2 Petero 1:1 - Eriragano Erihya

¹ Enyarubha inu, erwiri kuoni Simoni Petero, omugaya na omutumwa wa Yeesu Kiristu. Ndabhangʼoorera bheenyu bhanú muheerwe eimani ya obhwera inú bheetu bhonse tuheerwe. Muheerwe eimani iyo, kwa okubha Waryubha, Omutuurya weetu Yeesu Kiristu, yaakora ganú gareenderwa.

2 Petero 1:1 ပူးပေါင်းရင်းမြစ်များ

Mataayo 10:2

Amariina ga abhatumwa ekumi na bhabhiri bhayo n-ganu, Simoni unú Yeesu yaamutoga Petero, na Andurea omumura waabho, Yakobho na Yoana abhamura bha Jebhedayo,

Mataayo 4:18

Orusiku orumwi hanú Yeesu yaaringa aragenda embarika wa enyanja ya Gariraaya, akarora abhamura bhabhiri, Simoni unú arabhirikirwa Petero, na Andurea, omumura waabho. Bhaaringa bharatega kwa emitego, kwa okubha bhaaringa abhategi.

Ruuka 1:47

erajomererwa Waryubha, Omutuurya waani,

Ruuka 11:49

“Nkyo kyakora Waryubha yaagamba kwa egintungwa gyaye ega, ‘Ndabhatumira abharooti na abhatumwa. Nawe, abhandi gati yaabho bharibheeta, na abhandi bharibhanyankya.’

Yoana 1:42

Kimwi Andurea akamuhira Simoni ku Yeesu. Yeesu akamumaahirira Simoni, akamara akamukeerya ega, “Uuwe n-Simoni, omwana wa Yoana. Nawe bhoono, oraabhirikirwenga ega, Kefa.” Eriina riyo, mu Kiyunani, n-Petero, ensonga yaaryo niiga, “Eritare”.

Yoana 12:26

Omuntu wowonse unú arankorera emirimu, ereenderwa yansoorane. Kweki hohonse hanú ndingi, hayo nho, omukori wa emirimu waani aribha. Taata arimusuuka omuntu wowonse unú arankorera emirimu.

Yoana 20:21

Yeesu akabhakeeranʼya kweki ega, “Omurembe gubhe na bheenyu. Kya ego Taata Waryubha yaantuma oni, egoego na oni ndabhatuma bheenyu mukyaro hanu.”

Amakorwa ga Abhatumwa 15:14

Simoni amariri okutukeerya kya ego Waryubha yaanyankira abhantu bhanú bhataringi Abhayahudi, naho okusora abhandi gati yaabho, bhonse bhabhe abhantu bhaaye.

Abharuumi 1:1

Enyarubha inu, erwiri kuoni Pauro, omugaya wa Kiristu Yeesu. Oni naabhirikirwa okubha omutumwa waaye, nkasorwa mbenga ndaraarika Amangʼana Amajomu ga Waryubha.

Abharuumi 1:12

Nko okugamba ega, turiimanʼya, eimani yeenyu erinyimya oni, na eimani yaani eribheemya bheenyu.

Abharuumi 1:17

Amangʼana Amajomu gayo, garoorokya kubhurabhu kya ego Waryubha arabhara abhantu okubha abhaheene embere yaaye. Abhantu bharabharwa okubha abhaheene embere ya Waryubha, okurekana na eimani eyenego. N-kya ego Amangʼoore Amarabhu garagamba ega, “Omuheene aribhanga areekara kwa okunyikirirya.”

1 Abhakorinto 1:30

Waryubha omwene ngʼo yaabhagwatanʼya bheenyu na Kiristu Yeesu. Weeki yaamukora Kiristu abhe egintungwa gyetu. Ensonga yaaye niiga, kwa enjira ya Yeesu tubheeri abhaheene embere ya Waryubha, tubheeri abhantu bhaaye, kweki tutunguriibhwe.

1 Abhakorinto 15:9

Oni m-mutumwa wa obhusuuku obhuke gati ya abhatumwa bhonsego, kora ntakwenderwa okubhirikirwa omutumwa, kwa okubha naanyankyanga erikanisa rya Waryubha.

1 Abhakorinto 9:1

Bhoono, oni ntakwiyagaara? Oni ntaringi omutumwa? Oni ntaamurora Omukuru weetu Yeesu? Emirimu ginú oni naakora tigyo gyakora bheenyu mumwikirirye Omukuru?

2 Abhakorinto 4:13

Amangʼoore Amarabhu garagamba ega, “Naamwikirirya Waryubha, nkyo kyakora nkagamba.” Na bheetu tuuna eimani ya ekabhira iyo, nkyo kirakora turagamba.

2 Abhakorinto 5:21

Kiristu ataaringa na obhusarya, nawe, Waryubha yaamubharira obhusarya bhwetu bhonsego, naho bheetu tubharwe okubha abhaheene embere ya Waryubha okuhitira kuweeki.

Abhagaratia 2:8

Ndagamba ego, kwa okubha Waryubha unú yaamukora Petero okubha omutumwa waaye, ku Bhayahudi, ngʼo yaankora oni nonse okubha omutumwa waaye, kubhantu bhanú bhataringi Abhayahudi.

Abhaefeso 3:5

Akare hayo, Waryubha ataatubhurira abhantu ekinyerera kyaye kiyo, nawe bhoono, abhatubhuriiri abhatumwa na abharooti bhaaye abharabhu bha omutima, kwa enjira ya Omutima Omurabhu.

Abhaefeso 4:11

Weeki ngʼo yaasora abhantu abhandi okubha abhatumwa, abhandi abharooti, abhandi abharaariki, abhandi abhariisya na abheehigirya.

Abhaefeso 4:5

Omukuru weetu ngʼ-umwi, eimani yeetu ngʼ-imwi na obhubhatiijo bhwetu m-bumwi.

Abhafiripi 1:1

Enyarubha inu, erwiri kuoni Pauro, ndingi hamwi na Timoteo, omugaya omurikyani ku Kiristu Yeesu. Turabhangʼoorera bheenyu abheemiririri na abhabheeri bha erikanisa, na bheenyu abhantu bhonsego bha Waryubha bhanú mwagwatana na Kiristu Yeesu, Firipi eyo.

Abhafiripi 1:29

Ndagamba ego, kwa okubha mutaahaanwa eriruguto rya okumwikirirya Kiristu okwenego, nawe mwahaanwa kora eriruguto rya okunyankibhwa kurusumo rwaye.

Abhafiripi 3:9

kweki ngwatane nawe. Ntakwisigira kweki obhuheene bhunú bhurarekana na okugwata amaragiriryo, nawe obhuheene bhunú bhurarekana na okumwikirirya Kiristu omwenego. Obhuheene bhuyo, bhuraruusibhwa na Waryubha kubhanú bharamwikirirya Kiristu.

2 Timoteo 1:5

Kweki, ndahiituka eimani yaaho ya obhuheene. Eimani kya iyo, yaaringa nayo kuuku weenyu Roisi na ngʼina weenyu Eunike. Nonse ndeekirirya ega, na uuwe uunayo.

Tiito 1:1

Enyarubha inu, erwiri kuoni Pauro, omugaya wa Waryubha, na omutumwa wa Yeesu Kiristu. Naatumwa naho okoorokererya abhantu bhanú bhaasorwa na Waryubha, bhature okumwikirirya na okumanya obhuheene eguru ya Yeesu Kiristu. Obhuheene bhuyo, bhurabhoorokererya okumwigwa Waryubha,

Tiito 1:4

Ndakungʼoorera uuwe Tiito, omwana waani wa heene kuimani inú turasanga hamwi. Ndakwendera eriruguto na omurembe okurwa ku Taata Waryubha na ku Kiristu Yeesu Omutuurya weetu, bhibhe hamwi na uuwe.

Tiito 2:13

Tubhenga ego, eribhaga turaganyirira orusiku rwa enonkwe, rurya rwa okuhunjuka kwa Yeesu Kiristu. Orusiku ruyo, arimaahikana mubhukuru bhwaye. Weeki ngʼo Waryubha weetu omukuru, na ngʼo Omutuurya weetu.

Yakobho 1:1

Enyarubha inu, erwiri kuoni Yakobho, omugaya wa Waryubha na Omukuru Yeesu Kiristu. Ndabhangʼoorera bheenyu, abheekirirya bha amakabhira ekumi na gabhiri, ganú mwanyaragana mubhyaro ebhindi. Ndabhakeeranʼya!

1 Petero 1:1

Enyarubha inu, erwiri kuoni Petero, omutumwa wa Yeesu Kiristu. Ndabhangʼoorera bheenyu bhanú musorerwe na Waryubha, bhanú munyarageeni kya abhageni mubhyaro bhya Ponto, Garatia, Kapadokia, Asia na Bhitunia.

1 Petero 1:7

Amasakyo gayo, garasakya eimani yeenyu emaahikane ega, ngʼ-ya heene, kya ego egijahaabhu girarengwa kwa okusambwa na omururo. Eimani yeenyu iina obhwera obhunene okukira egijahaabhu. Kwa ego, Yeesu Kiristu aribhahaana eginkuma, obhukuru na obhusuuku hanú ariija na okwiyorokya kubhurabhu.

1 Petero 2:7

Kubheenyu bhanú mureekirirya erigina riyo, ni-rya okusuukwa. Nawe, kubhanú bhatakwikirirya, Amangʼoore Amarabhu garagamba ega, “Erigina rinú abhahagaaji bhaangiri, ndyo ryabheeri erigina erikuru rya obhurusa.”

1 Petero 5:1

Bhoono, ndagamba na bheenyu abhakangati bha erikanisa. Oni m-mukangati omurikyenyu, naarora kwa ameeso gaani kya ego Kiristu yaanyankibhwa. Kweki oni m-mugwatani omurikyenyu wa obhukuru bhunú bhuringi haangʼi okumaahikana. Kwa ego, ndabhakomererya bheenyu,

2 Petero 1:4

Kwa enjira ya gayo, yaaturaga amangʼana amanene na aga obhwera. Na kwa amangʼana gayo yaaturaga, turatura okutiga amabhiibhi ga mukyaro hanu ganú garareetwa na orunamba orubhiibhi, naho tugwatane na enteemo ya Waryubha.

Yuda 1:1

Enyarubha inu, erwiri kuoni Yuda, omugaya wa Yeesu Kiristu na omumura waabho Yakobho. Ndabhangʼoorera bheenyu bhanú mwabhirikirwa na Taata Waryubha, bheenyu bhanú mureekara mubhuhanje bhwaye, na okwangararirwa bhwaheene na Yeesu Kiristu.