Waryubha yaaruusya eguru ya Omwana waaye.

3 Yoana 1:6

Abheekirirya bhayo bhaaruusya obhwimiririri embere ya abhantu bha erikanisa rya hanu, eguru ya obhuhanje bhwaho. Ndakukomererya ega, ogendererye okubhabheera, okuringʼaana na kya ego eramungʼarira Waryubha, naho bhagendererye na orugendo rwabho.

Obhukundukuri 2:28

Kweki ndimuhaana enjota nyamananga.

Obhukundukuri 22:16

“Oni Yeesu, nooni omwibhurwa omukuru kurwibhuro rwa omukama Daudi, na nooni ndangʼarabha kya enjota nyamananga. Oni nooni naatuma maraika waani yaaje abhakeerye bheenyu abheehigira bhaani amangʼana gonsego gayo kurusumo rwa amakanisa.”