2 Abhakorinto 9:2 - Eriragano Erihya

² kwa okubha mmanyiri ega, muuna omutima gwa okubhabheera abhandi. Kweki, oni ndeegungya eguru yeenyu kubhantu bha Makedonia, ndabhakeerya ega, bheenyu abhantu bha erikanisa rya mukyaro kya Akaya, mweeseemya okuruusya okurwa omwaka guyo gwahita. Ekituunyo kyenyu kiyo, kyabhakora abhaaru gati yaabho, okubha na omutima gwa okuruusya.

2 Abhakorinto 9:2 ပူးပေါင်းရင်းမြစ်များ

Amakorwa ga Abhatumwa 18:12

Eribhaga Gario yaaringa omwanangwa wa ekyaro kya Akaya, Abhayahudi bhonsego hamwi, bhakamugwata Pauro. Bhakamuhira embere ya abhabhuturi bha ekiina bha amaragiriryo,

Amakorwa ga Abhatumwa 24:17

“Mbe, hanú naamara emyaka emyaru bira okuhika mumugi gwa Yerusaremu, nkahunjuka-yo, naho mbahirire ebhintu bhya okubhabheera abhantu bha ekyaro kyani bhanú bhatakwitura, na nduusye ebhimwenso ku Waryubha.

Abharuumi 15:26

Abheekirirya bhanú bharingi Makedonia na Akaya, bhaarora m-bujomu okusororya, naho bhabheere abheekirirya abhatobhu gati ya abheekirirya bhanú bharingi Yerusaremu erya.

1 Abhakorinto 16:15

Bhoono, abhahiiri bhaani kuimani, mumanyiri ega, abhantu bha owa Sitefano mbo bhaabha abha mbere okumwikirirya Yeesu Kiristu, mukyaro kya Akaya, na bheeki bheeruusya okubhakorera emirimu, abhantu bha Waryubha. Ego, ndabhakomererya

2 Abhakorinto 1:1

Enyarubha inu, erwiri kuoni Pauro, unú Waryubha yaambirikira kwa obhwendi bhwaye, naho mbe omutumwa wa Kiristu Yeesu. Oni na omuhiiri weetu kuimani Timoteo, turabhangʼoorera bheenyu bhanú muringi mwikanisa rya Waryubha, erya mumugi gwa Korinto eyo. Turabhangʼoorera bheenyu hamwi na abhantu bhonsego bha Waryubha bhanú bharingi mukyaro kya Akaya.

2 Abhakorinto 7:14

Oni naabhagungya bhukongʼu embere yaaye, na bheenyu mutaankora ndore eginsoni. Gonsego ganú twaringa turabhakeerya, gaaringa ga maheene. Na ganú twabhagungya bheenyu embere ya Tiito, gonse gaamaahikana ega, gaaringa ga maheene.

2 Abhakorinto 7:4

Ndahaira na bheenyu kwa obhuhaari bhukongʼu, kweki ndeegungya bhukongʼu kurusumo rwenyu. Munhorisirye bhukongʼu na mukoreri mbeeri na obhujomerwa bhukongʼu, onyoora turanyanka bhukongʼu.

2 Abhakorinto 8:10

Bhoono, eguru ya omusororyo guyo ndabhatongera rinú rireenderwa kubheenyu. Omwaka gunú gwahweri mwabha abha mbere okoorokya enamba ya okusororya, na abha mbere okusororya.

2 Abhakorinto 8:11

Bhoono, mukunaanʼye ganú mwambisya kya ego mwaringa mwigomberi, mukore ekituunyo kya okuruusya ebhintu okuringʼaana na obhuturo bhwenyu.

2 Abhakorinto 8:19

Kweki ritaringi riyo eryenego eguru yaaye, weeki yaasorwa na amakanisa agyenga hamwi na bheetu hanú turahira omusororyo kubheekirirya bha Yerusaremu. Emirimu gya eriruguto giyo, girakora Omukuru agungibhwe, kweki giroorokya kya ego tuuna omutima gwa okubheera abhandi.

2 Abhakorinto 8:24

Kwa ego, mubhoorokye obhuhanje bhwenyu, naho amakanisa bhamanye ega, tuuna ekisigo kya okwigungya kurusumo rwenyu.

2 Abhakorinto 8:8

Ntakugamba gayo, naho mbabhandirirye, nawe, ndeenda okurora nyoore obhuhanje bhwenyu m-bwa maheene, kwa okubhoorokya kya ego abhantu abhandi bhaaruusya kwa ekituunyo.

1 Abhatesaronike 1:7

Kora bheenyu mwabheeri ekirengyo ekijomu kubheekirirya bhonsego bha mukyaro kya Makedonia na ekya Akaya.

Abhaebhurania 10:24

Kweki tureenderwa okuteremanʼya omutima, naho tuhanjane na okukorerana amajomu abheene kwa abheene.