2 Abhakorinto 8:9 - Eriragano Erihya

⁹ Bheenyu mumanyiri eriruguto rya Omukuru weetu Yeesu Kiristu ega, yeekora omutobhu kurusumo rwenyu, onyoora yaaringa omuniibhi, naho okuhitira kubhutobhu bhwaye, bheenyu mubhe abhaniibhi.

2 Abhakorinto 8:9 ပူးပေါင်းရင်းမြစ်များ

Mataayo 17:27

Nawe bhoono, tutaaja okubhajimya abhantu bhanu, genda munyanja orobhye. Enswi inú wakakangate okugwatya, oyasamye omunwa, wakanyoore-mo embirya. Oigege ogende oriihe erigooti eryani na eryaho.”

Mataayo 20:28

N-kya ego Omwana wa Adamu, ataaja okukorerwa emirimu, nawe yaaja okubhakorera abhantu emirimu na okuruusya obhuhoru bhwaye, naho atungurye abhantu abhaaru.”

Mataayo 8:20

Yeesu akamukyukya ega, “Ebhibhwe bhiina amasana na ebhinyonyi bhiina amasu, nawe, Omwana wa Adamu, ataana kora aha okuraarya omutwe gwaye!”

Mariko 6:3

Omuntu unu tu-museremara urya, omwana wa Mariamu, na tu-mumura waabho Yakobho, Yose, Yuda na Simoni? Na abhahara bhaabho, tibho bhanú tumenyeri nabho hanu?” Bhakabhihirirwa bhakaanga okumwikirirya.

Ruuka 16:11

Nyoore mutabheeri abhaheene kubhuniibhi bhwa mukyaro hanu, niwi aribheekirirya mubhuniibhi bhwa obhuheene bhwa murwire?

Ruuka 2:7

Akeebhura omwana wa ekisaaja omutangi, muriigo rya egintugo. Akamukundikirya emyenda gya ekyana, akamuraarya mwitubha rya okuriisya-mo egintugo. Yeebhurira muyo, kwa okubha bhataanyoora omweya gwa okuraara, muginyumba gya abhageni.

Ruuka 8:3

Kweki yaaringa-mo Yoana, muka Kuja. Kuja uyo, ngʼo yaaringa omwimiririri omukuru wa emirimu gya omukama Herode Antipa. Kweki, yaaringa-mo Susana, na abhakari abhandi abhaaru, bhanú bhaaringa bharabhabheera Yeesu na abheehigira bhaaye, kwa okuruusya ebhintu bhyabho abheene.

Ruuka 9:58

Yeesu wonse akamukyukya ega, “Ebhibhwe bhiina amasana na ebhinyonyi bhiina amasu, nawe, Omwana wa Adamu, ataana kora aha okuraarya omutwe gwaye!”

Yoana 1:10

Uyo ngʼo yaaringa mukyaro munu, kweki ekyaro kyonsego kyabhumbwa okuhitira kuweeki. Nawe, abhantu bha mukyaro bhataamumanya.

Yoana 1:14

Mbe, Engʼana uyo, akabha omuntu, akeekara gati yeetu. Na bheetu tukarora obhukuru bhwaye, obhukuru bhwa Omwana omumwemwe wa Taata Waryubha. Yaaringa na eriruguto erinene na obhuheene bhonsego.

Yoana 1:17

Okurwa akare, Waryubha yaaruusya amaragiriryo gaaye, okuhitira ku Musa, na bhoono aruusirye eriruguto ryaye na obhuheene bhwaye, okuhitira ku Yeesu Kiristu.

Yoana 12:30

Nawe, Yeesu akabhakeerya abhantu bhayo ega, “Eringʼana rinú mwaringa mureegwa ritaringi kurusumo rwani, nawe, ryaringa kurusumo rwenyu.

Yoana 16:15

Ebhintu bhyonsego bhinú Taata yaanabhyo, m-byani. Nkyo kirakora ndagamba ega, Omutima uyo, aribhakeerya gonsego ganú aribha areegwa okurwa kuoni.

Yoana 17:19

Niruusirye oni omwene kuuwe, kurusumo rwabho, naho bheeruusye kubhuheene bhwaho.

Abharuumi 11:12

Bhoono, nyoore abhantu bhanú bhataringi Abhaisiraeri, bhaanyoora eriruguto erinene kwa okubha Abhaisiraeri bhaamwanga Omutuurya, mbe, bharinyoora eriruguto erinene bhukongʼu, hanú Abhaisiraeri bhonsego bharibha bhatuurikiri.

Abharuumi 15:3

Kora Kiristu omwene, ataakora amangʼana ganú gaaringa na obhwera kuweeki omwenego. Nawe, ganú yaakoranga, gaaringa kya ego Amangʼoore Amarabhu garagamba ega, “Amatuki ganú bharakutuka uuwe Waryubha, gaannyoora oni.”

Abharuumi 5:8

Nawe, Waryubha yaatoorokya ega, atuhanjiri bhukongʼu, kwa okubha hanú bheetu twaringa tukyari abhakori bha obhusarya, Kiristu yaakwa kurusumo rwetu.

Abharuumi 8:32

Waryubha ataamumaahira ekyabhira Omwana waaye omumwemwe, nawe, yaamuruusya naho akwe kurusumo rwetu bhonsego. Nyoore yaakora ego, bhoono, atarituhaana amajomu agandi gonsego?

1 Abhakorinto 1:4

Ndamukumya Waryubha eribhaga ryonsego kurusumo rwenyu, kwa okubha yaabhanonka okuhitira ku Kiristu Yeesu.

1 Abhakorinto 15:47

Omuntu owa embere yaaringa wa mukyaro, yaabhumbwa okurekana na obhutoto. Omuntu wa kabhiri yaarwa murwire.

2 Abhakorinto 6:10

Kweki turamaahikana ega, tusurumbeeri, nawe, eribhaga ryonsego tuuna obhujomerwa. Turamaahikana ega, turingi abhatobhu, nawe, abhaaru tubhaniibhirye. Turamaahikana ega, tutaana ekintu kyokyonse, nawe, tuuna ebhintu bhyonsego.

Abhaefeso 2:7

Yaakora ego, naho yoorokye kwibhaga rinú riraaja, obhuserenʼya bhwaye kubheetu okuhitira ku Kiristu Yeesu, na obhwaru bhwa eriruguto ryaye rinú ritaana obhuteero.

Abhaefeso 3:19

Na mumanye kya ego atuhanjiri bhukongʼu, onyoora etakuturika kubheetu okubhumanya bhonsego, okuringʼaana na obhwaru bhwaye. Hanú muraamanye obhuhanje bhwaye, enteemo yeenyu eraatuubhane na enteemo ya Waryubha.

Abhaefeso 3:8

Onyoora oni ngʼ-wa insi okukira abhantu bha Waryubha bhonsego, nawe, Waryubha yaangʼaana eriruguto rinu, okuraarikira abhantu bhanú bhataringi Abhayahudi, obhuniibhi obhwaru bhunú bhuratuuka ku Kiristu.

Abhakorosai 1:24

Bhoono, ndajomererwa enyanko inú ndanyoora kurusumo rwenyu. Kwa enjira ya okunyanka kumubhiri gwani, ndasanga enyanko ya Kiristu inú eragendererya kurusumo rwa omubhiri gwaye. Omubhiri guyo, ngo erikanisa.

1 Timoteo 6:18

Kweki, obhakeerye bhakore amajomu, naho bhabhe abhaniibhi kwa okukora amajomu, bhabhe abhaserenʼya na bheeseemye okugwatana na abharikyabho kubhintu bhyabho.

Abhaebhurania 1:2

Nawe, kuginsiku gya obhuteero ginu, Waryubha ahairi na bheetu okuhitira ku Mwana waaye. Yaamusora Omwana uyo, agabhe ebhintu bhyonsego, kweki okuhitira kuweeki, Waryubha yaabhumba ekyaro.

Yakobho 2:5

Abhahiiri bhaani abhahanje kuimani, munyitegeerere bhujomu. Waryubha abhasoreri abhatobhu bha mukyaro kinu, naho bhabhe abhaniibhi kuimani, na okugabha obhukama bhunú yaabharaga bhanú bhamuhanjiri.

Obhukundukuri 2:9

“Mmanyiri enyanko yeenyu na obhutobhu bhwenyu. Nawe maheene, muringi abhaniibhi, kwa okubha muringi abhantu bha Waryubha! Mmanyiri amatuki ganú muratukwa na bhanú bhareebhirikira ega, m-bantu bha Waryubha, nawe, bhataringi abhantu bha Waryubha. Bhayo m-bantu bha Erisambwa.

Obhukundukuri 21:7

Omuntu unú arihiga, ndimuhaana gayo gonsego. Oni ndibha Waryubha waaye, na weeki aribha omwana waani.

Obhukundukuri 3:18

Kwa ego, ndabhatongera mugure kuoni ejahaabhu inú yoogiibhwe kwa omururo, naho mubhe abhaniibhi. Na mugure emyenda emirabhu mwibhohe, mukundikirye ekinaabhi kyenyu, naho mutarora eginsoni. Kweki mugure eryogo rya okuhaka kumeeso geenyu, naho muture okurora bhwaheene.