1 Petero 4:18 - Eriragano Erihya

¹⁸ Amangʼoore Amarabhu garagamba ega, “Nyoore m-bukongʼu kumuheene okutuuribhwa, eribha egaki kumusarya unú atakumwigwa Waryubha?”

1 Petero 4:18 ပူးပေါင်းရင်းမြစ်များ

Ruuka 15:1

Eribhaga riyo, abhatobhya bha erigooti na abhasarya abhandi, bhaaringa bharamuujira Yeesu, naho bhamwitegeerere.

Ruuka 23:31

Ndagamba ego, kwa okubha nyoore bharankora ego oni, omuti omubhisi, eribha enyanko bhukongʼu kubheenyu, omuti omomu.”

Amakorwa ga Abhatumwa 14:22

Bhaaringa bhareemya abheekirirya bha mumigi giyo, na okubhateremya bhagume kuimani. Bhaabhakeeryanga ega, “Bheetu bhonsego tureenderwa tuhitire munyanko enene, naho tusohe mubhukama bhwa Waryubha.”

Amakorwa ga Abhatumwa 27:24

yaankeerya ega, ‘Pauro tiga okoobhoha! Oreenderwa okwimirira embere ya Kaisari. Na omanye ega, Waryubha aribhatuurya kwa eriruguto ryaye, bhonsego bhanú muringi hamwi kurugendo.’

Amakorwa ga Abhatumwa 27:31

Rumwigo, Pauro akakeerya omukuru wa abhasirikare uyo, hamwi na abhasirikare bhaaye ega, “Abhakori bha emirimu bhanu, nyoore bhataatigare mubhwato munu, mutakuhona!”

Abharuumi 1:18

Waryubha omwene, aroorokya kubhurabhu okurwa murwire ega, arajibhya abhantu bhanú bharamwanga na okukora amabhiibhi. Abhantu bhayo, bharaanga obhuheene bhwaye, okurekana na obhubhiibhi bhwabho.

Abharuumi 5:6

Mbe, hanú bheetu twaringa tukyari abhanyooheeru, Kiristu yaaja akatukwira bheetu abhasarya, hanú ryahika eribhaga rinú Waryubha yaaringa aseemerye.

Abharuumi 5:8

Nawe, Waryubha yaatoorokya ega, atuhanjiri bhukongʼu, kwa okubha hanú bheetu twaringa tukyari abhakori bha obhusarya, Kiristu yaakwa kurusumo rwetu.

1 Abhakorinto 10:12

Kwa ego, unú areerora ega, yeemiriiri anagiri kuimani, yeeyangararire, naho atariija okugwa.

1 Timoteo 1:9

Kweki, tureenderwa okumanya ega, amaragiriryo gataatuurwa-ho kurusumo rwa abhaheene, nawe gaatuurwa-ho kurusumo rwa abhajeemi na bhanú bhataana egintungwa, abhasarya, abhasarya bha amaragiriryo, bhanú bhatakumwigwa Waryubha kora ahake, bhanú bharatema esewaabho na ngʼina waabho, na abheeti bha abhantu.

Abhaebhurania 4:1

Mbe, endago ya Waryubha eya okusoha ahasi haaye ha okumuunya ekyari-ho. Kwa ego tubhenga turoobhoha, naho oumwi gati yeenyu atariija okutamwa okusoha ahasi hayo.

Yakobho 5:6

Mubhabhuturiiri ekiina na okubheeta abha obhuheene, kora bheeki bhataahakaananʼya na bheenyu.

1 Petero 5:8

Mutengeejenga, na mubhe ameeso eribhaga ryonsego, kwa okubha omusigu weenyu Erisambwa, rireenaaranaara kya endwi inú eratuna omuntu emurye.

2 Petero 3:7

Nawe, kwa eringʼana riryarirya, Waryubha yaamura ega, orwire na ekyaro ekya bhoonwego, bhirisambwa na omururo. Bhiriho bhiraangararirwa okuhikira orusiku runú aribhabhuturira ekiina na okubhasikya abhantu bhanú bhatakumwigwa weeki.

Yuda 1:15

naho abhuturire ekiina abhantu bhonsego na okujibhya bhonsego bhanú bhatakumwigwa. Aribhajibhya kwa amakorwa gaabho amabhiibhi gonsego, ganú bharakora kwa okwanga okumwigwa weeki, hamwi na amangʼana gonsego amabhiibhi ganú abhakori bha obhusarya bhayo, bharagamba eguru yaaye.”