2 Abhakorinto 10:2 - Eriragano Erihya

² Ndabhasabha ega, hanú ndibha niijiri kubheenyu, mutankora okubha omururu. Ndagamba ego, kwa okubha mmanyiri ega, ndatura okubha omururu kubhantu bhonsego bhanú bhareeganirirya ega, bheetu tureekara kya abhantu abhandi mukyaro kinu.

2 Abhakorinto 10:2 ပူးပေါင်းရင်းမြစ်များ

Abharuumi 8:1

Mbe bhoono, Waryubha ataribhajibhya abhantu bhanú bhagwateeni na Kiristu Yeesu.

Abharuumi 8:4

Waryubha yaakora ego, naho amangʼana gonsego ga obhuheene ganú gareenderwa mumaragiriryo gakunaane bhujomu munsi weetu. Bheetu turoorokereribhwa na Omutima Omurabhu, na tutakoorokereribhwa kweki na obhusimuka bhwetu bhwa obhusarya.

Abharuumi 8:5

Abhantu bhanú bharoorokereribhwa na obhusimuka bhwabho bhwa obhusarya, obhungʼeeni bhwabho bhuhanjiri okukora obhusarya. Nawe, bhanú bharoorokereribhwa na Omutima Omurabhu, obhungʼeeni bhwabho bhuhanjiri okukora amakorwa ganú garangʼarira Omutima Omurabhu.

2 Abhakorinto 1:17

Bhoono, hanú naakubhya orugendo rwani rwa okuhunjuka kubheenyu eyo, mweeganirirya ega, ntaaringa niimiri? Kasi gayo ndaamura mureeganirirya ega, ndagaamura kwa ameetegeerero gaani omwene, ega ngambe, “Yee,” mmare kweki ngambe, “Tiigo-ha”?

2 Abhakorinto 11:21

Bheetu tutaabhakorera amangʼana gayo, kwa okubha bheetu m-banyoohu bhukongʼu. Kuriyo, tutakurora eginsoni kwa okwanga okubha kya abhantu abharuru! Bhoono ndagamba kya omukangi ega, nyoore ariho omuntu wowonse unú arasakya okwigungya eguru ya eringʼana ryoryonse, na oni nonse ndasakya okwigungirya eringʼana riyo.

2 Abhakorinto 13:10

Ndabhangʼoorera amangʼana ganu eribhaga nkyari okuuja kubheenyu, naho hanú ndibha kubheenyu, ntariija okubha omururu eguru ya obhutungi bhunú Omukuru yangʼeeri. Ndagamba ego, kwa okubha Omukuru ataangʼaana obhutungi bhwa okubhasarya, nawe, bhwa okubhabheera munage kuimani.

2 Abhakorinto 13:2

Hanú naaja kubheenyu orwa kabhiri, naabhakeerya bhanú bhaakora obhusarya ega, hanú ndiija kubheenyu kweki, ntaribhaabhira bheeki. Bhoono, ndabhakeerya riyo kweki ega, ntaribhaabhira abhantu bhayo na abhandi bhonsego bhanú bharakora obhusarya.