2 Abhakorinto 7:7 - Eriragano Erihya

⁷ Tutaahorisibhwa kwa okuuja kwa Tiito okwenego, nawe, na kya ego bheenyu mwamuhorisya weeki. Yaatukeerya kya ego mureegomba okundora oni, na kya ego murasurumbara na okunnyankira. Gayo gankoreri njomerwe bhukongʼu.

2 Abhakorinto 7:7 ပူးပေါင်းရင်းမြစ်များ

Mataayo 26:75

Nho, Petero akahiituka amangʼana ganú Yeesu yaaringa amukeererye ega, “Eribhaga ensarigoko etararagura, wakabhe unyangiri mara kasatu.” Kimwi, akahuruka kibhara, akakuura kwa obhururu bhukongʼu.

Mataayo 5:4

Nyakara bhanú bharasurumbara, kwa okubha Waryubha aribhahorisya.

Ruuka 22:44

Wonse akagendererya okusabha Waryubha, kwa okubha yaaringa na obhururu obhwaru. Ebhigeri bhyaye bhikabha bhiratoonya hansi kya amatoonyekera ga amanyinga.]

Amakorwa ga Abhatumwa 11:23

Hanú yaahika eyo, akarora kya ego Waryubha abhanonkeri abhantu bhayo. Akajomerwa, akabhateremya ega, bhagendererye okumwigwa Omukuru Yeesu kwa omutima gwabho gonsego.

Abharuumi 1:12

Nko okugamba ega, turiimanʼya, eimani yeenyu erinyimya oni, na eimani yaani eribheemya bheenyu.

1 Abhakorinto 5:2

Nawe, bheenyu mureeheema! Kora mutakusurumbara, na okumwahura omuntu unú arakora ego, arwe gati yeenyu.

2 Abhakorinto 1:14

onyoora bhoonwego mutumanyiri hakego. Nawe, orusiku runú Omukuru weetu Yeesu arihunjuka, murimanya bhujomu ega, bheetu mbo ekisigo kya okwigungya kwenyu, kya ego bheenyu muringi ekisigo kya okwigungya kwetu.

2 Abhakorinto 1:4

Weeki ngʼo aratuhorisya muginyanko gyetu gyonsego, naho na bheetu bhonse tuture okubhahorisya abhandi bhanú bharingi muginyanko amanga hagari hagari. Turabhahorisya kya ego Waryubha aratuhorisya bheetu.

2 Abhakorinto 2:9

Ensonga yaani eindi inú yaakora nkabhangʼoorera enyarubha irya, yaaringa nu-kubheekomya, nyoore mukaabheeri abheegwa kumangʼana gonsego.

2 Abhakorinto 5:2

Kumibhiri gyetu gya bhoonwego turanyahaarika enu tureegomba bhukongʼu okuhaanwa eginyumba eginhya, na okwibhohibhwa emibhiri gyetu emihya ginú giringi murwire.

2 Abhakorinto 7:6

Nawe, Waryubha unú arahorisya bhanú bharasurumbara, yaatuhorisya kwa okuuja kwa Tiito.

2 Abhakorinto 7:8

Onyoora enyarubha irya naabhangʼoorera, yaabhakora musurumbare, ntakwirora ega, naakora obhubhiibhi. Onyoora orwa mbere neerora ega, nkoreri obhubhiibhi, kwa okubha enyarubha irya yaabhakora musurumbare kwa eribhaga ekego.

2 Abhakorinto 8:16

Ndamukumya Waryubha unú amuheeri Tiito omutima gunú oni niinago ogwa okubhabheera bheenyu.

Abhafiripi 1:20

Ndaganyirira kwa enamba enene na kwa obhwisige ega, ntarisuukibhwa kwa enjira yoyonse irya. Nawe, kora bhoono ndagendererya okwikongʼererya kya ego ndakora eginsiku gyonsego, naho Kiristu agungibhwe kugonsego ganú ndakora, ebhe ntame omuhoru kasi nkwe.

Abhakorosai 2:5

Onyoora oni omwene ntaringi hamwi na bheenyu, nawe omutima gwani guringi hamwi na bheenyu. Ndajomerwa kwa okubha ndeegwa eguru ya obhumwi bhwenyu, na okunaga kwa eimani yeenyu ku Kiristu.

1 Abhatesaronike 3:6

Nawe bhoono, Timoteo yaajiri okurwa kubheenyu, atukeererye amangʼana amajomu eguru ya eimani na obhuhanje bhwenyu. Na atukeererye ega, muratuhiituka bhukongʼu eribhaga ryonsego, na ega, mureegomba okuturora kya ego na bheetu tureegomba okubharora.

1 Abhatesaronike 3:8

Bhoono tuheejeeri, kwa okubha bheenyu mwagumiri okwimirira ku Mukuru Yeesu.

Abhaebhurania 2:1

Kwa ego, twiyangararire bhukongʼu kuganú twigwiri, naho tutakaaja okugatiga.

Yakobho 5:17

Omurooti Eriya, yaaringa omuntu kya bheetu, akamusabha Waryubha kwa ekituunyo ega, embura etatwa mukyaro kya Isiraeri, na embura etaatwa mukyaro muyo kwa eribhaga rya emyaka esatu na emyeri esansabha.

2 Yoana 1:4

Naajomerwa bhukongʼu, okurora abhaana bhaaho abhandi, bharagwata obhuheene, kya ego Taata Waryubha yaaturagirirya.

Yuda 1:3

Abhahanje bhaani, naaringa ndeegomba bhukongʼu okubhangʼoorera eguru ya obhutuurya bhunú turasanga bhonsego hamwi. Nawe bhoono, naaruuji ega, ndeenderwa mbangʼoorere, naho mbakomererye ega, mwibhagirire obhuheene bhwa eimani bhunú Waryubha yaagwatya abharabhu bha omutima rumwigo kwibhaga ryonsego.