1 Petero 4:9 - Eriragano Erihya

⁹ Mubhe abhantu bha okugenihya abharikyenyu bira okwingʼeheerya.

1 Petero 4:9 ပူးပေါင်းရင်းမြစ်များ

Abharuumi 12:13

Mubhabheere abheekirirya abharikyenyu okuringʼaana na obhwendi bhwabho, na mubhenga muragenihya abhageni muginyumba gyenyu.

Abharuumi 16:23

Gaayo, unú oni Pauro ndeekara owaaye, na owaaye nho abheekirirya bhonsego bha erikanisa rya hanu bhareekumanʼya, wonse arabhakeeranʼya. Erasito, omubhiiki wa egimbirya gya omugi gunu, wonse arabhakeeranʼya. Na omuhiiri weetu kuimani Kwarito wonse, arabhakeeranʼya. [

2 Abhakorinto 9:7

Kira omuntu aruusye okuringʼaana na kya ego areeyigwa mumutima gwaye. Ataruusya kwa okusurumbara kasi kwa okubhandiriribhwa, kwa okubha Waryubha amuhanjiri omuntu unú araruusya kwa omutima gumwi.

Abhafiripi 2:14

Amangʼana gonsego ganú murakora, mugakore bira okwingʼeheerya kora okuhakaananʼya.

1 Timoteo 3:2

Mbe, omwimiririri wowonse wa erikanisa areenderwa abhe omuntu unú atakugambwa obhubhiibhi. Abhe na omukari umwi ego, abhe areeribhira, kweki, abhe na egintungwa, abhe arakora amangʼana gaaye bhujomu, abhe omuserenʼya na abhe amanyiri okwihigirya.

Tiito 1:8

Nawe, abhe omuserenʼya, unú ahanjiri amajomu, owa okwiswa, omuheene, omurabhu wa omutima, na abhe owa okwiribhira.

Firimoni 1:14

Nawe bhoono, nduuji ega, etaringi bhujomu okukora ryoryonse bira uuwe okwikirirya. Ntakwenda okukubhandirirya ega umbeere, nawe, ndeenda okore amajomu kwa okwenda kwaho omwene.

Abhaebhurania 13:16

Mugendererye okubhabheera abharikyenyu, na okubha na obhumwi nabho kubhintu bhinú muunabhyo. Okukora ego, nkyo ekimwenso kinú kiramungʼarira Waryubha.

Abhaebhurania 13:2

Kweki mutarabhirwa okubhagenihya abhageni muginyumba gyenyu, kwa okubha obhugenihya bhuyo, bhwakora abhantu nyabhurebhe bhakabhagenihya bhamaraika bha Waryubha bira okubhamanya.

Yakobho 5:9

Abhahiiri bhaani kuimani, muteengʼeheereranʼya mutariija okubhuturirwa ekiina. Maaha! Omubhuturi wa ekiina Yeesu Kiristu, aringi haangʼi okuhunjuka.