1 Petero 5:8 - Eriragano Erihya

⁸ Mutengeejenga, na mubhe ameeso eribhaga ryonsego, kwa okubha omusigu weenyu Erisambwa, rireenaaranaara kya endwi inú eratuna omuntu emurye.

1 Petero 5:8 ပူးပေါင်းရင်းမြစ်များ

Mataayo 13:39

Omusigu unú yaaja akahamba orujama, ni-Risambwa. Omugeso m-buteero bhwa ekyaro kinu, na abhagesi, m-bamaraika bha Waryubha.

Mataayo 24:42

Kwa ego mutengeeje, kwa okubha mutamanyiri orusiku runú Omukuru weenyu ariija.

Mataayo 25:41

“Kweki, aribhakeerya bhanú bharingi orubhaara rwaye rwa obhumosi ega, ‘Murwe hanu, bheenyu bhanú mweehiimwa na Waryubha! Mugende mumururo gwa koko, gunú guseemeriibhwe Erisambwa na bhamaraika bhaaryo.

Mataayo 4:1

Kimwi, Yeesu akoorokereribhwa na Omutima Omurabhu okugya kukibhara, naho asakibhwe na Erisambwa.

Mataayo 4:11

Nho, Erisambwa rikamutiga. Bhamaraika bha Waryubha bhakaaja okumukorera emirimu Yeesu.

Mariko 4:15

Abhantu abhandi bharahunkana na egimbusuro gya kunjira. Hanú bhareegwa eringʼana rya Waryubha, rumwigo, Erisambwa riraaja, na okuruusya eringʼana riyo, mumitima gyabho.

Ruuka 21:34

“Mwiyangararire! Emitima gyenyu gitariija okugwatwa na orunamba rwa okukora amangʼana ga mukyaro bhuyagayaga, okurehwa, na obhoobha bhwa obhuhoru. Nyoore tiigo, orusiku rwa okuhunjuka Omwana wa Adamu, ruribhaajira mutamanyiri.

Ruuka 21:36

Kwa ego, mubhe mwiseemerye eribhaga ryonsego! Mugendererye okumusabha Waryubha, naho abhabheere okwambuka gonsego ganú garituuka, na okwimirira embere ya Omwana wa Adamu.”

Ruuka 22:31

Yeesu akagamba ega, “Simoni, Simoni, itegeerera! Omanye ega, Erisambwa ryeendanga okubhaahura kya omuntu unú areerura obhuro.

Yoana 8:44

Bheenyu m-ba Erisambwa, riyo ndyo eseweenyu! Kwa ego, mureenda okukora ganú eseweenyu areegomba. Erisambwa ni-riiti okwambira obhusimuka. Ritahanjiri obhuheene, kwa okubha obhuheene bhuyo, bhutarimo mumutima gwaryo. Ryeki riragamba obhubheehi, ngʼyo enteemo yaaryo, kwa okubha eryene ni-bheehi, kweki ndyo esewaabho obhubheehi bhonsego.

2 Abhakorinto 2:11

naho Erisambwa ritariija okutuhiga, kwa okubha tumanyiri obhungʼeenererya bhwaryo.

Abhaefeso 4:27

Okujima kurahaana Erisambwa omweya gwa okubhahiga.

Abhaefeso 6:11

Mwambare ebhigwato bhyonsego bhya Waryubha, naho muture okwanga eniku ya Erisambwa.

1 Timoteo 2:15

Nawe, omukari arituuribhwa kwa okuhitira orwibhuro rwaye, nyoore araagendererye okuguma kuimani, na obhuhanje, obhurabhu na okubha abheegwa.

1 Timoteo 2:9

Egoego, na abhakari bhonse ndeenda bheebhohe emyenda bhujomu kya ego ereenderwa, bhabhe na egintungwa eginjomu na bhabhe bhareeswa. Okwijomya kwabho, kutige okubha kwa okusuka egintuukya, kasi kwa okwibhoha ebhintu bhya ebhigera na bhinú bhirangʼesangʼesa, kasi emyenda gya obhuguri obhunene.

1 Timoteo 3:11

Egoego, abhakari bhaabho bhonse bhabhe na egintungwa ginú gireenderwa, bhatige okubha abhabheehi, bhabhe bhareeribhira, bhabhe abhaheene kumangʼana gonsego.

1 Timoteo 3:2

Mbe, omwimiririri wowonse wa erikanisa areenderwa abhe omuntu unú atakugambwa obhubhiibhi. Abhe na omukari umwi ego, abhe areeribhira, kweki, abhe na egintungwa, abhe arakora amangʼana gaaye bhujomu, abhe omuserenʼya na abhe amanyiri okwihigirya.

2 Timoteo 4:17

Nawe, Omukuru Yeesu yaaringa hamwi na oni, akangʼaana eginguru okuraarika Amangʼana Amajomu gonsego, naho abhantu bhonsego bhanú bhataringi Abhayahudi bheegwe. Nonse akantuurya okurwa mungʼanga ya oruku, kwa okubha naaringa muna mumunwa gwa endwi.

Tiito 1:8

Nawe, abhe omuserenʼya, unú ahanjiri amajomu, owa okwiswa, omuheene, omurabhu wa omutima, na abhe owa okwiribhira.

Tiito 2:12

Eriruguto riyo, riratwihigirya okwanga amabhiibhi na orunamba rwa ekyaro. Ego, eribhaga tukyari mukyaro munu, tubhenga tureeribhira, tubhenga abhaheene, na tubhenga turamwigwa Waryubha.

Tiito 2:2

Wihigiryenga abhakaruka, bhabhenga bhareeswa, abhasuuku, abha okwiribhira, bhabhenga abhaheene kuimani, kubhuhanje na kukwigumirirya.

Tiito 2:4

naho bhature okwihigirya abhakari abhahara, okuhanja abhasaaja bhaabho na abhaana bhaabho.

Tiito 2:6

Egoego, abhamura bhonse, obhakomererye bhabhenga bhareeribhira.

Yakobho 4:7

Mbe, mumwigwe Waryubha, na mwange Erisambwa, ryonse riraabhangʼose.

1 Petero 1:13

Kwa ego, mwiseemye na mwiyangararire. Mutuure obhwisige bhonsego kwiruguto rinú murihaanwa, hanú Yeesu Kiristu ariija na okwiyorokya kubhurabhu.

1 Petero 4:7

Obhuteero bhwa amangʼana gonsego, bhuringi haangʼi. Kwa ego, mubhenga mureeribhira na okwiyangararira kugonsego, naho muture okutengeeja murasabha.

Obhukundukuri 12:10

Mbe, nkeegwa eriisi erinene okurwa murwire riragamba ega, “Bhoono, Waryubha weetu atuurirye abhantu bhaaye. Atumiiri obhuturo bhwaye okwamba obhukama bhwaye! Wonse yoorokerye obhutungi bhwa Kiristu omusorwa waaye, kwa okubha omujongeri wa abheekirirya abharikyetu yeeserwe hansi, weeki yaaringa embere ya Waryubha, arabhajongera obhutiku na omubhasu.

Obhukundukuri 12:12

Kwa ego, mujomerwe, bheenyu bhonsego bhanú mumenyeri eguru murwire eyo! Nawe, murikirora-ko bheenyu bhanú mumenyeri mukyaro kyonsego, kwa okubha Erisambwa riituumiri hansi gati yeenyu. Rijimiri bhukongʼu, kwa okubha rimanyiri ega, eginsiku gyaryo ni-nkego.”

Obhukundukuri 12:9

Erijoka riyo, rikeeswa mukyaro. Riyo ndyo enjoka ya akare inú erabhirikirwa ega, Omusarya kasi Erisambwa. Ryeki ndyo rirangʼeena abhantu bhonsego mukyaro, naho bhamwange Waryubha na bhakore obhusarya. Maheene ryeeswa mukyaro hamwi na bhamaraika bhaaryo.

Obhukundukuri 20:10

Na Erisambwa rinú ryabhangʼeena, riryeswa munyanja ya omururo omuhaari. Muyo mmo ogutyenyi ogunene gurya na omurooti wa obhubheehi urya bheeswa. Bhonse bharinyankibhwa eyo obhutiku na omubhasu, koko na koko.

Obhukundukuri 20:2

Akarigwata erijoka, riyo ndyo enjoka ya akare inú erabhirikirwa Omusarya kasi Erisambwa. Akaribhoha omunyororo na akaryesa mukibhohe kya amasambwa. Akasiika ekiseku, akatuurira orubhaaso rwa obhurimbo naho ritariija okungʼeena kweki abhantu bha ebhyaro. Erisambwa rikabhohwa muyo emyaka ekiku kimwi. Hanú eribhaga riyo ririhwa, riryenderwa risiikurirwe kwa eribhaga ekego.