2 Abhakorinto 5:9 - Eriragano Erihya

⁹ Mbe, tubhe mumibhiri munu, kasi tutige okubha-mo, ensonga yeetu nu-kumukora ajomerwe.

2 Abhakorinto 5:9 ပူးပေါင်းရင်းမြစ်များ

Yoana 6:27

Mutakora emirimu kurusumo rwa okunyoora ebhyakurya bhinú bhirasarika, nawe, mukore emirimu kurusumo rwa okunyoora ebhyakurya bhinú bhitakusarika, bhinú bhirabhahaana obhuhoru bhwa koko. Omwana wa Adamu, arabhahaana ebhyakurya bhiyo, kwa okubha Taata Waryubha amuheeri obhutungi bhwa okukora ego.”

Amakorwa ga Abhatumwa 10:35

Nawe, arabheekirirya abhantu bha ebhigambo bhyonsego bhanú bharamwigwa, na okukora ganú gareenderwa embere waaye.

Abharuumi 14:18

Omuntu wowonse unú aramukorera emirimu Kiristu ego, aramungʼarira Waryubha, kweki areekiriribhwa na abhantu.

Abharuumi 14:8

Eribhaga rinú turingi abhahoru, tureekara kurusumo rwa Omukuru Yeesu. Na eribhaga rinú turakwa, turakwa kurusumo rwa Omukuru Yeesu. Kwa ego, nyoore turingi abhahoru kasi turakwa, bheetu m-bantu bhaaye.

Abharuumi 15:20

Kwa ego, ensonga yaani nu-kuraarika Amangʼana Amajomu, ahasi hanú abhantu bhataakaraarikiirwe amangʼana eguru ya Kiristu. Ndeenda okukora ego, naho ntahunjukira okukora emirimu ahasi hanú omuntu oundi yaamara okukora.

1 Abhakorinto 15:58

Mbe, abhahiiri bhaani abhahanje kuimani, mwimirire bhwima na munage, mugendererye okukora emirimu gya Omukuru kwa ekituunyo eginsiku gyonsego, kwa okubha mumanyiri ega, emirimu ginú murakora kurusumo rwa Omukuru, gitaringi gya bhusa.

2 Abhakorinto 5:6

Kwa ego, eribhaga ryonsego tuuna obhwisige, onyoora tumanyiri ega, hanú tuuna emibhiri ginu, turingi ahare na Omukuru.

2 Abhakorinto 5:8

Maheene tuuna obhwisige, kweki turamaaha nyakara tukaagitigiri emibhiri ginu, na okugya okwikara na Omukuru.

Abhaefeso 1:6

Kwa ego, tumukumye Waryubha kwa eriruguto ryaye ya okuruguurya, rinú yaatuhaana bhusa, kwa enjira ya Omwana waaye omuhanje.

Abhakorosai 1:10

Nho, muraature okwikara kya ego Omukuru Yeesu areenda, na okumungʼarira kumangʼana gonsego. Obhuhoru bhwenyu bhuraaruusyenga emisumo emyaru okurekana na emirimu gyenyu emijomu. Kweki muraagendererye okumumanya Waryubha bhukongʼu.

Abhakorosai 1:29

Eringʼana riyo, ndyo rirakora ndeekongʼererya okukora emirimu kwa ekituunyo, okuringʼaana na eginguru eginene gya Kiristu ginú girakora emirimu munsi waani.

1 Abhatesaronike 4:1

Bhoono, abhahiiri bheetu kuimani, twabheehigiirye kya ego mureenderwa okwikara, naho okumujomera Waryubha. Maheene niigo mureekara. Bhoono, turabhakomererya kwa obhutungi bhwa Omukuru Yeesu ega, mugendererye okukora ego okukira kya ego murakora bhoonwego,

1 Abhatesaronike 4:11

Mwikongʼererye okubha na omutima gwa omurembe. Munyankire amangʼana geenyu abheene, na mukore emirimu kwa amabhoko geenyu abheene, kya ego twabharagirirya.

1 Timoteo 4:10

Nkyo kirakora tureekongʼererya okukora emirimu kwa ekituunyo, kwa okubha tureesigira Waryubha omuhoru. Weeki ngʼo Omutuurya wa abhantu bhonsego, na ekinene bhanú bhareekirirya.

Abhaebhurania 12:28

Kwa ego, tubhenga turamukumya Waryubha, kwa okubha tunyooreri obhukama bhunú bhutakusingisa. Tubhenga turamusyengera Waryubha, kwa enjira inú eramungʼarira kwa obhusuuku na kwa obhwisuuhya,

Abhaebhurania 4:11

Mbe, tukore ekituunyo okusoha ahasi ha okumuunya hayo, naho omuntu wowonse atatamwa okusoha, kwa ekisigo kya okwanga okumwigwa Waryubha, kya ego bhajaaji weetu bhaakora.

2 Petero 3:14

Kwa ego, abhahanje bhaani, eribhaga muraganyirira amangʼana gayo, mukorenga ekituunyo, mutabha na obhusarya kora amasoro hanú muriija embere ya Waryubha, na mubhenga na omurembe hamwi nawe.