2 Abhakorinto 3:9 - Eriragano Erihya

⁹ Nyoore emirimu ginú girakora abhantu okubhuturirwa ekiina, giina obhukuru, maheene emirimu ginú girakora abhantu okubha abhaheene embere ya Waryubha, giribha na obhukuru obhwaru bhukongʼu.

2 Abhakorinto 3:9 ပူးပေါင်းရင်းမြစ်များ

Abharuumi 4:11

Okusaarwa kwaye, kwaringa ekimanyiiriryo kinú kyoorokya ega, Waryubha yaamubharira okubha omuheene okurekana na eimani yaaye. Eimani iyo, yaaringa nayo hanú yaaringa akyari omuriisya. Kwa enjira iyo, Abhurahamu yaakorwa okubha taata owa bhonsego bhanú bhareekirirya, kora bhanú bhatakusaarwa, naho kora bheeki bhonse, bhabharwe okubha abhaheene ku Waryubha.

1 Abhakorinto 1:30

Waryubha omwene ngʼo yaabhagwatanʼya bheenyu na Kiristu Yeesu. Weeki yaamukora Kiristu abhe egintungwa gyetu. Ensonga yaaye niiga, kwa enjira ya Yeesu tubheeri abhaheene embere ya Waryubha, tubheeri abhantu bhaaye, kweki tutunguriibhwe.

1 Abhakorinto 15:41

Obhujomu bhwa eryubha bhuringi bhundi, obhujomu bhwa omweri bhuringi bhundi na obhujomu bhwa eginjota bhuringi bhundi. Na kira enjota eimwi iina obhujomu bhwayo.

2 Abhakorinto 3:8

bhoono, emirimu gya Omutima Omurabhu, gitaribha na obhukuru obhwaru bhukongʼu?

2 Abhakorinto 5:21

Kiristu ataaringa na obhusarya, nawe, Waryubha yaamubharira obhusarya bhwetu bhonsego, naho bheetu tubharwe okubha abhaheene embere ya Waryubha okuhitira kuweeki.

Abhagaratia 3:10

Nawe, bhanú bhareesiga okutuuribhwa kwa okukora ganú amaragiriryo gareenda, bhayo bheehiimwa. Kwa okubha yaangʼoorwa mu Mangʼoore Amarabhu ega, “Wowonse unú atakugwata na okukora ganú gaangʼoorwa mukitabho kya amaragiriryo, yeehiimirwe.”

Abhafiripi 3:9

kweki ngwatane nawe. Ntakwisigira kweki obhuheene bhunú bhurarekana na okugwata amaragiriryo, nawe obhuheene bhunú bhurarekana na okumwikirirya Kiristu omwenego. Obhuheene bhuyo, bhuraruusibhwa na Waryubha kubhanú bharamwikirirya Kiristu.

2 Petero 1:1

Enyarubha inu, erwiri kuoni Simoni Petero, omugaya na omutumwa wa Yeesu Kiristu. Ndabhangʼoorera bheenyu bhanú muheerwe eimani ya obhwera inú bheetu bhonse tuheerwe. Muheerwe eimani iyo, kwa okubha Waryubha, Omutuurya weetu Yeesu Kiristu, yaakora ganú gareenderwa.