2 Petero 1:16 - Eriragano Erihya

¹⁶ Eribhaga twaringa turabheehigirya eguru ya eginguru na okuhunjuka kwa Omukuru weetu Yeesu Kiristu, tutaaringa turabhakeerya amagano ga obhubheehi ganú gaangʼoorwa kwa obhungʼeeni. Nawe bheetu twarora obhukuru bhwaye kwa ameeso geetu abheene.

2 Petero 1:16 ပူးပေါင်းရင်းမြစ်များ

Mataayo 16:27

Ndagamba ego, kwa okubha Omwana wa Adamu ariija hamwi na bhamaraika bhaaye mubhukuru bhwa Taata. Hayo nho, arimuriha kira omuntu okurekana na ebhikorwa bhyaye.

Mataayo 16:28

Ndabhakeerya obhuheene ega, gatigati yeenyu bhanú mwimiriiri hanu, bhariho bhanú bhatarikwa okuhikira hanú bharirora Omwana wa Adamu araaja mubhukama bhwaye.”

Mataayo 17:1

Hanú gyahita eginsiku esansabha, Yeesu akabhagega Petero, Yakobho na Yoana omumura waabho Yakobho, akagya akariina hamwi nabho munkuku entambi kabhejyo.

Mataayo 24:27

Mumanye ega, okuuja kwa Omwana wa Adamu, kuribha kwa okutakya abhantu, kya ego orukubha ruramesya bhuturira-ryubha, rumwigo rurahika bhusikirira-ryubha.

Mataayo 24:3

Mbe, Yeesu hanú yaaringa yeekeeri munkuku ya Emijeituni, abheehigira bhaaye bhakamugya-ko kabhejyo, bhakamubhuurya ega, “Tukeerye, amangʼana gayo gariibhuka ruuha? Na n-kimanyiiriryo-ki kinú kiritoorokya okuuja kwaho na obhuteero bhwa ekyaro?”

Mataayo 28:18

Mbe, Yeesu akabhaaja-ko akabhakeerya ega, “Waryubha yangʼeeri obhutungi bhonsego, murwire na mukyaro.

Mariko 13:26

“Hayo nho, abhantu bhonsego bharimurora Omwana wa Adamu araaja kumasaaru kwa eginguru eginjaru na obhukuru.

Mariko 14:62

Yeesu akakyukya ega, “Oni nooni. Na bheenyu murimurora Omwana wa Adamu, yeekeeri orubhaara rwa obhuryo rwa Waryubha owa eginguru gyonsego. Kweki murimurora hanú ariijira gatigati ya amasaaru okurwa murwire.”

Ruuka 1:2

Bhaangʼoora amangʼana ganú twakeeribhwa na bhanú bheerorera amangʼana gayo kwa ameeso gaabho, okurwa kubhwambiro bhwa emirimu gya Yeesu. Bhayo mbo, bhaaringa bharanyaraganʼya amangʼana gayo eguru ya Yeesu.

Ruuka 9:43

Abhantu bhonsego, hanú bhaarora obhuturo obhukuru bhwa Waryubha kya ego bhuringi, bhakaruguura bhukongʼu. Abhantu bhayo bhonsego, bhaaringa bhararuguura ebhika bhyonsego bhya Yeesu. Yeesu akakeerya abheehigira bhaaye ega,

Yoana 1:14

Mbe, Engʼana uyo, akabha omuntu, akeekara gati yeetu. Na bheetu tukarora obhukuru bhwaye, obhukuru bhwa Omwana omumwemwe wa Taata Waryubha. Yaaringa na eriruguto erinene na obhuheene bhonsego.

Yoana 17:2

Ungʼeeri obhutungi eguru ya abhantu bhonsego, naho mbahaane obhuhoru bhwa koko bhonsego bhanú waangʼaana.

Abharuumi 1:4

Nawe, kwa okuhitira Omutima Omurabhu, Waryubha yaamusora abhe Omwana waaye, owa obhuturo bhonsego, hanú yaamuhyukya okurwa mubhaku. Yeesu Kiristu uyo, ngʼo Omukuru weetu.

1 Abhakorinto 1:17

Kiristu ataantuma oni okubhatiija abhantu. Yaantuma okuraarika Amangʼana Amajomu, bira okwisigira obhungʼeeni bhwani bhwa okuhaira bhujomu, naho oruku rwa Kiristu kumusarabha rutabhura eginguru.

1 Abhakorinto 1:23

Nawe bheetu, turaraarika amangʼana eguru ya Kiristu unú yaabhambwa kumusarabha. Amangʼana gayo garabhabhihira Abhayahudi, na kubhanú bhataringi Abhayahudi m-mangʼana ga ekikangi.

1 Abhakorinto 1:7

Bhoono, mutakusuuhirwa kora ekibharo ekimwi kya Omutima Omurabhu, enu muraganyirira kwa enamba okuhunjuka kwa Omukuru weetu Yeesu Kiristu.

1 Abhakorinto 2:1

Bhoono, abhahiiri bhaani kuimani, hanú oni naaja kubheenyu, ntaaja okubharaarikira ekinyerera kya Waryubha, kwa okugamba bhujomu, kasi, kwa egintungwa.

1 Abhakorinto 2:4

Eribhaga naaringa ndeehigirya na okuraarika, ntaagambanga amangʼana kwa egintungwa gyani, naho mbangʼeenererye bheenyu munyikirirye. Tiigo-ha! Nawe, eginguru gya Omutima Omurabhu ngyo gyoorokereryanga obhuheene.

1 Abhakorinto 5:4

Eribhaga mureekumanʼya kuriina rya Omukuru weetu Yeesu, oni nonse ndabha hamwi na bheenyu kwa omutima, na obhuturo bhwa Omukuru weetu Yeesu bhonse, bhurabha hamwi na bheenyu.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

2 Abhakorinto 4:2

Bheetu twangiri, tutakukora amangʼana ga ekinyerera na aga eginsoni. Tutakungʼeena abhantu, kora okusanganʼya eringʼana rya Waryubha na obhubheehi. Nawe, tureekomba kwa okugamba obhuheene kubhurabhu, naho abhantu bhonsego bhamanye mumeetegeerero gaabho ega, turingi abhaheene embere ya Waryubha.

Abhaefeso 4:14

Hayo tutarihumbibhwa enu na enu kya abhaana abharera, kwa emiyaga gya ameehigiryo ganú abhantu abhangʼeenererya bhareebhukya. Abhantu bhayo, oranyoora bhareenda bhabhahabhye kwa ameehigiryo gaabho aga obhubheehi.

Abhafiripi 3:21

Weeki yaana eginguru gya okutuura ebhintu bhyonsego bhibhe insi ya obhutungi bhwaye. Kunjira ya eginguru giyo, arikyukya emibhiri gyetu gya obhunyooheeru, gibhe na obhukuru kya ego omubhiri gwaye guringi.

1 Abhatesaronike 2:19

Hanú Omukuru Yeesu ariija, bheenyu muribha obhwisige bhwetu, obhujomerwa bhwetu na eritaaji rya obhuhigi bhunú tureeheemera.

2 Abhatesaronike 2:9

Eribhaga rya okutubhurwa kwaye, Omujeemi uyo, ariija na eginguru gyonsego gya Erisambwa na okukora ebhimanyiiriryo na ebhiruguuryo bhya obhubheehi.

1 Timoteo 1:4

Obhakaanʼye bhatigane na amagano ganú gataana obhwera, na okwitonda amariina ga eginganda gya bhajaaji ginú gitaana obhuteero. Bhiyo mbyo bhirakora eginhaka, kora bhitakwimya abhantu okumwikirirya Waryubha, kya ego garingi ameetegeerero gaaye ga okutungurya abhantu.

1 Timoteo 4:7

Otigane na amagano ga abhantu bha akare, ganú gataringi ga edini na gataana obhwera. Nawe, winarye okwikara kya ego Waryubha areenda.

Tiito 1:14

Bhatige okwitegeerera kweki amagano ga Ekiyahudi ganú gataana obhwera, na amaragiriryo ga abhantu bhanú bhaatiga obhuheene.

2 Petero 2:3

Kwa orunamba rwabho rwa ebhintu, bharibhanga bharabhakeerya amagano ga obhubheehi, naho bheenyoorere ebhintu okurwa kubheenyu. Nawe, okurwa akare, Waryubha yaakemera ega, aribhabhuturira ekiina, na kweki yeeseemerye okubhasikya!

1 Yoana 4:14

Na bheetu turuuji na tureemiririra ega, Taata Waryubha yaatuma Omwana waaye abhe Omutuurya wa ekyaro.

Yuda 1:14

Enoki, omuntu wa orwibhuro rwa muhungati okureka ku Adamu, yaaruusya obhurooti eguru ya abhantu bhayo ega, “Maaha, Omukuru Waryubha araaja hamwi na ebhiku bhya bhamaraika bhaaye abharabhu,

Obhukundukuri 1:7

Maaha! Yeesu ariijira gatigati ya amasaaru! Abhantu bhonsego bharimurora, kora bhanú bhaamubhita na eritimu. Amakabhira gonsego mukyaro, garifumba oruku, kurusumo rwaye. Maheene, niigo eribha. Amina.