2 Abhakorinto 7:3 - Eriragano Erihya

³ Ntakugamba amangʼana gayo, okubhabhuturira ekiina ega, muringi abhabhiibhi, kwa okubha mmariri okugamba ega, bheenyu muringi mumitima gyetu, kora ekaabha kwa okukwa hamwi kasi okubha abhahoru hamwi.

2 Abhakorinto 7:3 ပူးပေါင်းရင်းမြစ်များ

2 Abhakorinto 11:11

Ntakugamba ego, kwa okubha ntabhahanjiri. Waryubha amanyiri ega, mbahanjiri.

2 Abhakorinto 12:15

Oni ndijomerwa okuruusya ebhintu bhyani, na okwiruusya oni omwene, naho mbabheere. Nawe, bhoono eramaahikana ega, hanú oni ndagendererya okubhahanja bhukongʼu, nho bheenyu murasuuhya obhuhanje bhwenyu kuoni.

2 Abhakorinto 13:10

Ndabhangʼoorera amangʼana ganu eribhaga nkyari okuuja kubheenyu, naho hanú ndibha kubheenyu, ntariija okubha omururu eguru ya obhutungi bhunú Omukuru yangʼeeri. Ndagamba ego, kwa okubha Omukuru ataangʼaana obhutungi bhwa okubhasarya, nawe, bhwa okubhabheera munage kuimani.

2 Abhakorinto 3:2

Bheenyu mbo enyarubha yeetu, inú engʼoorerwe mumitima gyetu, na abhantu bhonsego bharatura okuisoma na okuimanya.

2 Abhakorinto 7:12

Ego, onyoora naabhangʼoorera enyarubha irya, ntaangʼoora kurusumo rwa omuntu unú akoreeri oundi amabhiibhi, kasi kurusumo rwa unú akoreerwe amabhiibhi. Nawe, naaringa ndeenda mbatubhurire murore bheenyu abheene embere ya Waryubha, kya ego mureeruusya kurusumo rwetu.

Abhafiripi 1:7

M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

1 Abhatesaronike 2:8

Twabhahanja bhukongʼu. Kwa ego, tukajomerwa, etaringi kwa okubhakeerya Amangʼana Amajomu okurwa ku Waryubha ageenego, nawe na okwiruusya okukora gonsego ganú gareenderwa okubhabheera, kwa okubha mubheeri abhahanje bheetu.