2 Abhakorinto 4:2 - Eriragano Erihya

² Bheetu twangiri, tutakukora amangʼana ga ekinyerera na aga eginsoni. Tutakungʼeena abhantu, kora okusanganʼya eringʼana rya Waryubha na obhubheehi. Nawe, tureekomba kwa okugamba obhuheene kubhurabhu, naho abhantu bhonsego bhamanye mumeetegeerero gaabho ega, turingi abhaheene embere ya Waryubha.

2 Abhakorinto 4:2 ပူးပေါင်းရင်းမြစ်များ

Abharuumi 1:16

Oni ntakurora eginsoni okuraarika Amangʼana Amajomu gayo, kwa okubha mbo obhuturo bhwa Waryubha obhwa okutuurya abhantu bhonsego bhanú bharamwikirirya Yeesu, okwambira ku Bhayahudi okuhikira kubhantu bhanú bhataringi Abhayahudi.

Abharuumi 6:21

Nawe bhoono, mwanyoora obhwera-ki okurekana na amakorwa geenyu amabhiibhi, ganú bhoonwego garabhakora murore eginsoni? Amangʼana gayo garareeta oruku rwa koko.

1 Abhakorinto 4:5

Mbe bhoono, mutabhuturira ekiina abhantu eribhaga ryabho ritarahika, muganye okuhikira orusiku runú Omukuru ariija. Weeki ngʼo aritubhura ebhintu bhyonsego bhinú bhibhisirwe mukisunte na okoorokya ganú garingi mumitima gya abhantu. Nho kira omuntu arinyoora eginkuma gyaye ginú areenderwa, okurwa ku Waryubha.

2 Abhakorinto 1:12

Mbe, ekisigo kinú kirakora tureegungya niiga, ameetegeerero geetu garatwimiririra ega, eginteemo gyetu ni-njomu mukyaro hanu, ekinene n-kubhugwatani bhwetu na bheenyu. Twikeeri kwa omutima omujomu na obhuheene bhunú bhurarwa ku Waryubha. Tutaakora ego, kwa egintungwa gyetu abheenego, nawe, eriruguto rya Waryubha, ndyo ryakora tukakora gayo.

2 Abhakorinto 11:3

Nawe bhoono, ndoobhoha ega, kya ego Haawa yaangʼeenwa na enjoka engʼeeni irya, na bheenyu mutakaaja okungʼeenwa, mutige okumuhanja Kiristu kwa obhuheene na kwa omutima omujomu.

2 Abhakorinto 11:6

Onyoora ndamaahikana ega, ntakugamba bhujomu, nawe, niina obhumanyi. Eringʼana riyo turyorokerye harabhu kubheenyu, kira ahasi eribhaga ryonsego.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

2 Abhakorinto 5:11

Mbe, tumanyiri ega, tureenderwa okumusuuka Omukuru. Kwa ego, turakora ekituunyo okuruta abhantu abhandi, naho bhamwikirirye. Waryubha atumanyiri bhujomu kya ego turingi, na oni ndeesiga ega, na bheenyu mutumanyiri bhujomu mumeetegeerero geenyu.

2 Abhakorinto 6:8

Bheetu twiruusirye, abhantu bhatusuuke kasi bhatujeere, bhatugungye kasi bhatugambe bhubhiibhi. Turamaahikana ega, turingi abhabheehi, nawe, turagamba aga maheene.

2 Abhakorinto 7:14

Oni naabhagungya bhukongʼu embere yaaye, na bheenyu mutaankora ndore eginsoni. Gonsego ganú twaringa turabhakeerya, gaaringa ga maheene. Na ganú twabhagungya bheenyu embere ya Tiito, gonse gaamaahikana ega, gaaringa ga maheene.

Abhaefeso 4:14

Hayo tutarihumbibhwa enu na enu kya abhaana abharera, kwa emiyaga gya ameehigiryo ganú abhantu abhangʼeenererya bhareebhukya. Abhantu bhayo, oranyoora bhareenda bhabhahabhye kwa ameehigiryo gaabho aga obhubheehi.

Abhaefeso 5:12

kwa okubha amangʼana ganú garakorwa bhugunyi na abheene ni-ginsoni kora okugagamba.