1 Petero 5:5 - Eriragano Erihya

⁵ Egoego, na bheenyu abhamura, mwitegeererenga abhakangati. Bheenyu bhonsego mureenderwa okubha abheesuuhya na abha okubheera abharikyenyu, kwa okubha, Amangʼoore Amarabhu garagamba ega, “Waryubha arahakaanʼya bhanú bhareerora, nawe, arahaana abheesuuhya eriruguto.”

1 Petero 5:5 ပူးပေါင်းရင်းမြစ်များ

Ruuka 22:26

Nawe bheenyu, mutige okubha ego. Gati yeenyu omukuru okukira abhandi, ngʼo abhe omuke kubhonsego. Na kya ego aratunga, abhe muna ngʼo omukori wa emirimu.

Abharuumi 12:10

Muhanjane bheenyu abheene kwa abheene kwa obhuhanje bhwa abhahiiri kuimani, na okwiganirirya mbere abhandi kwa obhusuuku.

Abharuumi 13:14

Nawe bhoono, kubhuhoru bhwenyu bhonsego, mubhenga muroorokereribhwa na Omukuru Yeesu Kiristu. Muteekirirya kora ahake, okoorokereribhwa na obhusimuka bhwenyu bhwa obhusarya, kasi okugwata orunamba rwenyu orubhiibhi.

Abhaefeso 5:21

Mubhenga murasuukana bheenyu abheene kwa abheene, kwa okubha muramusuuka Kiristu.

Abhafiripi 2:3

Mutakora eringʼana ryoryonse kwa omutima gwa orwango kora kwa ameeheemo. Nawe, mwisuuhye na mubhare abhandi okubha abha obhwera bhukongʼu okukira bheenyu abheene.

Abhakorosai 3:12

Bhoono, kwa okubha bheenyu m-basorwa bha Waryubha, abharabhu bha omitima bhanú abhahanjiri, mubhe na omutima gwa ekyabhira, kweki mubhe abhaheene, abheesuuhya, abhanyoohu na abheegumirirya.

1 Timoteo 5:1

Otatoongʼanʼya abhakaruka, nawe, obhatongere kya ego oratongera eseweenyu. Abhamura obhatongere kya abhamura bheenyu,

Abhaebhurania 13:17

Mubhasuuke abhatungi bheenyu na okwisuuhya kubheene, kwa okubha bheeki mbo bharabhanyankira na bheeki bhariruusya erisaabhu ryabho eguru ya emirimu gyabho. Mubhasuuke, naho bhakore emirimu gyabho kwa obhujomerwa. Nawe, nyoore mutakubhasuuka, bhataakore emirimu gyabho kwa obhujomerwa, na emirimu giyo gitaabhe na obhwera bhobhonse kubheenyu.

Yakobho 4:6

Nawe, eriruguto rinú turahaanwa na Waryubha riina eginguru bhukongʼu, nkyo kirakora engʼoorerwe mu Mangʼoore Amarabhu ega, “Waryubha arahakaanʼya bhanú bhareerora, nawe, arahaana abheesuuhya eriruguto.”

1 Petero 3:8

Kubhuteero ndabhakeerya bhonsego ega, mugwatane, mubhe na ameetegeerero gamwi, muhanjane kihiiri, mwabhirane, na mubhe abheesuuhya.

1 Petero 4:1

Mbe, kwa okubha Kiristu yaanyankibhwa omubhiri gwaye, na bheenyu bhonse mwiseemye okunyankibhwa kya omwene. Ndagamba ego, kwa okubha omuntu unú amariri okunyanka kumubhiri gwaye, atigeeni na obhusarya.

1 Petero 4:5

Nawe, abheene bharyenderwa okwibhagirira, embere ya Waryubha. Weeki, yeeseemerye okubhuturira ekiina abhantu bhonsego, abhahoru na abhaku.