2 Abhakorinto 3:1 - Eriragano Erihya

¹ Bhoono, mureeganirirya ega, turaamba kweki okwikomba kubheenyu? Bheetu tutaringi kya abhantu abhandi bhanú bharabhareetera eginyarubha gya okwitonda kubheenyu, kasi okusabha eginyarubha kubheenyu egya okwitonda kubhantu abhandi.

2 Abhakorinto 3:1 ပူးပေါင်းရင်းမြစ်များ

2 Abhakorinto 12:11

Ngambiri kya omukangi, kwa okubha bheenyu mbo mukoreri ngambe ego. Bheenyu mwaringa mureenderwa okungungya. Onyoora ndamaahikana ega, ntakwenderwa, oni ntaringi omutumwa omuke okukira bhanú muragamba ega, mbo abhatumwa abhakuru.

2 Abhakorinto 10:12

Bheetu tutakusakya okwibhara kora na okwiringʼaanʼya na abhantu bhanú bhareekomba abheene. Bheeki m-bakangi, bhareerenga abheene kwa abheene na okwiringʼaanʼya abheene kwa abheene.

2 Abhakorinto 5:12

Tutakwenda okwikomba kweki kubheenyu, nawe, tureenda okubhahaana omweya gwa okwigungya kurusumo rwetu. Okurekana na riyo, muribha na amangʼana ga okubhakyukya bhanú bhareegungya embere ya abhantu kwa amangʼana ga kibhara, kora bhatakwigungya kwa amangʼana ga mumitima gyabho.

Amakorwa ga Abhatumwa 18:27

Eribhaga erindi, Apooro akeenda okugya mukyaro kya Akaya. Abheekirirya abharikyaye bhakamwikiririrya, bhakangʼoorera abheekirirya abharikyabho bha eyo enyarubha ega, bhamugenihye bhujomu. Hanú yaahika eyo, akabha arabhabheera bhukongʼu bhanú bhaaringa bhamwikiriirye Yeesu kwa eriruguto rya Waryubha.

1 Abhakorinto 16:3

Hanú ndiija ndibhahaana eginyarubha gya obhumanyiiriryo, abhantu bhanú murisora, naho bhahire omusororyo gwenyu mwikanisa rya Yerusaremu.

2 Abhakorinto 12:19

Hamwi murakanya ega, eribhaga rinu ryonsego, twiyibhagiriiri. Nawe, tugambiri ganu, embere ya Waryubha, enu tugwateeni na Kiristu. Abhahanje bhaani, ganu gonsego turakora kurusumo rwa okubhabheera bheenyu, munage kuimani.

2 Abhakorinto 10:8

Ntakurora eginsoni kora nkeegungya bhukongʼu eguru ya obhutungi bhunú Omukuru atuheeri, kwa okubha obhutungi bhuyo bhutakubhasarya, nawe, bhurabhakora munage kuimani.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

1 Abhakorinto 10:33

Mubhe kya ego oni ndingi. Ndeekongʼererya okubhangʼarira abhantu bhonsego, kumangʼana gonsego ganú ndakora. Etaringi ega, ndakora ego, kurusumo rwa obhwera bhwani omwene, nawe ndakora ego, kurusumo rwa obhwera bhwa abhantu abhaaru, naho bheeki bhatuuribhwe.

1 Abhakorinto 4:15

kwa okubha onyoora muuna abhantu muna ebhiku ekumi bhanú bharabheehigirya eguru ya Kiristu, nawe eseweenyu ngʼ-umwi. Oni nooni naabheebhura ku Kiristu Yeesu, kwa okubharaarikira Amangʼana Amajomu.

1 Abhakorinto 3:10

Waryubha kwa eriruguto ryaye, yambeereri okuhagaaja obhurusa kya omuhagaaji omujomu owa egintungwa, na omuntu oundi arahagaaja eguru ya obhurusa bhuyo. Nawe bhoono, kira omuntu yeeyikomye bhujomu, kya ego arahagaaja eguru ya obhurusa bhuyo.

Abharuumi 16:1

Ndeenda mumumanye omuhara weetu kuimani Fibhi. Weeki m-mubheeri wa erikanisa rinú riringi mumugi gwa Kenkirea.

2 Abhakorinto 10:18

Kwa ego, omuntu wowonse unú areegungya omwene atakwikiriribhwa, nawe, unú aragungibhwa na Omukuru, ngʼo areekiriribhwa.