Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Petero 1:17 - Eriragano Erihya

17-18 Bheetu twaringa hamwi na Yeesu munkuku irya eya Waryubha, hanú Taata Waryubha yaamuhaananga obhusuuku na obhukuru. Eribhaga riyo, bheetu abheene tweegwa eriisi erya obhukuru obhunene, rirarwa murwire ku Waryubha omwene, riragamba ega, “Unu ngʼo Omwana waani omuhanje, nngʼariirwe nawe.”

အခန်းကိုကြည့်ပါ။ ကော်ပီ




2 Petero 1:17
36 ပူးပေါင်းရင်းမြစ်များ  

“Maaha, unu ngʼo omukori wa emirimu waani unú mmusoreri. Unu m-muhanje waani unú aransambaarukya omutima gwani. Ndituura Omutima Omurabhu eguru yaaye, wonse aribharaarikira abhantu bha ebhyaro bhyonsego, amangʼana ga obhuheene.


Hayohayo, bhakeebhukirwa na abharooti bha kare Musa na Eriya bhaaringa bharahaira na Yeesu.


Hanú Petero yaaringa akyahaira gayo, hayohayo erisaaru erirabhu rikaaja rikabhakundikirya. Kimwi bhakeegwa eriisi okurwa mwisaaru muyo riragamba ega, “Unu ngʼo Omwana waani omuhanje, nngʼariirwe nawe. Mumwigwenga weeki!”


Mbe bhoono, mugende kubhantu bha ebhyaro bhyonsego, mubhakore okubha abheehigira bhaani, kwa okubhabhatiija kwa eriina rya Taata, na erya Omwana na erya Omutima Omurabhu,


Nho, eriisi rikarwa murwire riragamba ega, “Unu m-Mwana waani omuhanje, nngʼariirwe nawe.”


Nho, eriisi rikarwa murwire riragamba ega, “Uuwe m-Mwana waani omuhanje, nngʼariirwe na uuwe.”


Mbe, erisaaru rikaaja rikabhakundikirya. Kimwi bhakeegwa eriisi okurwa mwisaaru muyo riragamba ega, “Unu ngʼo Omwana waani omuhanje. Mumwigwenga weeki!”


Nawe, akagendererya okubhakeerya abhantu ega, “Taata amariri okungʼaana amangʼana gonsego. Na atariho unú amanyiri Omwana waaye, nawe Taata omwenego. Kora atariho unú amanyiri Taata, nawe, Omwana waaye omwenego, na omuntu wowonse unú Omwana areende okumutubhurira.”


Omutima Omurabhu akeetuuma kya enguuti na okwikara eguru yaaye. Nho, eriisi rikarwa murwire riragamba ega, “Uuwe m-Mwana waani omuhanje, nngʼariirwe na uuwe!”


kya ego Taata yaammanyiri oni, na oni nonse mmumanyiri. Oni ndaruusya obhuhoru bhwani kurusumo rwa amangʼondi gaani.


Taata ngʼo yaansora na okuntuma mukyaro munu. Mbe bhoono, kwaki muragamba ega, oni ndamutuka Waryubha, hanú ndagamba ega, ‘Oni m-Mwana wa Waryubha’?


Mwikirirye ganú ndabhakeerya ega, oni ndingi munsi ya Taata, na Taata aringi munsi waani. Nawe, nyoore bheenyu mutakwikirirya gayo, mbe, mwikirirye kwa ekisigo kya emirimu ginú ndakora.


Yeesu akamukyukya ega, “Oni nooni enjira, na obhuheene, na obhuhoru. Atariho omuntu wowonse unú aratura okuuja ku Taata nyoore atarahitira kuoni.


Ndasabha ega, bhayo bhabhe ekintu kimwi. Taata, ndasabha bhabhe munsi weetu, kya ego uuwe oringi munsi waani, na oni ndingi munsi yaaho. Ndasabha ega, bhabhe ekintu kimwi, naho abhantu bha ekyaro bheekirirye ega, nuuwe waantuma.


Yeesu akamukeerya ega, “Otangwata, nkyari okugya murwire ku Taata. Mbe, genda obhakeerye abheehigira bhaani ega, ndagya murwire ku Taata, unú ni-Seweenyu, ku Waryubha waani, unú ngʼ-Waryubha weenyu.”


Taata Waryubha amuhanjiri Omwana waaye, kweki amuheeri obhutungi eguru ya ebhintu bhyonsego.


Mbe, kwa okubha Taata amuhanjiri Omwana waaye, kiyo nkyo kirakora aramoorokya emirimu gyonsego ginú arakora. Kora na emirimu eminene okukira giyo, arimoorokya, na bheenyu muriruguura bhukongʼu.


Kya ego Taata nu-bhusimuka bhwa obhuhoru bhwa koko, egoego amuheeri Omwana waaye wonse, okubha obhusimuka bhwa obhuhoru bhuyo.


Mutakora emirimu kurusumo rwa okunyoora ebhyakurya bhinú bhirasarika, nawe, mukore emirimu kurusumo rwa okunyoora ebhyakurya bhinú bhitakusarika, bhinú bhirabhahaana obhuhoru bhwa koko. Omwana wa Adamu, arabhahaana ebhyakurya bhiyo, kwa okubha Taata Waryubha amuheeri obhutungi bhwa okukora ego.”


Abhantu bhonsego bhanú Taata arangʼaana, bhariija kuoni. Oni ntaryanga kora oumwi unú araaja kuoni.


Taata unú yaantuma areenda ega, ntabhurya kora omuntu oumwi, kubhanú yaangʼaana, nawe, mbahyukye bhonsego kurusiku rwa obhuteero.


Hayo nho, bheenyu bhonsego, muraature okumugungya Waryubha, Taata wa Omukuru weetu Yeesu Kiristu, kwa ensonga eimwi na kwa eriisi erimwi.


Agungibhwe Waryubha, Taata wa Omukuru weetu Yeesu Kiristu, Taata wa ekyabhira, kweki ngʼo Waryubha unú aratuhorisya kugonsego.


Waryubha, Taata wa Omukuru Yeesu, unú areenderwa okugungibhwa koko na koko, amanyiri ega, ntakugamba obhubheehi.


Omwana uyo, arangʼesangʼesa kwa obhukuru bhwa Waryubha, na aroorokya kubhurabhu kya ego Waryubha aringi. Arakora ebhintu bhyonsego bhigendererye okubha kya ego bhiringi kwa eringʼana ryaye rya obhuturo. Weeki yeeruusya okubha ekimwenso kya okuruusirya abhantu obhusarya, akagya murwire akeekara orubhaara rwa obhuryo rwa Waryubha owa obhuturo.


Mbe, eriruguto, ekyabhira na omurembe, bhinú bhirarwa ku Taata Waryubha na Omwana waaye Yeesu Kiristu, bhiribha hamwi na bheetu bhanú turagwata obhuheene na obhuhanje.


Enyarubha inu, erwiri kuoni Yuda, omugaya wa Yeesu Kiristu na omumura waabho Yakobho. Ndabhangʼoorera bheenyu bhanú mwabhirikirwa na Taata Waryubha, bheenyu bhanú mureekara mubhuhanje bhwaye, na okwangararirwa bhwaheene na Yeesu Kiristu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ