2 Abhakorinto 13:2 - Eriragano Erihya

² Hanú naaja kubheenyu orwa kabhiri, naabhakeerya bhanú bhaakora obhusarya ega, hanú ndiija kubheenyu kweki, ntaribhaabhira bheeki. Bhoono, ndabhakeerya riyo kweki ega, ntaribhaabhira abhantu bhayo na abhandi bhonsego bhanú bharakora obhusarya.

2 Abhakorinto 13:2 ပူးပေါင်းရင်းမြစ်များ

1 Abhakorinto 5:5

Hayo mumugwatye omuntu uyo mubhutungi bhwa Erisambwa, naho enteemo yaaye ya obhusarya esikibhwe, nawe, weeki omwene atuuribhwe orusiku rwa okuhunjuka kwa Omukuru Yeesu.

2 Abhakorinto 1:23

Ntaahunjuka Korinto eyo, kwa okubha nteenda munyahaarike mumitima gyenyu. Ganú ndagamba n-ga maheene, kora Waryubha wonse amanyiri ego!

2 Abhakorinto 12:14

Bhoono, ndeeseemya okuuja kubheenyu rwa kasatu, nawe, ntaribha omujigo kubheenyu. Ndagamba ego, kwa okubha ntakwenda ebhintu bhyenyu, nawe, ndabheenda bheenyu. Ndagamba riyo, kwa okubha abhaana bhatakwenderwa okubhiika ebhintu kurusumo rwa abheebhuri bhaabho, nawe, abheebhuri mbo bhareenderwa okubhiika ebhintu, kurusumo rwa abhaana bhaabho.

2 Abhakorinto 13:10

Ndabhangʼoorera amangʼana ganu eribhaga nkyari okuuja kubheenyu, naho hanú ndibha kubheenyu, ntariija okubha omururu eguru ya obhutungi bhunú Omukuru yangʼeeri. Ndagamba ego, kwa okubha Omukuru ataangʼaana obhutungi bhwa okubhasarya, nawe, bhwa okubhabheera munage kuimani.