2 Abhakorinto 10:4 - Eriragano Erihya

⁴ Ebhigwato bhya eriihe ryetu bhitaringi bhya mukyaro kinu, nawe, bhiina eginguru okurwa ku Waryubha gya okugwisya eginkambi gya abhasigu bheetu.

2 Abhakorinto 10:4 ပူးပေါင်းရင်းမြစ်များ

Amakorwa ga Abhatumwa 7:22

Musa akeehigiribhwa amangʼana gonsego ga egintungwa gya Abhamisiri, akabha owa obhuturo bhwa okumanya amangʼana na ebhikorwa.

Abharuumi 13:12

Bhoono, obhutiku bhureenda okukya, na omubhasu guringi haangʼi okubhara. Kwa ego, tutige amakorwa amabhiibhi ganú garakorerwa mukisunte, na mubhanure ebhirwaniro bhya endingaasi.

Abharuumi 6:13

Muteekirirya ebhiroobhero bhya emibhiri gyenyu, bhitumirwe kya ebhirwaniro bhya okukorera obhusarya, nawe, mwiruusye ku Waryubha. Mwirore ega, mubheeri abhantu bhanú muhyukiibhwe okurwa mubhaku, na okusohibhwa mubhuhoru obhuhya. Mwiruusye ku Waryubha, na ebhiroobhero bhya emibhiri gyenyu, bhibhe bhirakora emirimu gya obhuheene.

1 Abhakorinto 2:5

Naakora ego, naho eimani yeenyu eteesigira egintungwa gya abhantu, nawe, iisigire eginguru gya Waryubha.

1 Abhakorinto 9:7

M-musirikare-ki unú aragya mwiihe kwa okwiriha omwene? M-murimi-ki unú arahamba emijabhibhu mumugunda gwaye atige okurya emisumo gyendeko? Kasi m-muriisya-ki unú arariisya egintugo atige okunywa amabheere ga egintugo giyo?

2 Abhakorinto 10:8

Ntakurora eginsoni kora nkeegungya bhukongʼu eguru ya obhutungi bhunú Omukuru atuheeri, kwa okubha obhutungi bhuyo bhutakubhasarya, nawe, bhurabhakora munage kuimani.

2 Abhakorinto 13:10

Ndabhangʼoorera amangʼana ganu eribhaga nkyari okuuja kubheenyu, naho hanú ndibha kubheenyu, ntariija okubha omururu eguru ya obhutungi bhunú Omukuru yangʼeeri. Ndagamba ego, kwa okubha Omukuru ataangʼaana obhutungi bhwa okubhasarya, nawe, bhwa okubhabheera munage kuimani.

2 Abhakorinto 3:5

Etaringi ega, turamanya ega, ekintu kyokyonse kinú turakora, turatura okukikora kwa eginguru gyetu bheetu abheene, nawe, obhuturo bhwetu bhurarwa ku Waryubha.

2 Abhakorinto 4:7

Mbe, tuheerwe ekibhumbiko kiyo, bheetu bhanú turingi kya eginsengo gya obhutoto. Nawe, emanyikane ega, eginguru eginjaru gya okuruguurya, egya okukora emirimu giyo, gitaringi gyetu, girarwa ku Waryubha.

2 Abhakorinto 6:7

kweki kwa enjira ya okuraarika amangʼana ga obhuheene. Turakora gayo gonsego, kwa eginguru gya Waryubha. Obhuheene mbo ekirwaniro kyetu, orubhaara rwa obhuryo na orwa obhumosi.

1 Abhatesaronike 5:8

Nawe bheetu, m-bantu bha omubhasu, tubhenga tureeribhira. Tubhe na eimani na obhuhanje, bhiyo mbyo bhirabha kya engubha kukikubha. Kweki twisigire Waryubha okututuurya, nho turabha kya muna twibhoheri engofiira ya ekyuma kumutwe.

1 Timoteo 1:18

Omwana waani Timoteo, ndakuhaana amaragiriryo ganu, okurekana na amangʼana ga obhurooti ganú gaakangata okugambwa eguru yaaho. Obhenga oragagwata na orwane eriihe bhujomu.

2 Timoteo 2:3

Wikongʼererye munyanko hamwi na oni, kya omusirikare omujomu wa Kiristu Yeesu.

Abhaebhurania 11:30

Eimani yaakora Abhaisiraeri bhakeenaara endigi enene ya mumugi gwa Yeriko, kwa eginsiku muhungati, na endigi iyo ekagwa.