2 Abhakorinto 11:3 - Eriragano Erihya

³ Nawe bhoono, ndoobhoha ega, kya ego Haawa yaangʼeenwa na enjoka engʼeeni irya, na bheenyu mutakaaja okungʼeenwa, mutige okumuhanja Kiristu kwa obhuheene na kwa omutima omujomu.

2 Abhakorinto 11:3 ပူးပေါင်းရင်းမြစ်များ

Mataayo 24:24

kwa okubha bhariibhuka abharooti bha obhubheehi na abhantu bhanú bharibhanga bhareebhirikira ega, mbo Kiristu Omutuurya. Bharibha bharakora ebhimanyiiriryo ebhyaru na ebhiruguuryo. Bharikoranga ego, naho bhature okungʼeena, kora abhasorwa bha Waryubha.

Yoana 8:44

Bheenyu m-ba Erisambwa, riyo ndyo eseweenyu! Kwa ego, mureenda okukora ganú eseweenyu areegomba. Erisambwa ni-riiti okwambira obhusimuka. Ritahanjiri obhuheene, kwa okubha obhuheene bhuyo, bhutarimo mumutima gwaryo. Ryeki riragamba obhubheehi, ngʼyo enteemo yaaryo, kwa okubha eryene ni-bheehi, kweki ndyo esewaabho obhubheehi bhonsego.

Abharuumi 12:8

Omuntu unú aheerwe ekibharo kya okuhorisya abharikyaye, akore ego bhujomu. Omuntu unú aheerwe ekibharo kya obhuserenʼya kubhantu, aserenʼye kwa omutima gonsego. Omuntu unú aheerwe ekibharo kya obhutungi, atunge kwa ekituunyo kyonsego. Na omuntu unú aheerwe ekibharo kya ekyabhira, yaabhire abhantu kwa obhujomerwa.

2 Abhakorinto 1:12

Mbe, ekisigo kinú kirakora tureegungya niiga, ameetegeerero geetu garatwimiririra ega, eginteemo gyetu ni-njomu mukyaro hanu, ekinene n-kubhugwatani bhwetu na bheenyu. Twikeeri kwa omutima omujomu na obhuheene bhunú bhurarwa ku Waryubha. Tutaakora ego, kwa egintungwa gyetu abheenego, nawe, eriruguto rya Waryubha, ndyo ryakora tukakora gayo.

2 Abhakorinto 11:20

Mureegumirirya kora omuntu unú arabhatuura mubhugaya, unú arabheebhira na okubharuusya ebhintu bhyenyu, kweki unú areerora ega, m-munene okukira bheenyu na omuntu unú arabhatema mubhusu.

2 Abhakorinto 11:29

Nyoore oumwi m-munyooheeru, na oni nonse ndeeyigwa m-munyooheeru. Nyoore oumwi bhamuhabhirye, ajeeme na okukora obhusarya, na oni nonse ndabhihirirwa.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

2 Abhakorinto 4:2

Bheetu twangiri, tutakukora amangʼana ga ekinyerera na aga eginsoni. Tutakungʼeena abhantu, kora okusanganʼya eringʼana rya Waryubha na obhubheehi. Nawe, tureekomba kwa okugamba obhuheene kubhurabhu, naho abhantu bhonsego bhamanye mumeetegeerero gaabho ega, turingi abhaheene embere ya Waryubha.

Abhagaratia 1:6

Oni ndaruguura bhukongʼu, kwa okubha ni-ribhaga ekego rinú ryahitiri, bheenyu mwamujeemeri Waryubha unú yaabhabhirikira kwa eriruguto rya Kiristu. Mweehunjuriiri ameehigiryo agandi ganú abhandi bharagabhirikira ega, m-Mangʼana Amajomu.

Abhagaratia 2:4

Eringʼana rya okusaarwa riyo, ryabhuribhwa na abhantu bhanú bhaaringa bhareekorya ega, m-bahiiri bheetu kuimani, nawe, bheesohya bhugunyi okwikomya obhwiyagaari bhwetu bhunú twahaanwa na Kiristu Yeesu. Ensonga yaabho, yaaringa nu-kutukora tubhe abhagaya bha amaragiriryo ga Musa.

Abhagaratia 3:1

Bheenyu Abhagaratiya, abhakangi! Niwi yaabharoga? Amangʼana eguru ya okubhambwa kumusarabha kwa Yeesu Kiristu, gaatuurwa kubhurabhu embere ya ameeso geenyu.

Abhagaratia 4:11

Niina enkubhi eguru yeenyu ega, hamwi emirimu gyani gyonsego ginú naakora kubheenyu, gyahita bhusa.

Abhaefeso 4:14

Hayo tutarihumbibhwa enu na enu kya abhaana abharera, kwa emiyaga gya ameehigiryo ganú abhantu abhangʼeenererya bhareebhukya. Abhantu bhayo, oranyoora bhareenda bhabhahabhye kwa ameehigiryo gaabho aga obhubheehi.

Abhaefeso 4:22

Mweehigiribhwa ega, mutigane na eginteemo gyenyu egya akare, ginú gyasaribhwa na orunamba rwa obhungʼeenererya,

Abhaefeso 6:24

Eriruguto rya Waryubha, ribhe kubhantu bhonsego bhanú bhamuhanjiri Omukuru weetu Yeesu Kiristu, kwa obhuhanje bhunú bhutaana obhuteero. Amina.

Abhakorosai 2:18

Mutamwitegeerera omuntu wowonse unú areeyorokya ega, areesuuhya kwa kibhara na okusyengera bhamaraika. Omuntu kya uyo, atabharuusya omutuho gwenyu gwa koko. Weeki areeheemera obhurori bhwaye. Nawe maheene, akangiheeri kwa ameetegeerero gaaye amabhiibhi ga mukyaro.

Abhakorosai 2:4

Mbe, ndabhakeerya gayo, naho muteekirirya omuntu wowonse abhangʼeene kwa amangʼana ga obhubheehi, na kora gakaabha aga okungʼeenererya.

Abhakorosai 2:8

Mwiyangararire, omuntu wowonse atabhahabhya kwa ameehigiryo ganú gataana obhwera na aga obhubheehi. Ameehigiryo gayo, gararekana na egimiira gya abhantu na eginkoro egimbiibhi ginú giratunga ekyaro kinu. Kweki gataringi ga Kiristu,

1 Abhatesaronike 3:5

Kwa ego, hanú oni nonse naatamwa okugendererya okwikongʼererya, nkamutuma Timoteo kubheenyu, naho mmanye eguru ya eimani yeenyu. Naakora ego, kwa okubha neeganiriryanga ega, etariija okubha Omusakya urya yaabhasakya na okubhabhurya, emirimu gyonsego ginú twakora gibhe gitaana obhwera.

1 Timoteo 1:3

Eribhaga rinú neemuka okugya mukyaro kya Makedonia, naakukomererya wikare mumugi gwa Efeso. Naakukomererya ego, naho okaanʼye abhantu bhanú bhareehigirya ameehigiryo ga obhubheehi.

1 Timoteo 2:14

Kweki Adamu ataangʼeenwa, nawe, omukari ngʼo yaangʼeenwa, akasarya amaragiriryo ga Waryubha.

2 Timoteo 3:13

Nawe abhakori bha obhusarya na abhangʼeenererya, bharigendererya okubha abhakori bha obhusarya bhukongʼu, bharibhanga bharangʼeena na okungʼeenwa.

Tiito 1:10

Ndakukeerya ego, kwa okubha Kirete hayo, bhariho abhantu abhaaru bhanú bhataringi abheegwa, abheene bharagamba amangʼana ganú gataana obhwera, kweki m-babheehi, ekinene m-barya bharakomererya amangʼana ga egimiira gyabho gya Ekiyahudi. Abhantu bhayo, bhakaanibhwe okwihigirya,

Abhaebhurania 13:9

Mutangʼeenwa na ameehigiryo agandi amahya, ga amanga amaaru, kwa okubha eginguru gya emitima gyenyu girarwa kwiruguto rya Waryubha, etaringi mumaragiriryo eguru ya ebhyakurya. Amaragiriryo gayo, gatakubhabheera kyokyonse bhanú bharagagwata.

2 Petero 3:17

Mbe, bheenyu abhahanje bhaani, kwa okubha mumariri okumanya eguru ya abheehigirya bha obhubheehi, bhoono mwiyangararire na abhasarya bhayo, bhatariija okubhahabhya kwa obhubheehi bhwabho naho mutige okunaga kubhuheene.

2 Petero 3:3

Ereenderwa mumanye mbere ega, eginsiku gya obhuteero bhariibhuka abhantu bha okujeera, bhanú bharibhanga bharagwata orunamba rwabho orubhiibhi.

1 Yoana 2:18

Abhaana bhaani abhahanje kuimani, eribhaga rya obhuteero ryahikiri! Mwamara okwigwa ega, omwangi wa Kiristu araaja, na kora bhoono abhangi abhaaru bha Kiristu, bhamariri okuuja. Kiyo nkyo ekisigo kinú kirakora turamanya ega, rinu ndyo eribhaga rya obhuteero.

1 Yoana 4:1

Abhahanje bhaani, muteekirirya kira omuntu unú aragamba ega, yaana Omutima wa Waryubha. Nawe, mwikomye bhwaheene nyoore omuntu aroorokereribhwa na Omutima wa Waryubha kasi-ha. Mwikomye, kwa okubha abharooti abhaaru bha obhubheehi, bheebhukiri mukyaro.

Yuda 1:4

Ndabhangʼoorera enyarubha inu, kwa okubha, abhantu nyabhurebhe bhanú bhatakumwigwa Waryubha, bheesoherye gati yeenyu bhugunyi na okwisanganʼya na bheenyu. Abhantu bhayo, bharagamba ega, eriruguto rya Waryubha weetu rirabheekiririrya okugwata orunamba rwabho orubhiibhi rwa omubhiri. Na bharamwanga Yeesu Kiristu, Omukangatya na Omukuru weetu omumwemwe. Nawe, okwambira akare yaangʼoorwa ega, abhantu bhayo, bharibhuturirwa ekiina kya ego abhandi bhaamara okubhuturirwa ekiina.

Obhukundukuri 12:15

Kimwi, erijoka riyo, rikahongora amanji amaaru okurwa mumunwa gwaryo, gakagera kya oruuji enyuma ya omukari uyo, naho agegwe na amanji gayo.

Obhukundukuri 12:9

Erijoka riyo, rikeeswa mukyaro. Riyo ndyo enjoka ya akare inú erabhirikirwa ega, Omusarya kasi Erisambwa. Ryeki ndyo rirangʼeena abhantu bhonsego mukyaro, naho bhamwange Waryubha na bhakore obhusarya. Maheene ryeeswa mukyaro hamwi na bhamaraika bhaaryo.

Obhukundukuri 20:2

Akarigwata erijoka, riyo ndyo enjoka ya akare inú erabhirikirwa Omusarya kasi Erisambwa. Akaribhoha omunyororo na akaryesa mukibhohe kya amasambwa. Akasiika ekiseku, akatuurira orubhaaso rwa obhurimbo naho ritariija okungʼeena kweki abhantu bha ebhyaro. Erisambwa rikabhohwa muyo emyaka ekiku kimwi. Hanú eribhaga riyo ririhwa, riryenderwa risiikurirwe kwa eribhaga ekego.