2 Petero 1:10 - Eriragano Erihya

¹⁰ Mbe bhoono, abhahiiri bhaani kuimani, mukore ekituunyo bhukongʼu okoorokya ega, Waryubha abhabhirikiiri na okubhasora. Nyoore mureekarenga ego, mutarihabha kora rumwi,

2 Petero 1:10 ပူးပေါင်းရင်းမြစ်များ

Mataayo 22:14

Yeesu akamariisirya kwa okugamba ega, “Abhantu bhanú bharabhirikirwa okusoha mubhukama bhwa murwire m-baaru, nawe, m-bakego bhanú bhaasorwa okusoha-mo.”

Abharuumi 11:29

Waryubha akaasora abhantu bhaaye na okubhanonka, atakutura okwihunjura.

2 Timoteo 2:19

Nawe, abhantu bhanú bheemiri, n-kya obhurusa bhunú bhwatuurwa na Waryubha. Na kubhurusa kuyo rungʼoorerwe-ko orubhaaso runu, “Omukuru Waryubha amanyiri abhaana bhaaye,” kweki, “Omuntu wowonse unú areebhirikira ega, weeki ngʼ-wa Omukuru Waryubha, atige obhusarya.”

Abhaebhurania 6:11

Ndeegomba bhukongʼu ega, kira oumwi kubheenyu akore ekituunyo okukora amangʼana gayo okuhikira kubhuteero, naho munyoore gonsego ganú mureesigira.

Abhaebhurania 6:19

Tuuna obhwisige bhuyo mumitima gyetu, na bhweki n-kya enanga, inú eragwatirira eryato ritagegwa na omuyaga. Obhwisige bhuyo n-Yeesu unú aringi Aharabhu ha Aharabhu murwire, okuhitira mushuuka enene.

Yakobho 2:10

Omuntu akaagwata amaragiriryo gonsego, nawe, asarye eriragiriryo rimwi, arabharwa ega, asarirye gonsego.

1 Petero 1:2

Akare hayo, Taata Waryubha yaabhamanya na okubhasora kwa Omutima waaye, yaabhakora mubhe abharabhu bha omutima, naho mumwigwe Yeesu Kiristu na okuraamwa na amanyinga gaaye. Ndabhasabhira ku Waryubha abhoongerye eriruguto na omurembe.

1 Petero 1:5

Waryubha arabhaangararira kwa eginguru gyaye, kwa okubha muramwikirirya Yeesu Kiristu. Aragendererya okubhaangararira okuhikira obhutuurya hanú bhuryorokibhwa kwibhaga rya obhuteero.

2 Petero 1:3

Waryubha kwa obhuturo bhwaye, yaatuheeri gonsego ganú tureenda, naho twikare obhwikari bhunú bhuramujomera. Weeki yaatuheeri gayo, kwa enjira ya okumumanya. Omwene atubhirikiiri okurekana na obhukuru na obhujomu bhwaye.

2 Petero 1:5

Kwa ekisigo kiyo, mukorenga ekituunyo bhukongʼu, naho eimani yeenyu ebhe na amajomu na amajomu geenyu, gabhe ga okumanya ganú Waryubha areenda.

2 Petero 3:14

Kwa ego, abhahanje bhaani, eribhaga muraganyirira amangʼana gayo, mukorenga ekituunyo, mutabha na obhusarya kora amasoro hanú muriija embere ya Waryubha, na mubhenga na omurembe hamwi nawe.

2 Petero 3:17

Mbe, bheenyu abhahanje bhaani, kwa okubha mumariri okumanya eguru ya abheehigirya bha obhubheehi, bhoono mwiyangararire na abhasarya bhayo, bhatariija okubhahabhya kwa obhubheehi bhwabho naho mutige okunaga kubhuheene.

Yuda 1:24

Waryubha ngʼo yaana obhuturo bhwa okubhaangararira mutabhura, na okubhareeta bheenyu bira amasoro embere ya obhukuru bhwaye, enu murajomerwa bhukongʼu.

Obhukundukuri 22:14

Bharinonkwa abhantu bhanú bharafura eginkanju gyabho mumanyinga ga Omwana wa Eringʼondi, naho bhanyoore omweya gwa okusoha mumugi omuhya guyo, okuhitira ebhiseku bhyago na okurya emisumo gya omuti gunú gurahaana abhantu obhuhoru bhwa koko.