1 Petero 5:1 - Eriragano Erihya

¹ Bhoono, ndagamba na bheenyu abhakangati bha erikanisa. Oni m-mukangati omurikyenyu, naarora kwa ameeso gaani kya ego Kiristu yaanyankibhwa. Kweki oni m-mugwatani omurikyenyu wa obhukuru bhunú bhuringi haangʼi okumaahikana. Kwa ego, ndabhakomererya bheenyu,

1 Petero 5:1 ပူးပေါင်းရင်းမြစ်များ

Ruuka 24:48

Na bheenyu mbo abheemiririri bha amangʼana gayo.

Amakorwa ga Abhatumwa 1:22

okwambira hanú Yeesu yaabhatiijwa na Yoana, okuhikira okwinurwa kwaye okugya murwire. Uyo, araabhenga arabheerana na bheetu, okwimiririra obhuhyuki bhwa Yeesu.”

Amakorwa ga Abhatumwa 1:8

Nawe, murinyoora eginguru hanú Omutima Omurabhu aribhaajira, muribha abheemiririri bhaani Yerusaremu, mbaara gyonsego gya Yudea, na Samaria, okuhikira kubhuteero bhwa ekyaro.”

Amakorwa ga Abhatumwa 11:30

Mbe, bhakakora ego, bhakahaana Bharinabha na Sauri omusororyo guyo, naho bhaguhire kubhakangati bha erikanisa rya Yerusaremu.

Amakorwa ga Abhatumwa 14:23

Na hanú bhaamara okubhasorera abhakangati bha kira erikanisa, kwa okusabha na okwiyima ebhyakurya, bhakabhatuura mumabhoko ga Omukuru Yeesu unú bhaamwikiriryanga.

Amakorwa ga Abhatumwa 15:4

Pauro na abharikyaye bhayo, hanú bhaahika mumugi gwa Yerusaremu, bhakagenihibhwa bhujomu na abhatumwa bha Yeesu, abhakangati bha erikanisa hamwi na abhantu abhandi bha erikanisa. Kimwi, Pauro na abharikyaye, bhakaamba okubhatondera gonsego ganú Waryubha yaakora okuhitira kubheeki.

Amakorwa ga Abhatumwa 15:6

Mbe, abhatumwa bha Yeesu na abhakangati bha erikanisa bhayo, bhakakora ekiikaro, naho bheekomye bhujomu eringʼana riyo.

Amakorwa ga Abhatumwa 2:32

Yeesu uyo, Waryubha yaamuhyukya okurwa mubhaku, na bheetu bhonsego m-beemiririri bha eringʼana riyo.

Amakorwa ga Abhatumwa 20:17

Pauro hanú yaahika Mireto, akatuma amangʼana mumugi gwa Efeso, okubhabhirikira abhakangati bha erikanisa bhaaje bhamaahane nawe.

Amakorwa ga Abhatumwa 20:28

Omutima Omurabhu abhakoreri bheenyu, okubha abhaangarariri bha abheekirirya bha Waryubha. Kwa ego, mwiyangararire, na mubhe muraangararira abheekirirya bhaaye, kwa okubha, Yeesu omwene yeetira amanyinga gaaye, okubhatuurya abheekirirya bhayo.

Amakorwa ga Abhatumwa 21:18

Ejo wendeko, tukagya na Pauro okusikana na Yakobho. Na abhakangati bhonsego bha erikanisa bhaaringa-ho.

Amakorwa ga Abhatumwa 3:15

Ego, mweeta unú yaaringa omukuru wa obhuhoru. Nawe, Waryubha yaamuhyukya okurwa mubhaku, na bheetu mbo abheemiririri bha obhuhyuki bhwaye.

2 Abhakorinto 5:1

Emibhiri gyetu n-kya amabhuru mukyaro munu. Nawe, tumanyiri ega, hanú garihaanyuka, Waryubha arituhaana eginyumba murwire, gya koko, ginú gitakuhagaajwa kwa amabhoko ga abhantu.

2 Abhakorinto 5:8

Maheene tuuna obhwisige, kweki turamaaha nyakara tukaagitigiri emibhiri ginu, na okugya okwikara na Omukuru.

Abhafiripi 1:19

Kinú mmanyiri niiga, ndituuribhwa okurwa kugonsego ganú ganyooreri, kwa okubha muransabhira ku Waryubha, kweki Omutima Omurabhu wa Yeesu Kiristu arambeera.

1 Timoteo 5:1

Otatoongʼanʼya abhakaruka, nawe, obhatongere kya ego oratongera eseweenyu. Abhamura obhatongere kya abhamura bheenyu,

1 Timoteo 5:19

Otige okwikirirya obhujongeri eguru ya omukangati wa erikanisa, okuhikira onyoore abhantu abhabhiri kasi bhasatu bhanú bharatura okwimiririra ega, eringʼana riyo ni-rya maheene.

2 Timoteo 4:8

Bhoono, ndaganyirira okuhaanwa eritaaji, kwa okubha neekara kwa obhuheene embere ya Waryubha. Omukuru Yeesu Omubhuturi wa ekiina owa obhuheene, arintuha orusiku runú ariija. Ntaringi oni omwenego, na abhandi bhonsego bhanú bhareegomba, okuhunjuka kwaye.

Tiito 1:5

Hanú naarwa Kirete eyo, naakusabha uuwe otigare, naho otuure bhwaheene amangʼana agandi ganú gaatama, hamwi na okusora abhakangati bha erikanisa mumigi gyonsego, kya ego naakoorokererya.

Firimoni 1:9

Nawe, kurusumo rwa obhuhanje, nduuji ega, m-bujomu nkusabhe, oni Pauro omugotu, kweki omubhohwa kurusumo rwa Kiristu Yeesu.

Abhaebhurania 12:1

Mbe, kwa okubha twinaarirwe na omuganda omunene gwa abheemiririri bhayo, turuusye-ho kira eringʼana rinú riraturibhira na okutiga obhusarya bhunú bhuratugwisya. Kweki tukore ekituunyo okukora ganú Waryubha atuuriri embere yeetu, kya omuntu unú arakenya kwa obhwikongʼererya.

1 Petero 1:12

Waryubha yaakeerya abharooti bharya ega, amangʼana ganú bhaaringa bhararoota, gataabhatunʼyanga bheeki abheene, nawe bheenyu. Garya bhaagambanga, ngo mwaraarikirwa na bhanú bhaabhareetera Amangʼana Amajomu eguru ya Yeesu Kiristu. Na bhaabhakeerya amangʼana amajomu gayo, kwa obhuturo bhwa Omutima Omurabhu unú yaaringa atumirwe okurwa murwire. Amangʼana gayo, kora bhamaraika bhareegomba bhukongʼu okumanya.

1 Petero 1:7

Amasakyo gayo, garasakya eimani yeenyu emaahikane ega, ngʼ-ya heene, kya ego egijahaabhu girarengwa kwa okusambwa na omururo. Eimani yeenyu iina obhwera obhunene okukira egijahaabhu. Kwa ego, Yeesu Kiristu aribhahaana eginkuma, obhukuru na obhusuuku hanú ariija na okwiyorokya kubhurabhu.

1 Petero 4:13

Nawe, mujomerwe ega, muranyanka, kya ego Kiristu yaanyanka, naho muriija okubha na obhujomerwa deke, eribhaga rinú obhukuru bhwaye bhuryorokibhwa harabhu.

1 Petero 5:4

Na Omwangarariri Omukuru wa erikanisa hanú aritubhuka, bheenyu murituhwa eritaaji rya obhukuru rinú ritakugunda.

1 Yoana 3:2

Abhahanje bhaani, turamanya ega, bhoonwego bheetu m-baana bha Waryubha, nawe, etaramanyikana kya ego turibha. Nawe, tumanyiri ega, eribhaga rinú Kiristu arihunjuka, turituubhana nawe, kwa okubha turimurora kya ego aringi.

2 Yoana 1:1

Oni omukangati wa erikanisa, ndakungʼoorera uuwe maayi omusorwa, hamwi na abhaana bhaaho, bhanú nhanjiri kwa obhuheene. Ntaringi oni omwene unú mbahanjiri, nawe, na abhandi bhonsego bhanú bhamanyiri obhuheene, bhonse bhabhahanjiri.

3 Yoana 1:1

Oni omukangati wa erikanisa, ndakungʼoorera uuwe Gaayo omuhanje waani. Nkuhanjiri kwa obhuheene.

Obhukundukuri 1:9

Oni Yoana omuhiiri weenyu kuimani, ndagwatana na bheenyu kukunyanka na okwigumirirya kurusumo rwa Yeesu na obhukama bhwaye. Naajibhibhwa kwa okutuurwa kwiginga rinú rirabhirikirwa ega, Patimo, kwa okubha naaringa ndaraarika eringʼana rya Waryubha na okuruusya obhwimiririri eguru ya Yeesu.