1 Petero 5:14 - Eriragano Erihya

¹⁴ Mukeeranʼyenga kwa obhuhanje bhwa obhuheene. Bheenyu bhonsego bhanú muramwikirirya Kiristu, omurembe gubhe hamwi na bheenyu.

1 Petero 5:14 ပူးပေါင်းရင်းမြစ်များ

Mataayo 5:47

Kweki, nyoore muraakeeranʼye abhahiiri bheenyu abheenego, bhoono, oranyoora mukoreri eringʼana-ki okukira abhandi? Kora abhantu bhanú bhatakumwikirirya Waryubha, bhonse bharakora egoego.

Yoana 14:27

Hanú ndiimuka, ndibhatigira omurembe, omurembe gwani gunu ndabhahaana. Omurembe guyo gutaringi kya gunú gurarwa kubhantu bhanú bharamwanga Waryubha. Mutasurumbara mumitima gyenyu, kweki mutoobhoha kyokyonse.

Yoana 16:33

Ndabhakeerya amangʼana gayo gonsego, naho mubhe na omurembe mumitima gyenyu, kwa okubha muringi munsi waani. Mukyaro munu murinyoora enyanko enjaru, nawe, mutoobhoha, kwa okubha oni nkihigiri ekyaro.”

Yoana 20:19

Ekabha mugoroobha orusiku ruryarurya rwa okwamba rwa obhutuuro. Abheehigira bha Yeesu bhaaringa bheekumeenʼye munyumba eimwi na okusiika ebhiseku, kwa okubha bhaaringa bharabhoobhoha abhatungi bha Abhayahudi. Kora onyoora ebhiseku bhyaringa bhisiikirwe, rumwigo Yeesu akamaahikana kubhurabhu, na okwimirira gati waabho, akabhakeerya ega, “Omurembe gubhe na bheenyu!”

Yoana 20:26

Hanú gyahwa eginsiku munaane, abheehigira bha Yeesu bhakeekumanʼya hamwi kweki munyumba. Orusiku ruyo Tomaso wonse yaaringa hamwi nabho. Ebhiseku bhyaringa bhisiikirwe, rumwigo, Yeesu akamaahikana kubhurabhu, akeemirira gatigati waabho, akabhakeeranʼya ega, “Ndabhakeeranʼya. Omurembe gubhe na bheenyu!”

Abharuumi 1:7

Ndabhangʼoorera bheenyu abheekirirya bhonsego bhanú muringi Ruumi eyo. Waryubha abhahanjiri bhukongʼu, na abhabhirikiiri, naho mubhe abhantu bhaaye abharabhu bha omutima. Ndabheendera eriruguto na omurembe okurwa ku Taata Waryubha, na ku Mukuru Yeesu Kiristu, bhibhe hamwi na bheenyu.

Abharuumi 16:16

Mubhenga murakeeranʼya kwa obhuhanje bhwa Ekikiristu. Abheekirirya bha amakanisa gonsego ga Kiristu, bharabhakeeranʼya.

Abharuumi 8:1

Mbe bhoono, Waryubha ataribhajibhya abhantu bhanú bhagwateeni na Kiristu Yeesu.

1 Abhakorinto 1:30

Waryubha omwene ngʼo yaabhagwatanʼya bheenyu na Kiristu Yeesu. Weeki yaamukora Kiristu abhe egintungwa gyetu. Ensonga yaaye niiga, kwa enjira ya Yeesu tubheeri abhaheene embere ya Waryubha, tubheeri abhantu bhaaye, kweki tutunguriibhwe.

1 Abhakorinto 16:20

Abheekirirya bhonsego bha hanu bharabhakeeranʼya. Bheenyu bhonse mukeeranʼyenga kwa obhuhanje bhwa Ekikiristu.

2 Abhakorinto 13:12

Mukeeranʼyenga kwa obhuhanje bhwa Ekikiristu. Abheekirirya bhonsego bhanú bharingi hanu bharabhakeeranʼya.

2 Abhakorinto 5:17

Omuntu wowonse unú araagwatane na Kiristu, arabha omuntu omuhya, aga akare gahitiri, bhoono gabheeri amahya!

Abhaefeso 6:23

Bheenyu abhahiiri bhaani kuimani, ndabheendera omurembe, obhuhanje na eimani okurwa ku Taata Waryubha na ku Mukuru weetu Yeesu Kiristu.

1 Abhatesaronike 5:26

Mubhakeeranʼyenga abheekirirya bhonsego, kwa obhuhanje bhwa Ekikiristu.

1 Petero 1:2

Akare hayo, Taata Waryubha yaabhamanya na okubhasora kwa Omutima waaye, yaabhakora mubhe abharabhu bha omutima, naho mumwigwe Yeesu Kiristu na okuraamwa na amanyinga gaaye. Ndabhasabhira ku Waryubha abhoongerye eriruguto na omurembe.

3 Yoana 1:14

Ndeeganirirya okukutaarira bhwangu hanu na okuhaira hamwi na uuwe ameeso kwa ameeso.