2 Abhakorinto 3:2 - Eriragano Erihya

² Bheenyu mbo enyarubha yeetu, inú engʼoorerwe mumitima gyetu, na abhantu bhonsego bharatura okuisoma na okuimanya.

2 Abhakorinto 3:2 ပူးပေါင်းရင်းမြစ်များ

Abharuumi 1:8

Naambe kwa okugamba ega, ndamukumya Waryubha okuhitira ku Yeesu Kiristu, kurusumo rwenyu bhonsego, kwa okubha, eimani yeenyu, emanyikeeni mukyaro kyonsego.

1 Abhakorinto 3:10

Waryubha kwa eriruguto ryaye, yambeereri okuhagaaja obhurusa kya omuhagaaji omujomu owa egintungwa, na omuntu oundi arahagaaja eguru ya obhurusa bhuyo. Nawe bhoono, kira omuntu yeeyikomye bhujomu, kya ego arahagaaja eguru ya obhurusa bhuyo.

2 Abhakorinto 11:11

Ntakugamba ego, kwa okubha ntabhahanjiri. Waryubha amanyiri ega, mbahanjiri.

2 Abhakorinto 12:15

Oni ndijomerwa okuruusya ebhintu bhyani, na okwiruusya oni omwene, naho mbabheere. Nawe, bhoono eramaahikana ega, hanú oni ndagendererya okubhahanja bhukongʼu, nho bheenyu murasuuhya obhuhanje bhwenyu kuoni.

2 Abhakorinto 3:1

Bhoono, mureeganirirya ega, turaamba kweki okwikomba kubheenyu? Bheetu tutaringi kya abhantu abhandi bhanú bharabhareetera eginyarubha gya okwitonda kubheenyu, kasi okusabha eginyarubha kubheenyu egya okwitonda kubhantu abhandi.

2 Abhakorinto 7:3

Ntakugamba amangʼana gayo, okubhabhuturira ekiina ega, muringi abhabhiibhi, kwa okubha mmariri okugamba ega, bheenyu muringi mumitima gyetu, kora ekaabha kwa okukwa hamwi kasi okubha abhahoru hamwi.

Abhafiripi 1:7

M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

1 Abhatesaronike 1:8

Okurekana na bheenyu, abhantu bheegwiri amangʼana ga Omukuru. Etaringi kubhantu bha Makedonia na Akaya abheenego. Eimani yeenyu ku Waryubha emanyikeeni honsego. Kwa ekisigo kiyo tutakwinyankya okugamba kyokyonse eguru ya eimani yeenyu.