2 Abhakorinto 8:2 - Eriragano Erihya

² Abhantu bhayo m-batobhu bhukongʼu, kweki bhaanyoora amasakyo amaaru, na eginyanko, nawe, bhaaringa na obhujomerwa obhwaru, bhunú bhwabhakora bhakabha abhaserenʼya bhukongʼu bha okuruusya ebhintu bhyabho.

2 Abhakorinto 8:2 ပူးပေါင်းရင်းမြစ်များ

Mataayo 20:15

Bhoono, ntakwenderwa okutumira egimbirya gyani kya ego ndeenda? Kasi, oramaaha orwango kwa okubha oni m-muserenʼya?’”

Abharuumi 12:8

Omuntu unú aheerwe ekibharo kya okuhorisya abharikyaye, akore ego bhujomu. Omuntu unú aheerwe ekibharo kya obhuserenʼya kubhantu, aserenʼye kwa omutima gonsego. Omuntu unú aheerwe ekibharo kya obhutungi, atunge kwa ekituunyo kyonsego. Na omuntu unú aheerwe ekibharo kya ekyabhira, yaabhire abhantu kwa obhujomerwa.

Abharuumi 2:4

Waryubha m-muheene bhukongʼu, arakumaahira ekyabhira bhukongʼu, na arakwigumirirya bhukongʼu. Nawe bhoono, uuwe oreenda okujeera gayo gonsego? Otamanyiri ega, arakoorokya obhujomu bhwaye, naho oture okumwihunjurira?

2 Abhakorinto 1:12

Mbe, ekisigo kinú kirakora tureegungya niiga, ameetegeerero geetu garatwimiririra ega, eginteemo gyetu ni-njomu mukyaro hanu, ekinene n-kubhugwatani bhwetu na bheenyu. Twikeeri kwa omutima omujomu na obhuheene bhunú bhurarwa ku Waryubha. Tutaakora ego, kwa egintungwa gyetu abheenego, nawe, eriruguto rya Waryubha, ndyo ryakora tukakora gayo.

2 Abhakorinto 2:9

Ensonga yaani eindi inú yaakora nkabhangʼoorera enyarubha irya, yaaringa nu-kubheekomya, nyoore mukaabheeri abheegwa kumangʼana gonsego.

2 Abhakorinto 6:10

Kweki turamaahikana ega, tusurumbeeri, nawe, eribhaga ryonsego tuuna obhujomerwa. Turamaahikana ega, turingi abhatobhu, nawe, abhaaru tubhaniibhirye. Turamaahikana ega, tutaana ekintu kyokyonse, nawe, tuuna ebhintu bhyonsego.

2 Abhakorinto 9:11

Aribhanga arabhahaana obhuniibhi kugonsego, naho mubhe abhaserenʼya eginsiku gyonsego. Hayo nho, abhantu bharibhanga bharamukumya Waryubha kurusumo rwa ebhintu bhinú turabhahirira okurwa kubheenyu.

2 Abhakorinto 9:13

Bharimugungya Waryubha, kwa okubha emirimu gyenyu, giroorokya ega, bheenyu m-bakori bha emirimu abhajomu. Kweki bharimugungya kurusumo rwa obhwigwa bhwenyu obhwa okwikirirya Amangʼana Amajomu eguru ya Kiristu embere ya abhantu, na kurusumo rwa obhuserenʼya bhwenyu bhwa okubhabheera bheeki na abhandi bhonsego.

1 Abhatesaronike 1:6

Onyoora mwanyankibhwa bhukongʼu, kwa ekisigo kya eimani yeenyu, mwagwata amangʼana gayo kwa obhujomerwa bhunú bhurarwa ku Mutima Omurabhu. Kwa okukora ego, mwagwata ekirengyo kyetu na ekirengyo kya Omukuru Yeesu.

1 Abhatesaronike 2:14

Abhahiiri bheetu kuimani, amangʼana ganú gaanyoora abhantu bhanú bhamwikiriirye Kiristu Yeesu, mumakanisa ga Waryubha mukyaro kya Yudea, ngo gabhanyooreri na bheenyu. Abhantu bheenyu bhabhanyankirye kya ego bheeki Abhayahudi abharikyabho bharabhanyankya.

Yakobho 2:5

Abhahiiri bhaani abhahanje kuimani, munyitegeerere bhujomu. Waryubha abhasoreri abhatobhu bha mukyaro kinu, naho bhabhe abhaniibhi kuimani, na okugabha obhukama bhunú yaabharaga bhanú bhamuhanjiri.

Obhukundukuri 2:9

“Mmanyiri enyanko yeenyu na obhutobhu bhwenyu. Nawe maheene, muringi abhaniibhi, kwa okubha muringi abhantu bha Waryubha! Mmanyiri amatuki ganú muratukwa na bhanú bhareebhirikira ega, m-bantu bha Waryubha, nawe, bhataringi abhantu bha Waryubha. Bhayo m-bantu bha Erisambwa.