1 Petero 4:8 - Eriragano Erihya

⁸ Okutiga gayo gonsego, muhanjane bhukongʼu, kwa okubha obhuhanje bhurabhisa obhusarya obhwaru.

1 Petero 4:8 ပူးပေါင်းရင်းမြစ်များ

1 Abhakorinto 13:1

Kora nkaagamba kwa ebhigambo bhya abhantu na ebhigambo bhya bhamaraika, nawe nyoore ntaana obhuhanje, ndabha kya ekituri kya eridebhe rinú ritaana ekintu na kya ekituri kya enkengere inú eratemwa bhusa.

1 Abhakorinto 13:4

Obhuhanje bhuramukora omuntu abhe omwigumirirya, abhe omuserenʼya, abhe ataana orwango, abhe ataana ekisiraani na abhe atakwiheema.

Abhakorosai 3:14

Eringʼana erinene okukira gonsego, n-kuhanjana, kwa okubha obhuhanje, mbo bhurabhagwatanʼya bhonsego kubhumwi bhunú bhukuneeni.

1 Abhatesaronike 3:12

Omukuru abhoongerye obhuhanje, naho muhanjane bhukongʼu na muhanje abhantu bhonsego, kya ego bheetu tubhahanjiri bheenyu.

2 Abhatesaronike 1:3

Abhahiiri bheetu kuimani, tureenderwa okumukumya Waryubha eribhaga ryonsego kurusumo rwenyu, kwa okubha eimani yeenyu eragendererya okwaruha bhukongʼu, na obhuhanje bhwa kira omuntu kumurikyaye bhuragendererya okwaruha.

1 Timoteo 1:5

Ensonga ya amaragiriryo ganu, niiga, abheekirirya bhahanjane kwa omutima omujomu, ameetegeerero amajomu na eimani ya obhuheene.

Abhaebhurania 13:1

Mugendererye okuhanjana bheenyu abheene kwa abheene, kya ego ereenderwa kubheekirirya.

Yakobho 5:12

Okutiga gayo gonsego, abhahiiri bhaani kuimani, mutateena kurwire, kukyaro na kukintu kyokyonse kirya. Mugambe “maheene,” nyoore m-maheene, na mugambe “tiigo-ha,” nyoore tiigo-ha. Nyoore mutaakore ego, muribhuturirwa ekiina.

Yakobho 5:20

mumanye ega, unú aramuhunjukya omusarya, okurwa kunjira ya obhusarya bhwaye, arabha amutuurirye okurwa muruku. Na omusarya uyo, araabhirwa obhusarya bhwaye obhwaru.

1 Petero 1:22

Kwa okubha mureekara okuringʼaana na ameehigiryo ga obhuheene eguru ya Yeesu, emitima gyenyu girabhiibhwe. Bhoono mukore ekituunyo okuhanja abharikyenyu mutabha na orwambe. Mbe, muhanjane kwa emitima gyenyu gyonsego.

3 Yoana 1:2

Bhoono, omuhanje waani, ndakwendera amajomu kumangʼana gaaho gonsego na obhuhoru. Mmanyiri ega, oringi omuhoru kumangʼana ga Waryubha.