1 Petero 4:7 - Eriragano Erihya

⁷ Obhuteero bhwa amangʼana gonsego, bhuringi haangʼi. Kwa ego, mubhenga mureeribhira na okwiyangararira kugonsego, naho muture okutengeeja murasabha.

1 Petero 4:7 ပူးပေါင်းရင်းမြစ်များ

Mataayo 24:42

Kwa ego mutengeeje, kwa okubha mutamanyiri orusiku runú Omukuru weenyu ariija.

Mataayo 25:13

Kimwi, Yeesu akamariisirya kwa okugamba ega, “Mutengeeje, kwa okubha mutamanyiri orusiku kora ensa inú ndihunjuka.”

Ruuka 21:34

“Mwiyangararire! Emitima gyenyu gitariija okugwatwa na orunamba rwa okukora amangʼana ga mukyaro bhuyagayaga, okurehwa, na obhoobha bhwa obhuhoru. Nyoore tiigo, orusiku rwa okuhunjuka Omwana wa Adamu, ruribhaajira mutamanyiri.

Ruuka 21:36

Kwa ego, mubhe mwiseemerye eribhaga ryonsego! Mugendererye okumusabha Waryubha, naho abhabheere okwambuka gonsego ganú garituuka, na okwimirira embere ya Omwana wa Adamu.”

Ruuka 22:46

Akabhabhuurya ega, “Ndeegwa mureeri? Mubhuuke! Musabhe Waryubha, mutaaja okusoha mumasakyo.”

Abharuumi 12:12

Mujomerwe kuganú Waryubha yaabharaga, mubhenga mureegumirirya muginyanko, na mugume kumasabho.

1 Abhakorinto 15:24

Hayo nho, bhuriija obhuteero bhwa bhyonsego, hanú Kiristu arimugwatya Waryubha Taata obhukama, hanú arisikya obhutungi bhonsego, obhuturo bhonsego na eginguru gyonsego, egya abhasigu bhonsego.

1 Abhakorinto 7:29

Abhahiiri bhaani kuimani, ndeenda okugamba ega, eribhaga rinú ryatamiri Kiristu ahunjuke, ni-kego. Mbe, okurwa bhoono, bhanú bhaana abhakari bhatige okwiganirirya abhakari bhaabho abheenego, naho bhakore emirimu gya Omukuru.

Abhaefeso 6:18

Mubhenga murasabha eribhaga ryonsego, okuringʼaana kya ego Omutima Omurabhu arabhoorokererya. Na hanú muraasabhenga, mutumirenga amanga gonsego ga amasabho na egisaara. Mutengeejenga kurusumo rwa eringʼana riyo, na munage okubhasabhira abhantu bha Waryubha bhonsego.

Abhafiripi 4:5

Obhunyoohu bhwenyu bhumanyikane kubhantu bhonsego. Omukuru Yeesu aringi haangʼi.

Abhakorosai 4:2

Mugume bhukongʼu kumasabho, na mutengeejenga kumasabho gayo, na enu muramukumya Waryubha.

2 Timoteo 4:5

Nawe uuwe, obhenga oreeswa kumangʼana gonsego, wikongʼererye enyanko, okore emirimu gya okuraarika Amangʼana Amajomu, na okore bhujomu emirimu gya Waryubha gyonsego.

Tiito 2:12

Eriruguto riyo, riratwihigirya okwanga amabhiibhi na orunamba rwa ekyaro. Ego, eribhaga tukyari mukyaro munu, tubhenga tureeribhira, tubhenga abhaheene, na tubhenga turamwigwa Waryubha.

Abhaebhurania 10:25

Kora tutatiga okwikumanʼya hamwi, kya ego abhandi bhaatigiri okwikumanʼya. Nawe, tugendererye okukemerana, kwa okubha tumanyiri ega, orusiku rwa okuhunjuka kwa Omukuru ruringi haangʼi.

Abhaebhurania 9:26

Nyoore etakaabheeri ego, mbe akaabheeri areenderwa okunyanka mara kaaru okwambira hanú Waryubha yaabhumba ekyaro. Nawe bhoono, kuginsiku gya obhuteero, yaajiri na okwiruusya okubha ekimwenso rumwigo, naho aturuusirye-ho obhusarya bhwetu.

1 Petero 1:13

Kwa ego, mwiseemye na mwiyangararire. Mutuure obhwisige bhonsego kwiruguto rinú murihaanwa, hanú Yeesu Kiristu ariija na okwiyorokya kubhurabhu.

1 Petero 3:7

Na bheenyu abhasaaja, mwikare na abhakari bheenyu kwa obhungʼeeni, mumanyiri ega, bhataana eginguru kya bheenyu. Mubhatuge kwa okubhasuuka kwa okubha abheene bhonse bharigabha eriruguto rya obhuhoru. Kwa ego, bheenyu abhasaaja mukorenga ego, naho amasabho geenyu gataribhirwa.

1 Petero 5:8

Mutengeejenga, na mubhe ameeso eribhaga ryonsego, kwa okubha omusigu weenyu Erisambwa, rireenaaranaara kya endwi inú eratuna omuntu emurye.

Obhukundukuri 16:15

Omukuru Yeesu aragamba ega, “Maaha! Ndiija kya omwibhi. Anonkerwe unú aratengeeja na okwibhoha emyenda gyaye, naho atariija okugenda kinaabhi na okusuuka.”