2 Petero 1:12 - Eriragano Erihya

¹² Kwa ego, ndaagendereryenga okubhahiitukya amangʼana gayo eginsiku gyonsego, onyoora mwamara okugamanya na okunaga kubhuheene bhunú mweehigira.

2 Petero 1:12 ပူးပေါင်းရင်းမြစ်များ

Amakorwa ga Abhatumwa 16:5

Ego, niigo abheekirirya bha eyo, bhaagendererya okukongʼa kuimani. Na erisaabhu rya abheekirirya ryaaruhanga kira orusiku.

Abhafiripi 3:1

Mbe, abhahiiri bhaani kuimani, mujomerwe kwa okubha muringi abhantu bha Omukuru Yeesu. Oni ntakurosa okuhindira okubhangʼoorera amangʼana ganú naamara okubhangʼoorera, kwa okubha amangʼana gayo ni-ngubha yeenyu kuimani.

Abhakorosai 1:5

Eimani yeenyu na obhuhanje bhwenyu, bhirarekana na obhwisige bhwenyu ega, murihaanwa eginonkwe ginú Waryubha abhatuuriiri murwire. Mwamara okwigwa eguru ya obhwisige bhuyo, eribhaga rinú mweehigiribhwa amangʼana ga obhuheene, na gayo ngo Amangʼana Amajomu.

Abhakorosai 2:7

Mugendererye okunaga, na okukiina kubhumwi bhwenyu na Kiristu. Mugume kuimani kya ego mweehigiribhwa. Kweki mubhenga muramukumya Waryubha bhukongʼu.

1 Timoteo 4:6

Hanú oraahaane abhahiiri bheetu kuimani bhonsego ameehigiryo ganu, hayo nho orabha omukori wa emirimu wa heene wa Kiristu Yeesu. Kweki orabha orererwe bhujomu kubhuheene bhwa eimani yeetu na ameehigiryo amajomu ganú waagwata.

2 Timoteo 1:6

Kwa ego, ndakuhiitukya ega, okore ekituunyo okutumira ekibharo kinú Waryubha yaakuhaana, eribhaga rinú naakwimya kwa okukutuurira amabhoko.

Abhaebhurania 10:32

Muhiituke eribhaga rya mbere rirya hanú mwaamba okumwikirirya Kiristu. Onyoora mwaringa muranyoora eginyanko eginene, kora ego mwaringa mureegumirirya eginyanko giyo.

Abhaebhurania 13:9

Mutangʼeenwa na ameehigiryo agandi amahya, ga amanga amaaru, kwa okubha eginguru gya emitima gyenyu girarwa kwiruguto rya Waryubha, etaringi mumaragiriryo eguru ya ebhyakurya. Amaragiriryo gayo, gatakubhabheera kyokyonse bhanú bharagagwata.

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.

1 Petero 5:12

Mbangʼooreeri enyarubha enyengʼi inu, kwa obhubheeri bhwa Siriwano. Oni mmumanyiri bhujomu, ega, omuhiiri weetu kuimani uyo, m-muheene. Ensonga yaani, n-kubhateremya na okubhoorokya ega, amangʼana ganu maheene, ni-riruguto rya Waryubha. Okurekana na eriruguto riyo, munage.

2 Petero 1:13

Oni ndarora ega, ni-ringʼana erijomu okubheemukya, kwa okubhahiitukya eguru ya amangʼana gayo, kwibhaga ryonsego rinú ndingi mukyaro munu.

2 Petero 1:15

Nkyo kirakora ndakora ekituunyo okubhangʼoorera gayo, naho hanú ndibha nkwiri, mugahiitukenga eribhaga ryonsego.

2 Petero 3:1

Abhahanje bhaani, enyarubha inu ngʼ-ya kabhiri inú ndabhangʼoorera. Muginyarubha ebhiri giyo, ndasakya okwimukya ameetegeerero geenyu amajomu, kwa okubhahiitukya.

2 Petero 3:17

Mbe, bheenyu abhahanje bhaani, kwa okubha mumariri okumanya eguru ya abheehigirya bha obhubheehi, bhoono mwiyangararire na abhasarya bhayo, bhatariija okubhahabhya kwa obhubheehi bhwabho naho mutige okunaga kubhuheene.

1 Yoana 2:21

Ndabhangʼoorera enyarubha inu, etaringi kwa okubha mutamanyiri obhuheene. Ndabhangʼoorera kwa okubha mubhumanyiri. Kweki mumanyiri ega, bhutariho obhubheehi bhobhonse bhunú bhurarekana na obhuheene.

2 Yoana 1:2

Mbahanjiri kwa okubha bheetu na bheenyu tumanyiri obhuheene, kweki turagendererya okubhumanya koko.

Yuda 1:17

Nawe, bheenyu abhahanje bhaani, muhiituke amangʼana ganú gaagambwa akare hayo, na abhatumwa bha Omukuru weetu Yeesu Kiristu.

Yuda 1:3

Abhahanje bhaani, naaringa ndeegomba bhukongʼu okubhangʼoorera eguru ya obhutuurya bhunú turasanga bhonsego hamwi. Nawe bhoono, naaruuji ega, ndeenderwa mbangʼoorere, naho mbakomererye ega, mwibhagirire obhuheene bhwa eimani bhunú Waryubha yaagwatya abharabhu bha omutima rumwigo kwibhaga ryonsego.

Yuda 1:5

Kweki ndeenda okubhahiitukya, onyoora mwamara okumanya amangʼana ganu gonsego, ega, Omukuru yaatungurya Abhaisiraeri okurwa mubhugaya, mukyaro kya Misiri, nawe, yaamara akasikya bhanú bhataaringa bharamwikirirya.