2 Abhakorinto 7:1 - Eriragano Erihya

¹ Bhoono, abhahanje bhaani, kwa okubha Waryubha yaaraga gayo gonsego, kwa ego mbe twiraame, tutigane na obhukonu bhonsego, bhwa emibhiri na emitima gyetu. Tubhe abha emitima emirabhu kumangʼana gonsego, kwa enjira ya okumusuuka Waryubha.

2 Abhakorinto 7:1 ပူးပေါင်းရင်းမြစ်များ

Mataayo 12:33

“Mukore omuti okubha omujomu, na emisumo gyago girabha emijomu, kasi mukore omuti okubha omubhiibhi na emisumo gyago girabha emibhiibhi. Kwa okubha kira omuti guramanyikana kwa emisumo gyago.

Mataayo 5:48

Mbe, mubhe mukuneeni, kya ego Eseweenyu owa murwire akuneeni.

Mataayo 5:8

Nyakara bhanú bhaana omutima omujomu, kwa okubha bharimurora Waryubha.

Amakorwa ga Abhatumwa 9:31

Kuginsiku giyo, erikanisa ryabha na omurembe mbaara gyonsego gya ebhyaro bhya Yudea, Gariraaya, na Samaria. Abheekirirya bhaagendererya okunaga na okumwigwa Omukuru Yeesu. Na kwa obhuhorisya bhwa Omutima Omurabhu bhaagendererya okwaruha.

Abharuumi 5:20

Hanú amaragiriryo ga Musa gaaja, gakakora obhusarya bhwaruhe. Na hanú obhusarya bhwaaruha bhukongʼu, eriruguto rya Waryubha ryonse rikaaruha bhukongʼu.

1 Abhakorinto 6:20

kwa okubha mwatunguribhwa kwa obhuguri obhunene bhukongʼu. Bhoono mbe, mumugungye Waryubha mumibhiri gyenyu.

2 Abhakorinto 1:20

Niigo eringi, kwa okubha gonsego ganú Waryubha yaaturaga ega, arituhaana kwa enjira ya Kiristu, n-ga maheene. Kiyo nkyo kirakora turagamba ku Kiristu ega, “Amina,” kurusumo rwa okumugungya Waryubha.

Abhaefeso 2:3

Bheetu bhonsego, twaringa kya bheeki, tweekaranga okuringʼaana na orunamba rwetu rwa ekyaro, na okukora amangʼana ganú gaajomeranga emibhiri gyetu na obhungʼeeni bhwetu ageenego. Tweebhurwa na obhusimuka bhwa obhusarya kya abhandi, kwa ego Waryubha yaaringa atujimiiri na tweenderwanga okujibhibhwa.

1 Abhatesaronike 3:13

Kweki abhateremye, naho mubhe abharabhu bha omutima, mutaana amasoro embere ya Waryubha Taata weetu, eribhaga rinú Omukuru weetu Yeesu ariija, hamwi na abharabhu bha omutima bhaaye bhonsego.

1 Abhatesaronike 4:7

Waryubha ataatubhirikira okukora obhusimbe, nawe, yaatubhirikira twikare mubhurabhu.

1 Abhatesaronike 5:23

Waryubha omwene unú aratuhaana omurembe, abharaame bhukongʼu. Weeki yaangararire emitima gyenyu na obhuhoru bhwenyu na emibhiri gyenyu, naho mubhe mutaana amasoro kwibhaga rinú Omukuru weetu Yeesu Kiristu ariija.

Abhaebhurania 12:23

Bheenyu muhikiri mumuganda gwa abheebhurwa bha mbere bha Waryubha, bhanú amariina gaabho gangʼoorerwe murwire. Muhikiri embere ya Waryubha unú aringi Omubhuturi wa ekiina wa abhantu bhonsego na embere ya abhantu abhaheene bhanú Waryubha yaabhakunaanʼya.

Abhaebhurania 12:28

Kwa ego, tubhenga turamukumya Waryubha, kwa okubha tunyooreri obhukama bhunú bhutakusingisa. Tubhenga turamusyengera Waryubha, kwa enjira inú eramungʼarira kwa obhusuuku na kwa obhwisuuhya,

Abhaebhurania 4:1

Mbe, endago ya Waryubha eya okusoha ahasi haaye ha okumuunya ekyari-ho. Kwa ego tubhenga turoobhoha, naho oumwi gati yeenyu atariija okutamwa okusoha ahasi hayo.

Abhaebhurania 6:9

Abhahanje bhaani, onyoora mbangʼooreeri kwa amangʼana amahaari, nawe, niina obhuheene ega, murakora amajomu ganú garoorokya ega, mwatuuribhwa.

Yakobho 4:8

Mumusuntarire Waryubha, nho wonse, araabhasuntarire bheenyu. Bheenyu abha obhusarya, abha ameetegeerero amanga gabhiri, mutige obhusarya bhwenyu, na ameetegeerero geenyu amabhiibhi, mukore amajomu.

1 Petero 1:15

Waryubha unú yaabhabhirikira, m-murabhu. Bhoono bheenyu bhonse, mureenderwa okubha abharabhu kuginteemo gyenyu gyonsego.

1 Petero 1:17

Hanú muratogora Waryubha mumasabho geenyu, muramubhirikira Taata. Weeki atakungʼahirya omuntu wowonse. Aribhuturira ekiina kira omuntu okuringʼaana na kinú okoreri. Kwa ego, mwikare kwa okumwigwa weeki, kwibhaga ryenyu rinú ritamiri mukyaro hanu.

1 Petero 1:22

Kwa okubha mureekara okuringʼaana na ameehigiryo ga obhuheene eguru ya Yeesu, emitima gyenyu girabhiibhwe. Bhoono mukore ekituunyo okuhanja abharikyenyu mutabha na orwambe. Mbe, muhanjane kwa emitima gyenyu gyonsego.

1 Petero 2:11

Abhahanje bhaani, bheenyu muringi abhageni na m-bahiti bha enjira mukyaro hanu. Kwa ego ndabhakomererya ega, muteekirirya orunamba rwa emibhiri gyenyu, runú rurasongana na bheenyu, rubhahige.

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.

1 Yoana 1:7

Nawe, nyoore tureekara mundingaasi, kya ego Waryubha aringi mundingaasi, nho turabha na obhumwi, bheetu abheene kwa abheene. Kweki amanyinga ga Omwana waaye Yeesu, garaturaama obhusarya bhwetu bhonsego.

1 Yoana 1:9

Nawe, nyoore tureekirirye ega, tukoreri obhusarya, Waryubha aratwabhira obhusarya bhwetu na okutoogya obhubhiibhi bhonsego, kwa okubha weeki m-muheene, arakora kya ego oranyoora aragiri.

1 Yoana 3:3

Kira omuntu unú areesiga ego, yeeraame, naho abhe omurabhu wa omutima, kya ego Kiristu omwene aringi.