1 Petero 5:4 - Eriragano Erihya

⁴ Na Omwangarariri Omukuru wa erikanisa hanú aritubhuka, bheenyu murituhwa eritaaji rya obhukuru rinú ritakugunda.

1 Petero 5:4 ပူးပေါင်းရင်းမြစ်များ

Yoana 10:11

“Oni nooni omuriisya wa heene. Omuriisya wa heene, araruusya obhuhoru bhwaye, kurusumo rwa amangʼondi gaaye.

1 Abhakorinto 9:25

Bhanú bharasongana kumihooyo, bhareeribhira amangʼana amaaru, naho bhanyoore omutuho gwa eribhaga ekego. Nawe bheetu turakora ego, naho tunyoore omutuho gunú guraguma koko.

2 Timoteo 4:8

Bhoono, ndaganyirira okuhaanwa eritaaji, kwa okubha neekara kwa obhuheene embere ya Waryubha. Omukuru Yeesu Omubhuturi wa ekiina owa obhuheene, arintuha orusiku runú ariija. Ntaringi oni omwenego, na abhandi bhonsego bhanú bhareegomba, okuhunjuka kwaye.

Abhaebhurania 13:20

Mbe, Waryubha wa omurembe yaamuhyukya Omukuru weetu Yeesu. Yeesu m-Muriisya Omukuru wa amangʼondi kwa enjira ya okwitira amanyinga gaaye hanú yaakwa kumusarabha. Amanyinga gaaye gareemiririra eriragano rya koko.

Yakobho 1:12

Yaanonkwa omuntu unú areegumirirya hanú arasakibhwa, kwa okubha hanú aribha ahigiri amasakyo, Waryubha arimuhaana omutuho gwa obhuhoru bhwa koko, gunú yaaraga abhantu bhanú bhamuhanjiri.

1 Petero 1:4

Bhoono turaganyirira okugabha eginonkwe ginú Waryubha atuuriri murwire kurusumo rwa abhantu bhaaye. Eginonkwe giyo, gitakutura okugunda, okunyamuka kora okuhotoka.

1 Petero 2:25

Mwaringa mubhuriri kya amangʼondi ganú gahabhiri enjira, nawe bhoono, muhunjukiiri Omuriisya weenyu unú arabhaangararira.

1 Petero 5:2

mubhe abhaangarariri abhaheene bha omuganda gwa abheekirirya bhanú mwahaanwa na Waryubha. Kweki mugwangararire kwa okwiruusya kya ego Waryubha areenda, etabha kwa okubhandiriribhwa. Mutakora emirimu kwa orunamba rwa egimbirya, nawe, kwa omutima gwa heene.

1 Yoana 3:2

Abhahanje bhaani, turamanya ega, bhoonwego bheetu m-baana bha Waryubha, nawe, etaramanyikana kya ego turibha. Nawe, tumanyiri ega, eribhaga rinú Kiristu arihunjuka, turituubhana nawe, kwa okubha turimurora kya ego aringi.

Obhukundukuri 1:7

Maaha! Yeesu ariijira gatigati ya amasaaru! Abhantu bhonsego bharimurora, kora bhanú bhaamubhita na eritimu. Amakabhira gonsego mukyaro, garifumba oruku, kurusumo rwaye. Maheene, niigo eribha. Amina.

Obhukundukuri 2:10

Mutoobhoha enyanko inú eribhanyoora. Maaha! Erisambwa riribhasakya kwa okubhatuura abhandi gati yeenyu mwigereja. Na bheenyu murinyoora enyanko eginsiku ekumi. Nawe, mubhe abhaheene kuoni kora okuhikira okukwa, na oni ndibhahaana omutuho gwa obhuhoru bhwa koko.

Obhukundukuri 3:11

Ndaaja bhwangu! Mugwatirire bhujomu amajomu ganú muunago, naho omuntu atariija okubharuusya omutuho gwenyu.