2 Abhakorinto 7:4 - Eriragano Erihya

⁴ Ndahaira na bheenyu kwa obhuhaari bhukongʼu, kweki ndeegungya bhukongʼu kurusumo rwenyu. Munhorisirye bhukongʼu na mukoreri mbeeri na obhujomerwa bhukongʼu, onyoora turanyanka bhukongʼu.

2 Abhakorinto 7:4 ပူးပေါင်းရင်းမြစ်များ

Amakorwa ga Abhatumwa 5:41

Abhatumwa bhayo, bhakarwa mwibharaja muyo, bhajomeerwe kwa okubha Waryubha yaaringa abhakoreri bhasuukwe okuhitira okujeerwa, kwa eriina rya Yeesu.

Abharuumi 5:3

Tutakujomerwa kwa gayo ageenego, nawe, turajomerwa kora kuginyanko gyonsego, kwa okubha tumanyiri ega, eginyanko girareeta obhwigumirirya.

1 Abhakorinto 1:4

Ndamukumya Waryubha eribhaga ryonsego kurusumo rwenyu, kwa okubha yaabhanonka okuhitira ku Kiristu Yeesu.

2 Abhakorinto 1:14

onyoora bhoonwego mutumanyiri hakego. Nawe, orusiku runú Omukuru weetu Yeesu arihunjuka, murimanya bhujomu ega, bheetu mbo ekisigo kya okwigungya kwenyu, kya ego bheenyu muringi ekisigo kya okwigungya kwetu.

2 Abhakorinto 1:4

Weeki ngʼo aratuhorisya muginyanko gyetu gyonsego, naho na bheetu bhonse tuture okubhahorisya abhandi bhanú bharingi muginyanko amanga hagari hagari. Turabhahorisya kya ego Waryubha aratuhorisya bheetu.

2 Abhakorinto 10:8

Ntakurora eginsoni kora nkeegungya bhukongʼu eguru ya obhutungi bhunú Omukuru atuheeri, kwa okubha obhutungi bhuyo bhutakubhasarya, nawe, bhurabhakora munage kuimani.

2 Abhakorinto 11:21

Bheetu tutaabhakorera amangʼana gayo, kwa okubha bheetu m-banyoohu bhukongʼu. Kuriyo, tutakurora eginsoni kwa okwanga okubha kya abhantu abharuru! Bhoono ndagamba kya omukangi ega, nyoore ariho omuntu wowonse unú arasakya okwigungya eguru ya eringʼana ryoryonse, na oni nonse ndasakya okwigungirya eringʼana riyo.

2 Abhakorinto 2:14

Nawe, turamukumya Waryubha, kwa okubha aratoorokererya eribhaga ryonsego okukiririrya obhuhigi bhwa Kiristu, eguru ya abhasigu bhaaye. Kweki aratukora bheetu okunyaraganʼya obhumanyi bhwa amangʼana eguru ya Kiristu, kira ahasi, kya ego obhurangasiru obhujomu bhuranyaragana kira ahasi.

2 Abhakorinto 3:12

Mbe, kwa okubha tuuna obhwisige bhuyo, turagamba kwa obhuhaari.

2 Abhakorinto 7:14

Oni naabhagungya bhukongʼu embere yaaye, na bheenyu mutaankora ndore eginsoni. Gonsego ganú twaringa turabhakeerya, gaaringa ga maheene. Na ganú twabhagungya bheenyu embere ya Tiito, gonse gaamaahikana ega, gaaringa ga maheene.

2 Abhakorinto 8:24

Kwa ego, mubhoorokye obhuhanje bhwenyu, naho amakanisa bhamanye ega, tuuna ekisigo kya okwigungya kurusumo rwenyu.

Abhafiripi 1:14

Hamwi na gayo, mmanyiri ega, okubhohwa kwani kunu, kukoreri abheekirirya abharikyetu abhaaru, bhanagiri ku Mukuru Yeesu kurusumo rwa okuraarika eringʼana rya Waryubha kwa ekituunyo na obhuteremu bhukongʼu.

Abhafiripi 1:20

Ndaganyirira kwa enamba enene na kwa obhwisige ega, ntarisuukibhwa kwa enjira yoyonse irya. Nawe, kora bhoono ndagendererya okwikongʼererya kya ego ndakora eginsiku gyonsego, naho Kiristu agungibhwe kugonsego ganú ndakora, ebhe ntame omuhoru kasi nkwe.

Abhafiripi 1:26

Hanú ndibha hamwi na bheenyu, murijomerwa bhukongʼu kurusumo rwa Kiristu Yeesu, kwa okubha aribha yambeereri nhunjuke kubheenyu.

Abhafiripi 2:17

Kora nyoore amanyinga gaani, gareetirwe kya ekimwenso, hamwi na eimani yeenyu inú eraruusibhwa ekimwenso embere ya Waryubha, oni ndajomerwa. Ndajomerwa hamwi na bheenyu bhonsego.

Abhakorosai 1:24

Bhoono, ndajomererwa enyanko inú ndanyoora kurusumo rwenyu. Kwa enjira ya okunyanka kumubhiri gwani, ndasanga enyanko ya Kiristu inú eragendererya kurusumo rwa omubhiri gwaye. Omubhiri guyo, ngo erikanisa.

1 Abhatesaronike 2:19

Hanú Omukuru Yeesu ariija, bheenyu muribha obhwisige bhwetu, obhujomerwa bhwetu na eritaaji rya obhuhigi bhunú tureeheemera.

1 Abhatesaronike 2:2

Kweki mumanyiri ega, eribhaga tutarahika kubheenyu, twanyakibhwa na okutukwa bhukongʼu mumugi gwa Firipi erya. Onyoora kubheenyu twaribhirwanga bhukongʼu, Waryubha yaatuhaana eginguru gya okuraarika Amangʼana gaaye Amajomu.

2 Abhatesaronike 1:4

Kwa ego, tureeheema mumakanisa ga Waryubha kwa ekisigo kya okwigumirirya na eimani yeenyu, muginyanko gyonsego ginú muranyoora.

Firimoni 1:7

Omuhiiri waani, obhuhanje bhwaho, bhungʼeeri obhujomerwa obhunene na okunteremya bhukongʼu, kwa okubha osambaarukirye emitima gya abheekirirya.

Yakobho 1:2

Abhahiiri bhaani kuimani, mubhenga na obhujomerwa hanú muranyoorana na amasakyo amanga hagari hagari,