1 Petero 4:4 - Eriragano Erihya

⁴ Bhoono, abhantu bhanú bhatamanyiri Waryubha, bhararuguura hanú bhararora ega, mutakyagya nabho obhumwi kweki okukora amabhiibhi, kwa ego bharabhatuka.

1 Petero 4:4 ပူးပေါင်းရင်းမြစ်များ

Mataayo 23:25

“Murikirora-ko, bheenyu abheehigirya bha amaragiriryo na bheenyu Abhafarisaayo! Bheenyu m-banyarwambe, kwa okubha mureekorya kubhantu ega, muringi abhantu abhajomu embere ya Waryubha. Muroogya ekikombe na ekibhakuri kwa kibhara bhujomu, nawe, muratiga okoogya kinú kiringi munsi wabhyo, ebhintu bhinú mwanyoora kwa obhwibhi na kwa orunamba orubhiibhi.

Ruuka 15:13

“Eribhaga rya eginsiku nkego, omwana uyo, akakumanʼya ebhintu bhyaye bhyonsego, bhinú esewaabho yaaringa amuheeri, akabhigurya, akagya mukyaro kya hare. Hanú yaahika eyo, akarya egimbirya bhuyagayaga, akamara chwe.

Amakorwa ga Abhatumwa 13:45

Nawe, Abhayahudi hanú bhaarora omuganda omunene gwa abhantu, bhabheeri na orwango na okugamba amangʼana ga enjabhuro eguru ya ganú Pauro yaaringa aragamba.

Amakorwa ga Abhatumwa 18:6

Nawe, Abhayahudi bhayo, bhakaamba okumuhakaanʼya na okumutuka. Weeki akabhakungʼuntira emyenda gyaye, okoorokya ega, areeyahura nabho, enu arabhakeerya ega, “Amanyinga geenyu, garibha eguru yeenyu abheene! Oni ekiina kyani n-kirabhu, mmariri okukora agaani ganú ndeenderwa okukora. Okwambira bhoonwego, ndagya kubhantu bhanú bhataringi Abhayahudi.”

Abharuumi 13:13

Tubhe na eginteemo eginjomu kya abhantu bhanú bhareekara mundingaasi ya orusiku oruhya. Tutabha abhantu bhanú bharakora eginyangi gya okunywa amarwa na abhareebhi. Tutakora eginteemo gyogyonse gya obhusimbe, kora amangʼana ga eginsoni. Tutabha abhatindi kora abha orwango.

Abhaefeso 5:18

Kweki mutarehwa, kwa okubha kurareeta obhunyamuke. Nawe, mwijuribhwe na Omutima Omurabhu.

1 Petero 2:12

Mukore amajomu kubhanú bhatamumanyiri Waryubha, naho nyoore bharibhahaamirirya ega, muringi abhabhiibhi, bharore amakorwa geenyu amajomu. Nho, bharimugungya Waryubha kurusumo rwenyu, orusiku rwa okuuja kwaye.

1 Petero 3:16

Mubhenga na ameetegeerero amajomu, naho nyoore abhantu bharibhahaamirirya eguru ya amangʼana ganú murakora kurusumo rwa Kiristu, bhamaahe eginsoni.

2 Petero 2:12

Abhantu bhayo, bharatuka amangʼana ganú bhatamanyiri. Bheeki n-kya egintyenyi ginú gitaana obhungʼeeni, gyeki gireebhurwa, giramara giragwatwa, na okwitwa! Ego niigo Waryubha aribhasikya abheehigirya bha obhubheehi bhayo.

2 Petero 2:22

Okukora ego, kuroorokya engamba ya obhuheene inu ega, “Embwa ehunjukiiri amahongoro gaaye,” eindi ega, “Embiiji inú yoogiibhwe, ehunjukiri okwibhurubhunga mumatoto!”

Yuda 1:10

Nawe, abhantu bhayo bharatuka amangʼana gogonse ganú bhatagamanyiri. Bharisikibhwa kwa amangʼana ganú bhagamanyiri, na bharagakora kya egintyenyi ginú gitaana obhungʼeeni.