1 Petero 4:2 - Eriragano Erihya

² Kwa enjira iyo, obhwikari bhwaye bhonsego, areekara okuringʼaana na kya ego Waryubha areenda, etaringi okuringʼaana na orunamba rwa abhantu.

1 Petero 4:2 ပူးပေါင်းရင်းမြစ်များ

Mataayo 12:50

Omuntu wowonse unú arakora obhwendi bhwa Taata owa murwire, uyo ngʼo omumura weetu, omuhara weetu na maayi.”

Mataayo 20:4

Akabhakeerya ega, ‘Na bheenyu mugende mukore emirimu mumugunda gwani gwa emijabhibhu. Nakaabharihe kya ego ereenderwa.’

Mataayo 21:31

“Bhoono, gati ya abhabhiri bhayo, ngʼ-uuha unú yaakora kya ego esewaabho yeendanga?” Abhasyengeri abhakuru na abhakaruka bha Ekiyahudi bharya bhakamukyukya ega, “Ngʼ-urya owa okwamba.” Nho, Yeesu akabhakeerya ega, “Ndabhakeerya obhuheene ega, abhatobhya bha erigooti na abhasimbe bharibhakangatira okusoha mubhukama bhwa Waryubha.

Mataayo 7:21

“Etaringi kira omuntu unú arambirikira ega, ‘Ee Omukuru, ee Omukuru,’ arisoha mubhukama bhwa murwire. Nawe, omuntu unú arakora obhwendi bhwa Taata owa murwire, ngʼo arisoha muyo.

Mariko 3:35

Omuntu wowonse unú arakora obhwendi bhwa Waryubha, uyo ngʼo omumura weetu, omuhara weetu na maayi.”

Mariko 7:21

Ndagamba ego, kwa okubha mumitima gya abhantu, mmo gararwa ameetegeerero amabhiibhi, obhusuunu, obhwibhi, obhwiti,

Yoana 1:13

Bhayo bhataringi abhaana bha Waryubha, kwa okwibhurwa kwa enjira ya abhantu, kasi kwa orunamba rwa omubhiri, kora kwa obhwendi bhwa omuntu, nawe, n-kwa obhwendi bhwa Waryubha.

Yoana 7:17

Omuntu wowonse unú areenda okukora ganú Waryubha areenda, uyo araamanye ega, ameehigiryo gaani garwiri ku Waryubha, na ega, ntakugamba kwa obhutungi bhwani.

Abharuumi 12:2

Muteehigira obhusimuka bhwa abhantu bha ekyaro kinu, nawe, mutige Waryubha ahunjure emitima gyenyu, naho mubhe na ameetegeerero amahya. Hayo nho, mureehigire okumanya ganú Waryubha arabheendera. Na hayo nho muraamanye m-mangʼana-ki amajomu, ganú garamungʼarira, kweki ganú gakuneeni.

Abharuumi 14:7

Ndagamba ego, kwa okubha atariho omuntu gati yeenyu unú areekara kurusumo rwaye omwene, kora unú arakwa kurusumo rwaye omwene.

Abharuumi 6:11

Bheenyu bhonse, mwibhare ega, mwakwa hamwi nawe, na obhusarya bhutakutura okubhatunga kweki. Bhoono muringi abhahoru, na mureekara kurusumo rwa okumungʼarira Waryubha, kwa okugwatana na Kiristu Yeesu.

Abharuumi 6:2

Tiigo-ha kora ahake! Bheetu tubheeri kya abhaku kwa amangʼana ga okukora obhusarya. Kwa ego, tutakutura okugendererya kweki okukora obhusarya.

Abharuumi 7:4

Abhahiiri bhaani kuimani, amangʼana gayo niigo garingi na kubheenyu bhonse. Kora bheenyu mutakubhohwa kweki na amaragiriryo ga Musa, kwa okubha mwakwa hamwi na Kiristu kumusarabha. Bhoono bheenyu m-bantu bhaaye, unú yaahyukibhwa okurwa mubhaku, naho obhuhoru bhwenyu bhubhe na emisumo emijomu kurusumo rwa okumukorera Waryubha emirimu.

2 Abhakorinto 5:15

Wonse yaakwa kurusumo rwa bhonsego, naho bhanú bharingi abhahoru bhatabha abhahoru kweki kurusumo rwa omweya gwabho abheene, nawe, kurusumo rwa unú yaakwa na okuhyuka kurusumo rwabho.

Abhaefeso 2:3

Bheetu bhonsego, twaringa kya bheeki, tweekaranga okuringʼaana na orunamba rwetu rwa ekyaro, na okukora amangʼana ganú gaajomeranga emibhiri gyetu na obhungʼeeni bhwetu ageenego. Tweebhurwa na obhusimuka bhwa obhusarya kya abhandi, kwa ego Waryubha yaaringa atujimiiri na tweenderwanga okujibhibhwa.

Abhaefeso 4:17

Mbe, kwa obhutungi bhunú Omukuru Yeesu yaangʼaana, ndabhakomererya ega, muteekara kweki, kya ego abhantu bhanú bhatamumanyiri Waryubha bhareekara. Bheeki ameetegeerero gaabho, gataana obhwera.

Abhaefeso 5:17

Kwa ego, mutabha abhakangi, nawe, musakye okumanya ganú Omukuru Yeesu areenda.

Abhaefeso 6:6

Mukorenga ego, etabha kwibhaga rinú bharabhaangararira eryenego, naho mwikangatirirye kubheene. Nawe, mubheegwenga, kya abhagaya bha Kiristu, enu murakora kwa omutima gumwi, ganú garamujomera Waryubha.

Abhakorosai 1:9

Kwa ekisigo kiyo, tutaratiga okubhasabhira, okurwa orusiku runú tweegwa amangʼana eguru yeenyu. Turamusabha Waryubha abhahaane okumanya gonsego ganú weeki omwene areenda. Abhahaane egintungwa gyonsego na obhumanyi bhinú bhirarekana na Omutima Omurabhu.

Abhakorosai 3:3

kwa okubha eginteemo gyenyu gya obhusarya gyakwa. Obhuhoru bhwenyu, bhoono bhuringi hamwi na Kiristu embere ya Waryubha. Nawe, bhutakumaahikana kubhantu abhandi.

Abhakorosai 4:12

Epafura, omuntu wa oweenyu eyo, omugaya wa Kiristu Yeesu, arabhakeeranʼya. Arakora ekituunyo okubhasabhira bheenyu eginsiku gyonsego, ega, munage na mubhe mwimiri, na mubhe abhateremu kugonsego ganú Waryubha areenda.

1 Abhatesaronike 5:18

Mubhenga muramukumya Waryubha kukira ekintu, kwa okubha gayo ngo weeki areenda mubhenga murakora, kya ego Kiristu Yeesu yaatoorokererya.

Abhaebhurania 13:21

Waryubha abhabheere kwa kira eringʼana erijomu, naho muture okukora obhwendi bhwaye. Kweki akore mumitima gyetu ganú garamungʼarira kwa enjira ya Yeesu Kiristu. Weeki agungibhwe koko na koko. Amina.

Yakobho 1:18

Kya ego omwene yeenda, yaatukora tubhe abhaana bhaaye, kwa enjira ya amangʼana gaaye ga obhuheene, naho tubhe abha mbere kubhyonsego bhinú yaabhumba.

1 Petero 1:14

Bheenyu m-baana bha Waryubha. Bhoono, mbe, mumwigwe, muteekirirya kora ahake okugendererya na orunamba runú mwaringa naro, hanú mwaringa mukyari okumanya eringʼana ryoryonse erijomu.

1 Petero 2:1

Mbe, mutige obhubhiibhi bhonsego, obhungʼeenererya bhwa amanga gonsego, orwambe na orwango, kora mutakorerana amasoro kora amake.

1 Yoana 2:17

Ekyaro kinu hamwi na orunamba rwa abhantu, bhirihita. Nawe, omuntu unú arakora ganú garamujomera Waryubha, arabha na obhuhoru bhwa koko.