1 Petero 5:12 - Eriragano Erihya

¹² Mbangʼooreeri enyarubha enyengʼi inu, kwa obhubheeri bhwa Siriwano. Oni mmumanyiri bhujomu, ega, omuhiiri weetu kuimani uyo, m-muheene. Ensonga yaani, n-kubhateremya na okubhoorokya ega, amangʼana ganu maheene, ni-riruguto rya Waryubha. Okurekana na eriruguto riyo, munage.

1 Petero 5:12 ပူးပေါင်းရင်းမြစ်များ

Yoana 21:21

Mbe, hanú Petero yaamurora omwihigira urya, akamubhuurya Yeesu ega, “Ee Omukuru, bhoono, n-kintu-ki kirimaahikana kumwihigira uyo?”

Amakorwa ga Abhatumwa 11:23

Hanú yaahika eyo, akarora kya ego Waryubha abhanonkeri abhantu bhayo. Akajomerwa, akabhateremya ega, bhagendererye okumwigwa Omukuru Yeesu kwa omutima gwabho gonsego.

Amakorwa ga Abhatumwa 15:22

Kimwi, abhatumwa bha Yeesu, abhakangati bha erikanisa hamwi na abheekirirya abhandi bhonsego bha mumugi gwa Yerusaremu hayo, bhakaamura okusora abhantu nyabhurebhe gati yaabho, na okubhatuma mumugi gwa Antiokia hamwi na Pauro na Bharinabha. Mbe, bhakabhasora Yuda unú eriina erindi yaabhirikirwanga Bharisabha, hamwi na Siira. Abhasaaja abhabhiri bhayo, bhaaringa abhakuru gati ya abheekirirya.

Amakorwa ga Abhatumwa 20:24

Kora nkaakwa, kitari ekintu kuoni, naho ndeenda mmare emirimu ginú Omukuru Yeesu yaangʼaana ngikore. Emirimu giyo, n-gya okuraarikira abhantu Amangʼana Amajomu ga eriruguto rya Waryubha.

Abharuumi 5:2

Kwa enjira ya okumwikirirya Yeesu, Waryubha atuheeri eriruguto ryaye, rinú turingi-mo. Turajomerwa bhukongʼu, kwa okubha tureesiga ega, turisanga hamwi na Waryubha mubhukuru bhwaye.

1 Abhakorinto 15:1

Mbe bhoono, abhahiiri bhaani kuimani, ndabhahiitukya Amangʼana Amajomu ganú naabharaarikira na bheenyu mukagagwata. Gayo ngo garabhakora muranaga kuimani inú muunayo.

2 Abhakorinto 1:19

Ndagamba ego, kwa okubha Yeesu Kiristu, Omwana wa Waryubha, unú oni, Siriwano na Timoteo twabharaarikira bheenyu, ataaringa omuntu wa okusanganʼya amangʼana agambe ega, “Yee,” na amare agambe ega, “Tiigo-ha.” Nawe, kuweeki amangʼana gonsego n-ga maheene, “Yee.”

2 Abhakorinto 1:24

Etaringi ega, turatunga eimani yeenyu, nawe, bheetu m-bakori bha emirimu hamwi na bheenyu, kurusumo rwa obhujomerwa bhwenyu, kwa okubha eimani yeenyu enagiri.

Abhaefeso 3:3

Waryubha omwene yaantubhurira ekinyerera kyaye kinú kyaringa kiibhisiri, kya ego naamara okungʼoora kwa amangʼana amake.

Abhaefeso 6:21

Tukiko, omuhiiri weetu omuhanje kuimani, na omukori wa emirimu gya Omukuru Yeesu kwa obhuheene, aribhakeerya kira ekintu, naho mumanye kya ego ndagendererya na kinú ndakora.

Abhakorosai 1:7

Mweehigiribhwa Amangʼana Amajomu gayo na Epafura. Weeki m-mukori wa emirimu omurikyetu omuhanje, aramukorera emirimu Kiristu kwa obhuheene kurusumo rwenyu.

Abhakorosai 4:7

Tukiko, omuhiiri weetu omuhanje kuimani, aribhakeerya amangʼana gonsego eguru yaani. Weeki m-mukori wa emirimu omuheene. Turakora nawe hamwi emirimu gya Omukuru Yeesu.

Abhakorosai 4:9

Ariija hamwi na Onesimo, omuhiiri weetu omuhanje na omuheene kuimani. Weeki ngʼ-wa oweenyu eyo. Bhayo, bharibhakeerya amangʼana gonsego ga oweetu hanu.

1 Abhatesaronike 1:1

Enyarubha inu erwiri kubheetu Pauro, Siriwano na Timoteo. Turabhangʼoorera bheenyu bhanú muringi mwikanisa rya mumugi gwa Tesaronike, bheenyu omuganda gwa abhantu bhanú mwamwikirirya Taata Waryubha na Omukuru Yeesu Kiristu. Turabheendera eriruguto na omurembe, bhibhe hamwi na bheenyu.

2 Abhatesaronike 1:1

Enyarubha inu erwiri kubheetu Pauro, Siriwano na Timoteo. Turabhangʼoorera bheenyu bhanú muringi mwikanisa rya mumugi gwa Tesaronike, bheenyu omuganda gwa abhantu bhanú mwamwikirirya Taata Waryubha na Omukuru Yeesu Kiristu.

Abhaebhurania 13:22

Ndabhakomererya bheenyu abhahiiri bhaani kuimani, mubhenga mureetegeerera bhujomu amangʼana ganú naabhakemera, kwa okubha enyarubha inú mbangʼooreeri ni-nyengʼi.

1 Petero 1:13

Kwa ego, mwiseemye na mwiyangararire. Mutuure obhwisige bhonsego kwiruguto rinú murihaanwa, hanú Yeesu Kiristu ariija na okwiyorokya kubhurabhu.

1 Petero 4:10

Kira oumwi aheerwe obhuturo bhwaye okurwa ku Waryubha, naho abheere abharikyaye. Ereenderwa abhutumire bhujomu, kya omwimiririri owa heene wa eginonkwe amanga amaaru gya Waryubha.

2 Petero 1:12

Kwa ego, ndaagendereryenga okubhahiitukya amangʼana gayo eginsiku gyonsego, onyoora mwamara okugamanya na okunaga kubhuheene bhunú mweehigira.

2 Petero 2:15

Bhatigiri enjira inú iimiri, bhaahabhiri na okugwata enjira inú Bharamu, omwana wa Bheori yaagwata. Weeki yaahanja okunyoora obhuniibhi kwa enjira ya okukora obhusarya.

3 Yoana 1:12

Abhantu bhonsego bheemiririiri ega, Demetirio m-muntu unú arakora amangʼana amajomu, na obhuhoru bhwaye bhuraringʼaana na obhuheene. Kora na bheetu tureemiririra ego, na uuwe omanyiri ega, obhwimiririri bhwetu m-bwa obhuheene.

Yuda 1:3

Abhahanje bhaani, naaringa ndeegomba bhukongʼu okubhangʼoorera eguru ya obhutuurya bhunú turasanga bhonsego hamwi. Nawe bhoono, naaruuji ega, ndeenderwa mbangʼoorere, naho mbakomererye ega, mwibhagirire obhuheene bhwa eimani bhunú Waryubha yaagwatya abharabhu bha omutima rumwigo kwibhaga ryonsego.