2 Abhakorinto 8:4 - Eriragano Erihya

⁴ Bhaatukomereryanga ega, bhonse bhanyoore omweya gwa okugwatana kumirimu giyo gya okubheera abheekirirya bha Yerusaremu.

2 Abhakorinto 8:4 ပူးပေါင်းရင်းမြစ်များ

Amakorwa ga Abhatumwa 24:17

“Mbe, hanú naamara emyaka emyaru bira okuhika mumugi gwa Yerusaremu, nkahunjuka-yo, naho mbahirire ebhintu bhya okubhabheera abhantu bha ekyaro kyani bhanú bhatakwitura, na nduusye ebhimwenso ku Waryubha.

Abhagaratia 6:10

Mbe, eribhaga ryoryonse hanú turanyoora omweya, tukorere abhantu bhonsego amajomu, nawe, ekinene kubheekirirya abharikyetu.

2 Abhakorinto 9:1

Ntakwenderwa mbangʼoorere mara kaaru eguru ya okubhabheera abheekirirya bha Yerusaremu,

Abhaebhurania 6:10

Waryubha ngʼ-wa heene, atakutura okurabhirwa amakorwa amajomu ganú mwakora. Kweki atakutura okurabhirwa obhuhanje bhunú moorokya kurusumo rwaye, kwa okubhabheera abheekirirya abharikyenyu okurwa kubhwambiro nawanyareero.

1 Abhakorinto 16:15

Bhoono, abhahiiri bhaani kuimani, mumanyiri ega, abhantu bha owa Sitefano mbo bhaabha abha mbere okumwikirirya Yeesu Kiristu, mukyaro kya Akaya, na bheeki bheeruusya okubhakorera emirimu, abhantu bha Waryubha. Ego, ndabhakomererya

Abhagaratia 2:10

Kimwi bhakatusabha eringʼana rimwi ega, tubhenga turahiituka abhatobhu gati ya abheekirirya bha Yerusaremu eyo. Na oni naabha na ekituunyo bhukongʼu kya okukora ego.

1 Timoteo 5:10

Abhe yaana eginkuma eginjomu, abhe yaarera abhaana bhaaye bhwaheene, abhe yaaserenʼya abhageni, abhe yoogya abheekirirya amaguru, abhe yaabheera bhanú bharanyankibhwa, abhe yaakora amajomu kwa ekituunyo.

1 Abhakorinto 16:1

Bhoono, ndagamba eguru ya omusororyo gwa okubhabheera abheekirirya bha Yerusaremu. Bheenyu bhonse mukorenga kya ego naaragirirya amakanisa ga Abhagaratia.

Abharuumi 15:31

Munsabhire ega, abhantu bha mukyaro kya Yudea erya, bhanú bhataamwikirirya Yeesu Kiristu, bhatariija okunkorera amabhiibhi. Kweki munsabhire, naho abheekirirya bha Yerusaremu erya, bheekirirye okugega omusororyo gunu.

Amakorwa ga Abhatumwa 16:15

Hanú yeekirirya, akabhatiijwa, weeki hamwi na abhantu bha iika owaaye. Wonse akatukomererya bhukongʼu ega, “Nyoore muruuji ega, heene oni ndamwikirirya Omukuru Yeesu, mugenihe owaani mwikare.” Akatukomererya bhukongʼu ega, tugende owaaye.

Amakorwa ga Abhatumwa 11:29

Okurekana na obhurooti bhuyo, abheekirirya bha Yeesu bhakaamura ega, kira oumwi waabho, okuringʼaana na obhuturo bhwaye, aruusye omusororyo, naho okubheera emirimu Abhakiristu abharikyabho, bhanú bhaaringa bhamenyeri mukyaro kya Yudea.

Mariko 14:7

Abhatobhu bharingi hamwi na bheenyu eginsiku gyonsego. Muratura okubhabheera kwibhaga ryoryonse rinú mureenda, nawe, oni ntaribha hamwi na bheenyu eginsiku gyonsego.

Mataayo 25:40

Omukama, aribhakyukya ega, ‘Ndabhakeerya obhuheene ega, kya ego mwakorera oumwi gati ya abheekirirya bhanú bharamaahikana ega, bhataana obhwera, mwankorera oni.’

Mataayo 12:50

Omuntu wowonse unú arakora obhwendi bhwa Taata owa murwire, uyo ngʼo omumura weetu, omuhara weetu na maayi.”

Mataayo 10:42

Ndabhakeerya obhuheene ega, wowonse unú aramuhaana ekikombe kya amanji amamititu oumwi gati ya abhake bhanu, kwa okubha m-mwihigira waani, omutuho gwaye gutaribhura.”