2 Abhakorinto 3:3 - Eriragano Erihya

³ Muroorokya kubhurabhu ega, bheenyu mbo enyarubha ya Kiristu, inú eroorokya emirimu ginú twakora kubheenyu. Enyarubha iyo, etaangʼoorwa kwa obhwino, nawe, yaangʼoorwa na Omutima wa Waryubha omuhoru. Kweki etaangʼoorwa kubhibhaara bhya amagina, nawe, yaangʼoorwa mumitima gya abhantu.

2 Abhakorinto 3:3 ပူးပေါင်းရင်းမြစ်များ

Mataayo 16:16

Simoni Petero akamukyukya ega, “Uuwe nuuwe Kiristu Omutuurya, Omwana wa Waryubha omuhoru.”

1 Abhakorinto 3:5

Mbe bhoono, Apooro niwi? Na oni Pauro niwi? Bheetu turingi abhakori bha emirimu bhanú Waryubha yaatutuma okubhabheera bheenyu mumwikirirye. Kira oumwi arakora emirimu kya ego yaahaanwa na Omukuru.

2 Abhakorinto 3:6

Weeki ngʼo yaatuhaana obhuturo bhwa okubha abhakori bha emirimu bha eriragano erihya, rinú rirarwa ku Mutima Omurabhu. Eriragano riyo, ritaringi amaragiriryo ganú gaangʼoorwa, kwa okubha amaragiriryo ganú gaangʼoorwa garareeta oruku, nawe, Omutima Omurabhu arareeta obhuhoru.

2 Abhakorinto 3:7

Amaragiriryo ganú gaangʼoorwa kumagina, ganú garareeta oruku, gaaja kwa obhukuru bhunú bhurangʼesangʼesa, okuhikira Abhaisiraeri bhakatamwa okumumaaha Musa mubhusu, onyoora obhukuru bhuyo, bhwangʼesangʼesa kwa eribhaga ekego. Nyoore emirimu gya amaragiriryo gayo, gyaaja kwa obhukuru kya bhuyo,

2 Abhakorinto 6:16

M-meekiriranʼyo-ki gariho gati ya erisyengerero rya Waryubha na ebhisusano? Bheetu ni-risyengerero rya Waryubha omuhoru! N-kya ego Waryubha omwene yaagamba ega, “Ndiikara gati yaabho na okugenda hamwi nabho. Ndibha Waryubha waabho, bhonse bharibha abhantu bhaani.”

1 Abhatesaronike 1:9

Abhantu bhayo abheene, bharagamba eguru ya orugendo rwetu kubheenyu. Bharagamba kya ego mwatiga ebhisusano bhyenyu na okumwihunjurira Waryubha, naho okumukorera emirimu weeki omuhoru na owa obhuheene,

Abhaebhurania 10:16

“Omukuru Waryubha aragamba ega, rinu ndyo eriragano erihya, rinú ndikora na abhantu bhaani kuginsiku ginú giraaja. Ndituura amaragiriryo gaani mumitima gyabho, na okugangʼoora mumeetegeerero gaabho.”

Abhaebhurania 8:10

Rinu ndyo eriragano erihya rinú ndikora na Abhaisiraeri kuginsiku ginú giraaja. Ndituura amaragiriryo gaani mumeetegeerero gaabho, ndigangʼoora mumitima gyabho. Oni ndibha Waryubha waabho, bhonse bharibha abhantu bhaani.

Abhaebhurania 9:14

Nawe, amanyinga ga Kiristu gaana eginguru bhukongʼu okukira amanyinga ga egintugo giyo! Kwa enjira ya Omutima wa koko, weeki yeeruusya ku Waryubha okubha ekimwenso kinú kikuunaniri. Amanyinga gaaye ngo gararaama ameetegeerero geetu eguru ya amakorwa ganú garareeta oruku, naho tumukorere emirimu Waryubha omuhoru.

Obhukundukuri 2:1

Omuntu uyo, akagendererya okunkeerya ega, “Omungʼoorere maraika wa erikanisa rinú riringi mumugi gwa Efeso, omukeerye ega, “Oni niina eginjota muhungati giyo kukubhoko kwani kwa obhuryo, na kweki ndagenda gatigati ya ebhisunga muhungati bhya egijahaabhu bhiyo. Mwitegeerere ganú ndabhakeerya.

Obhukundukuri 2:12

Omuntu uyo, akagendererya okunkeerya ega, “Omungʼoorere na maraika wa erikanisa rinú riringi mumugi gwa Perigamo, omukeerye ega, “Oni niina omuhyu omoogi. Mwitegeerere ganú ndabhakeerya.

Obhukundukuri 2:18

Omuntu uyo, akagendererya okunkeerya ega, “Omungʼoorere na maraika wa erikanisa rinú riringi mumugi gwa Tiatira, omukeerye ega, “Oni nooni Omwana wa Waryubha. Niina ameeso kya egindimi gya omururo, na amaguru ganú garangʼesangʼesa kya eshabha. Mwitegeerere ganú ndabhakeerya.

Obhukundukuri 2:8

Omuntu uyo, akagendererya okunkeerya ega, “Omungʼoorere na maraika wa erikanisa rinú riringi mumugi gwa Simurina, omukeerye ega, “Oni ngʼ-wa mbere na owa obhuteero. Naakwa, nkahyuka! Mwitegeerere ganú ndabhakeerya.

Obhukundukuri 3:1

Omuntu kya Omwana wa Adamu uyo, akagendererya okunkeerya ega, “Omungʼoorere na maraika wa erikanisa rinú riringi mumugi gwa Saridi, omukeerye ega, “Oni ndatunga emitima muhungati gya Waryubha, na eginjota muhungati girya. Mwitegeerere ganú ndabhakeerya. “Mmanyiri ebhikorwa bhyenyu. Muramaahikana ega, muringi abhahoru, nawe mukwiri.

Obhukundukuri 3:14

Omuntu uyo, akagendererya okunkeerya ega, “Omungʼoorere na maraika wa erikanisa rinú riringi mumugi gwa Raodikia, omukeerye ega, “Oni nooni ndabhirikirwa Amina, kwa okubha oni m-mwimiririri omuheene owa obhuheene eguru ya Waryubha. Oni nooni obhusimuka bhwa ebhibhumbwa bhyonsego bhinú bhyabhumbwa na Waryubha. Mwitegeerere ganú ndabhakeerya.

Obhukundukuri 3:22

“Unú yaana amatwi yeegwe, amangʼana ganú Omutima Omurabhu arakeerya amakanisa.”

Obhukundukuri 3:7

Omuntu uyo, akagendererya okunkeerya ega, “Omungʼoorere na maraika wa erikanisa rinú riringi mumugi gwa Firaderifia, omukeerye ega, “Oni nooni omurabhu na owa obhuheene. Kweki oni niina orufunguro rwa omukama Daudi. ‘Oni nkaasiika-ho ekiseku, atariho oundi unú aranagya okukisiikura-ho. Oni nkaasiikura-ho ekiseku, atariho oundi unú aranagya okukisiika-ho.’ “Mwitegeerere ganú ndabhakeerya.