2 Petero 1:13 - Eriragano Erihya

¹³ Oni ndarora ega, ni-ringʼana erijomu okubheemukya, kwa okubhahiitukya eguru ya amangʼana gayo, kwibhaga ryonsego rinú ndingi mukyaro munu.

2 Petero 1:13 ပူးပေါင်းရင်းမြစ်များ

2 Abhakorinto 5:8

Maheene tuuna obhwisige, kweki turamaaha nyakara tukaagitigiri emibhiri ginu, na okugya okwikara na Omukuru.

Abhafiripi 1:7

M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

Abhafiripi 3:10

Ndeenda mmumanye bhukongʼu Kiristu, na eginguru ginú Kiristu yaaringa nagyo eribhaga rya okuhyuka kwaye. Ndeenda nnyanke kya ego weeki yaanyanka, kora okuhikira okukwa,

2 Timoteo 1:6

Kwa ego, ndakuhiitukya ega, okore ekituunyo okutumira ekibharo kinú Waryubha yaakuhaana, eribhaga rinú naakwimya kwa okukutuurira amabhoko.

Abhaebhurania 13:3

Mubhahiituke bhanú bharingi mukibhohe, mubhenga muna mwabhohwa hamwi nabho. Mubhahiituke bhanú bharanyankibhwa, mubhenga muna m-beenyu muranyankibhwa.

2 Petero 1:12

Kwa ego, ndaagendereryenga okubhahiitukya amangʼana gayo eginsiku gyonsego, onyoora mwamara okugamanya na okunaga kubhuheene bhunú mweehigira.

2 Petero 1:14

Ndagamba ego, kwa okubha mmanyiri ega, ndingi haangʼi okurwa mukyaro munu, kya ego Omukuru weetu Yeesu Kiristu yanyorokerye.

2 Petero 3:1

Abhahanje bhaani, enyarubha inu ngʼ-ya kabhiri inú ndabhangʼoorera. Muginyarubha ebhiri giyo, ndasakya okwimukya ameetegeerero geenyu amajomu, kwa okubhahiitukya.