2 Abhakorinto 1:9 - Eriragano Erihya

⁹ M-buheene ega, tweeganirirya muna ega, tubhuturiirwe ekiina kya okwitwa. Riyo ryeebhuka, naho tuteesigira eginguru gyetu abheene, nawe, tumwisigire Waryubha unú arahyukya abhaku.

2 Abhakorinto 1:9 ပူးပေါင်းရင်းမြစ်များ

Ruuka 18:9

Kweki, Yeesu akabhakeerya ekirengyo ekindi, kurusumo rwa abhantu bhanú bhareerora ega, mbo abhaheene embere ya Waryubha, enu bharajeera abhantu abhandi. Akagamba ega,

Abharuumi 8:36

N-kya ego Amangʼoore Amarabhu garagamba ega, “Kira orusiku turingi muruku, kwa okubha turakukorera emirimu uuwe. Turakorerwa kya amangʼondi ganú garahirwa okugoogwa.”

2 Abhakorinto 1:10

Weeki ngʼo yaatutuurya hanú twaringa mungʼanga enene ya okukwa, kweki arigendererya okututuurya. Bheetu turamwisigira weeki ega, aribhanga arakora ego eribhaga ryonsego.

2 Abhakorinto 1:8

Abhahiiri bheetu kuimani, tureenda mumanye kya ego twanyanka mukyaro kya Asia. Eginyanko ginú gyatunyoora, gyaturitohera bhukongʼu okukira eginguru gyetu, kora tukeeganirirya ega, tukaakwiri.

2 Abhakorinto 3:5

Etaringi ega, turamanya ega, ekintu kyokyonse kinú turakora, turatura okukikora kwa eginguru gyetu bheetu abheene, nawe, obhuturo bhwetu bhurarwa ku Waryubha.

2 Abhakorinto 4:7

Mbe, tuheerwe ekibhumbiko kiyo, bheetu bhanú turingi kya eginsengo gya obhutoto. Nawe, emanyikane ega, eginguru eginjaru gya okuruguurya, egya okukora emirimu giyo, gitaringi gyetu, girarwa ku Waryubha.

Abhaebhurania 11:19

Abhurahamu yeekirirya ega, Waryubha yaana obhuturo kora bhwa okumuhyukya Esaaka okurwa mubhaku. Mbe, akahunjukiribhwa Esaaka kya omuntu unú ahyukiibhwe.