2 Abhakorinto 11:4 - Eriragano Erihya

⁴ Ndagamba ego, kwa okubha bheenyu m-bangu okuturuungʼana omuntu, unú araaja okuraarika amangʼana eguru ya Yeesu ganú bheetu tutaabharaarikira. Kweki, mureekirirya bhwangu omutima ogundi kasi amangʼana agandi, ganú bheetu tutaabharaarikira.

2 Abhakorinto 11:4 ပူးပေါင်းရင်းမြစ်များ

1 Abhakorinto 3:11

Akore ego, kwa okubha obhurusa bhunú bhumariri okuhagaajwa n-Yeesu Kiristu omwene, atariho omuntu unú aranagya okuhagaaja obhurusa obhundi.

1 Timoteo 2:5

Waryubha ngʼ-umwi ego, na ariho omuntu oumwi ego, unú aragwatanʼya abhantu na Waryubha, uyo n-Kiristu Yeesu.

Abhagaratia 3:2

Ndeenda okumanya eringʼana erimwi rinu, okurwa kubheenyu. Bhoono, mwanyoora Omutima Omurabhu okurekana na okugwata amaragiriryo, kasi okurekana na okwikirirya Amangʼana Amajomu eguru ya Yeesu?

Abharuumi 8:15

Waryubha ataabhahaana Omutima Omurabhu, naho mubhe kweki abhagaya bhanú bharoobhoha, nawe, yaabhahaana Omutima Omurabhu, naho mubhe abhaana bhaaye. Omutima uyo ngʼo aratubheera okumubhirikira Waryubha, “Aba,” ensonga yaaye niiga, “Taata!”

Amakorwa ga Abhatumwa 4:12

Obhutuurya bhwa ekyaro kyonsego, bhuratuuka kuweeki omwenego! Ritariho eriina erindi mukyaro okukira Yeesu, rinú Waryubha yaahaana abhantu, naho bhatuuribhwe!”

Mariko 7:9

“Muuna enjira enjomu ya okwanga amaragiriryo ga Waryubha, naho mugwate egimiira gyenyu!

2 Abhakorinto 2:12

Mbe, hanú naahika mumugi gwa Turoa, okuraarika Amangʼana Amajomu eguru ya Kiristu, nkanyoora Omukuru amariri okunsiikurira ekiseku kya okukora emirimu gyaye muyo.

2 Abhakorinto 11:1

Kora nyoore ndagamba kya omukangi, ndasabha munyitegeerere. Mbe, munyitegeerere!

1 Timoteo 1:3

Eribhaga rinú neemuka okugya mukyaro kya Makedonia, naakukomererya wikare mumugi gwa Efeso. Naakukomererya ego, naho okaanʼye abhantu bhanú bhareehigirya ameehigiryo ga obhubheehi.