2 Abhakorinto 11:2 - Eriragano Erihya

² Oni niina erihari na bheenyu, erihari rinú rirarwa ku Waryubha, kwa okubha muringi kya omuhara unú atamanyiri omusaaja, unú naamurombera obhuko na omusaaja oumwi, unú n-Kiristu.

2 Abhakorinto 11:2 ပူးပေါင်းရင်းမြစ်များ

Yoana 3:29

Omwenga ngʼ-wa omuteti. Nawe, omusaani wa omuteti, unú areemirira haangʼi na omuteti, na okwitegeerera kya ego aragamba, arajomerwa bhukongʼu hanú areegwa eriisi rya omuteti. Kwa ego, kuyo nko okujomerwa kwani, kunú kukuneeni.

Abharuumi 7:4

Abhahiiri bhaani kuimani, amangʼana gayo niigo garingi na kubheenyu bhonse. Kora bheenyu mutakubhohwa kweki na amaragiriryo ga Musa, kwa okubha mwakwa hamwi na Kiristu kumusarabha. Bhoono bheenyu m-bantu bhaaye, unú yaahyukibhwa okurwa mubhaku, naho obhuhoru bhwenyu bhubhe na emisumo emijomu kurusumo rwa okumukorera Waryubha emirimu.

1 Abhakorinto 4:15

kwa okubha onyoora muuna abhantu muna ebhiku ekumi bhanú bharabheehigirya eguru ya Kiristu, nawe eseweenyu ngʼ-umwi. Oni nooni naabheebhura ku Kiristu Yeesu, kwa okubharaarikira Amangʼana Amajomu.

2 Abhakorinto 4:14

Tumanyiri ega, Waryubha unú yaamuhyukya Omukuru Yeesu, arituhyukya na bheetu, na aritutuura embere yaaye hamwi na bheenyu.

Abhagaratia 4:11

Niina enkubhi eguru yeenyu ega, hamwi emirimu gyani gyonsego ginú naakora kubheenyu, gyahita bhusa.

Abhafiripi 1:8

Waryubha amanyiri ega, ndagamba obhuheene hanú ndakomererya ega, ndeegomba bhukongʼu okubhamaaha bhonsego kweki. Mbahanjiri bheenyu kwa obhuhanje bhuryabhurya kya ego Kiristu Yeesu abhahanjiri bheenyu.

Abhakorosai 1:28

Kiristu ngʼo turaraarika amangʼana eguru yaaye, enu turakemera na okwihigirya kira omuntu kwa egintungwa gyonsego. Turamuraarika weeki, naho tubhareete abhantu bhonsego embere ya Waryubha, bhabhe bhanagiri okurekana na okugwatana kwabho na Kiristu.

1 Abhatesaronike 2:11

Kweki mumanyiri ega, eribhaga twaringa kubheenyu, twaringa turakorera kira oumwi weenyu kya ego taata arakorera abhaana bhaaye omwene. Twaringa turabhateremya emitima gyenyu, na okubhakomererya

Obhukundukuri 14:4

Abhantu bhayo, bhaaringa bhatareekonʼya kwa okubha bhaaringa bhatarataara na abhakari. Bhayo mbo bharasoorana Omwana wa Eringʼondi hohonse enú aragya. Bhaatunguribhwa okurwa gati ya abhantu kya ego omugeso gwa mbere okukongʼa, guraruusibhwa ku Waryubha na ku Mwana wa Eringʼondi.