2 Abhakorinto 4:4 - Eriragano Erihya

⁴ Abhantu bhayo bhatakumwikirirya Yeesu, kwa okubha Erisambwa, rinú riratunga ekyaro kinu, rikundikiirye obhungʼeeni bhwabho. Kiyo nkyo kirakora bhatamwe okurora endingaasi ya Amangʼana Amajomu ga obhukuru bhwa Kiristu. Kiristu ngʼo ekirengekanʼyo kya Waryubha.

2 Abhakorinto 4:4 ပူးပေါင်းရင်းမြစ်များ

Mataayo 13:22

Egimbusuro ginú gyagwa gatigati ya emiti gya amahwa, girahunkana na omuntu unú areegwa Amangʼana Amajomu ga obhukama bhwa murwire, nawe, arangʼeenwa na amangʼana ga ekyaro na obhuniibhi. Kwa ego, Amangʼana Amajomu ga obhukama bhwa murwire garahigwa, na gatakunagya okwibhura emisumo.

Yoana 1:14

Mbe, Engʼana uyo, akabha omuntu, akeekara gati yeetu. Na bheetu tukarora obhukuru bhwaye, obhukuru bhwa Omwana omumwemwe wa Taata Waryubha. Yaaringa na eriruguto erinene na obhuheene bhonsego.

Yoana 1:18

Atariho omuntu unú yaakamuruuji Waryubha. Nawe, nu-Mwana waaye omumwemwe omwenego, weeki wonse ngʼ-Waryubha, aringi hamwi na Taata Waryubha, uyo ngʼo yaakora tukamumanya Waryubha.

Yoana 12:31

Bhoono, rihikiri eribhaga rya Waryubha okubhabhuturira ekiina abhantu bha mukyaro kinu. Na rihikiri eribhaga rya Waryubha rya okukenyia Erisambwa rinú riratunga mukyaro hanu.

Yoana 12:35

Yeesu akabhakeerya ega, “Endingaasi erabha hamwi na bheenyu kwa eribhaga ekego. Mugendererye okugenda mundingaasi inu eribhaga ekyari-ho, naho ekisunte kitariija okubhahiga, kwa okubha omuntu unú aragenda mukisunte, atakumanya enú aragya.

Yoana 12:40

“Ahokerye ameeso gaabho, na okugikora emitima gyabho gibhe emikongʼu, naho bhatarora kwa ameeso gaabho, bhatamanya kwa emitima gyabho, bhataaja bhanyihunjurire, naho mbatuurye.”

Yoana 12:45

Hanú arandora oni, aramurora na unú yantumiri.

Yoana 14:30

Ntakutura okugamba na bheenyu eribhaga eritambi, kwa okubha Erisambwa rinú riratunga mukyaro hanu riraaja. Nawe, ritaana obhuturo eguru yaani.

Yoana 15:24

Naakora ebhika ebhinene bhinú ataakakoreri omuntu wowonse. Nyoore bhatakaabhiruuji, bhatakaabheeri na obhusarya. Nawe bhoono, bharuuji gonsego ganú naakora, kora ego bhakyambihiriirwe, na bhamubhihiriirwe Taata wonse.

Yoana 16:11

Aribha arabhoorokya aharabhu ega, Waryubha aribhabhuturira ekiina, kwa okubha abhuturiiri ekiina Erisambwa rinú riratunga mukyaro hanu.

Yoana 8:12

Mbe, Yeesu akagendererya okugamba ega, “Oni nooni endingaasi ya ekyaro. Omuntu wowonse unú aranseeta oni, atakugenda mukisunte kora orusiku orumwi, nawe, aribha na endingaasi inú eramoorokererya mubhuhoru bhwa koko.”

Amakorwa ga Abhatumwa 26:18

naho obharibhure ameeso, bheehunjure okurwa mukisunte, bhasohe mundingaasi, bharwe mubhutungi bhwa Erisambwa, bhamwihunjurire Waryubha. Kwa okukora ego, nho bharyabhirwa obhusarya bhwabho, bharibha hamwi na abhandi bhonsego, bhanú bhaaraamwa kwa enjira ya okunyikirirya oni.’

Amakorwa ga Abhatumwa 26:23

Bhonsego bhaagamba ega, Kiristu Omutuurya arinyankibhwa, na ega, weeki aribha owa okwamba okuhyuka okurwa mubhaku, naho araarike ega, amangʼana amajomu eguru ya obhutuurya, bhoono garangʼarabhira abhantu bhonsego, Abhayahudi na abhantu bhanú bhataringi Abhayahudi.”

1 Abhakorinto 10:20

Tiigo-ha! Ndeenda okugamba ega, ebhimwenso bhinú bhararuusya abhantu bhanú bhatamumanyiri Waryubha, bhatakumuruusirya Waryubha, nawe bhararuusirya ebhihwi. Na oni ntakwenda bheenyu musange na ebhihwi.

2 Abhakorinto 2:11

naho Erisambwa ritariija okutuhiga, kwa okubha tumanyiri obhungʼeenererya bhwaryo.

2 Abhakorinto 2:12

Mbe, hanú naahika mumugi gwa Turoa, okuraarika Amangʼana Amajomu eguru ya Kiristu, nkanyoora Omukuru amariri okunsiikurira ekiseku kya okukora emirimu gyaye muyo.

2 Abhakorinto 3:11

Nyoore ekintu kya eribhaga ekego, kyaringa na obhukuru, ekya eribhaga ryonsego kiina obhukuru obhwaru bhukongʼu.

2 Abhakorinto 3:14

Nawe, obhungʼeeni bhwabho bhwaringa bhuribhirwe. Nawanyareero, hanú eriragano rya akare rirasomwa, bharatamwa okumanya obhuheene, bharabha muna bharibhirwe ekitambaara kirya. Ekitambaara kirya kitararuusibhwa-ho, kiraruusibhwa-ho kwa enjira ya okumwikirirya Kiristu okwenego.

2 Abhakorinto 3:18

Bhoono, bheetu bhonsego bhanú tutakwiribha obhusu na ekitambaara, turoorokya obhukuru bhwa Omukuru, kya ego ekirore kiroorokya ekisusa. Na bheetu turahunjurwa, naho tutuubhane nawe, kwa obhukuru obhwaru bhukongʼu. Obhukuru bhuyo bhurarwa ku Mukuru, unú weeki ngʼo Omutima.

2 Abhakorinto 4:6

Waryubha yaagamba ega, “Obhurabhu bhumirike mukisunte.” Na weeki ngʼo yaamirika emitima gyetu, na okutukora tumanye obhukuru bhwaye, bhunú bhurangʼesangʼesa mubhusu bhwa Yeesu Kiristu.

Abhagaratia 1:4

Kiristu yeeruusya obhuhoru bhwaye, kurusumo rwa obhusarya bhwetu, naho atutuurye okurwa mumabhiibhi gonsego ga mukyaro kinu. Yaakora ego, okurekana na obhwendi bhwa Taata Waryubha.

Abhaefeso 2:2

Eribhaga riyo, mwaringa murakora amangʼana amabhiibhi ga mukyaro kinu. Na mwaringa murariigwa Erisambwa, omukama wa ebhihwi bhya obhuturo bhwa orwire, unú bhoono arakora emirimu kubhanú bhatakumwigwa Waryubha.

Abhaefeso 6:12

Ndagamba ego, kwa okubha, eriihe ryetu ritaringi gati yeetu na abhantu, nawe, eriihe ryetu, riringi eguru ya abhasirikare bha ebhihwi ebhibhiibhi, bhya orwire rwa eginkoro. Turarwana na abhatungi, abhakuru na abha eginguru bha eguru bhanú bhagwatiriri orwire runu orwa ekisunte.

Abhafiripi 2:6

Onyoora weeki yaaringa kya ego Waryubha aringi, ataarora m-bujomu atame agwatiriri riyo.

Abhakorosai 1:15

Kiristu n-kirengekanʼyo kya Waryubha unú atakumaahikana. Weeki ngʼo omutangi wa ebhibhumbwa bhyonsego,

Abhakorosai 1:27

Waryubha yaahanja okubhatubhurira abhantu bhaaye, obhuniibhi na obhukuru bhwa ekinyerera kiyo, kora kurusumo rwa abhantu bhanú bhataringi Abhayahudi. Ekinyerera kiyo, ensonga yaaye niiga, Kiristu aringi munsi weenyu, kweki weeki ngʼo arabhahaana obhwisige ega, murisanga obhukuru bhwa Waryubha.

1 Timoteo 1:11

Ameehigiryo gayo, garingi mu Mangʼana Amajomu, ganú garoorokya obhukuru bhwa Waryubha, wa eginonkwe gyonsego. Amangʼana gayo, ngo naagwatibhwa na Waryubha ndaarike.

Tiito 2:13

Tubhenga ego, eribhaga turaganyirira orusiku rwa enonkwe, rurya rwa okuhunjuka kwa Yeesu Kiristu. Orusiku ruyo, arimaahikana mubhukuru bhwaye. Weeki ngʼo Waryubha weetu omukuru, na ngʼo Omutuurya weetu.

Abhaebhurania 1:3

Omwana uyo, arangʼesangʼesa kwa obhukuru bhwa Waryubha, na aroorokya kubhurabhu kya ego Waryubha aringi. Arakora ebhintu bhyonsego bhigendererye okubha kya ego bhiringi kwa eringʼana ryaye rya obhuturo. Weeki yeeruusya okubha ekimwenso kya okuruusirya abhantu obhusarya, akagya murwire akeekara orubhaara rwa obhuryo rwa Waryubha owa obhuturo.

Abhaebhurania 6:4

Mbe, bhariho abhantu bhanú bhaahaanwa endingaasi ya eringʼana rya Waryubha, kora bhaanyoora omutuho gwa murwire, bhakakorwa okubha abhamwi na Omutima Omurabhu.

2 Petero 1:19

Kweki bheetu tuuna amangʼana ga abharooti ganú garatuhaana obhuheene bhunú bhunagiri. Nyoore muragagwata, murakora bhujomu, kwa okubha amangʼana gayo, garingi kya ekorobhoi inú eramirika hanú haana ekisunte, okuhikira mumakyere, na Kiristu abhamirikire mumitima gyenyu, kya enjota nyamananga.

1 Yoana 2:11

Nawe, unú arajimira omurikyaye, aringi mukisunte. Kweki aragenda mukisunte, kora atamanyiri enú aragya, kwa okubha ekisunte kimuribhiri ameeso.

1 Yoana 2:8

Nawe, kwa orubhaara orundi eriragiriryo rinú ndabhangʼoorera ni-rihya. Obhuheene bhwa eriragiriryo riyo, bhwamaahikana kya ego Yeesu Kiristu yeekaranga, na kya ego bheenyu mureekara, kwa okubha obhwikari bhwaye na obhwikari bhwenyu bhuroorokya ega, ekisunte kirahita na endingaasi ya maheene emariri okungʼarabha.

1 Yoana 5:19

Tumanyiri ega, bheetu m-baana bha Waryubha. Nawe, abhantu abhandi bhonsego bhanú bhatakumwigwa Waryubha, bharatungwa na omusarya urya.