1 Petero 4:16 - Eriragano Erihya

¹⁶ Hanú omuntu araanyankibhwe kwa okubha m-Mukirisitu, atarora eginsoni, nawe, amugungye Waryubha ega, arabhirikirwa kwa eriina riyo.

1 Petero 4:16 ပူးပေါင်းရင်းမြစ်များ

Amakorwa ga Abhatumwa 11:26

Hanú yaamunyoora, akamureeta Antiokia hayo. Ego, Bharinabha na Sauri bhakeekara na abheekirirya bhayo, kwa eribhaga rya omwaka omugima. Bhakabha bhareehigirya abhantu abhaaru. Na Antiokia hayo, nho abheekirirya bha Yeesu, bhaamba okubhirikirwa ega, Abhakiristu.

Amakorwa ga Abhatumwa 26:28

Hayo, Agiripa akamubhuurya ega, “Oramanya ega, ngʼungʼeenererya mbe Omukiristu kwa amangʼana amake kya ganu?”

Amakorwa ga Abhatumwa 28:22

Nawe bheetu, tureenda okwigwa kya ego uuwe oreeganirirya, kwa okubha edini inú oragwata, tumanyiri ega, eragambwa obhubhiibhi kira ahasi.”

Amakorwa ga Abhatumwa 5:41

Abhatumwa bhayo, bhakarwa mwibharaja muyo, bhajomeerwe kwa okubha Waryubha yaaringa abhakoreri bhasuukwe okuhitira okujeerwa, kwa eriina rya Yeesu.

Abhafiripi 1:20

Ndaganyirira kwa enamba enene na kwa obhwisige ega, ntarisuukibhwa kwa enjira yoyonse irya. Nawe, kora bhoono ndagendererya okwikongʼererya kya ego ndakora eginsiku gyonsego, naho Kiristu agungibhwe kugonsego ganú ndakora, ebhe ntame omuhoru kasi nkwe.

Abhafiripi 1:29

Ndagamba ego, kwa okubha mutaahaanwa eriruguto rya okumwikirirya Kiristu okwenego, nawe mwahaanwa kora eriruguto rya okunyankibhwa kurusumo rwaye.

2 Timoteo 1:12

Oni ndanyanka kwa ekisigo kya gayo. Nawe, ntakurora eginsoni, kwa okubha mmumanyiri unú neekirirya, na okwikirirya ega, Amangʼana Amajomu ga obhuheene bhunú yaangʼaana, aragaangararira bhujomu, okuhikira orusiku rwa okuhunjuka kwaye.

Yakobho 2:7

Bhoono, etaringi ega, abhaniibhi mbo bharatuka eriina erijomu rya Yeesu Kiristu, rinú murabhirikirirwa?

1 Petero 2:12

Mukore amajomu kubhanú bhatamumanyiri Waryubha, naho nyoore bharibhahaamirirya ega, muringi abhabhiibhi, bharore amakorwa geenyu amajomu. Nho, bharimugungya Waryubha kurusumo rwenyu, orusiku rwa okuuja kwaye.

1 Petero 4:11

Nyoore omuntu yaana amangʼana ga okugamba, agagambe muna gararwa ku Waryubha. Na nyoore omuntu arakorera abharikyaye emirimu, akore kwa obhuturo bhunú bhurarwa ku Waryubha. Kwa enjira inu, Waryubha aragungibhwa kumangʼana gonsego, kwa ekisigo kya Yeesu Kiristu. Omwene yaana obhukuru na eginguru, koko na koko. Amina.

1 Petero 4:14

Nyoore muritukwanga kwa ekisigo kya eriina rya Kiristu, mumanye ega, murinonkwa. Eringʼana riyo, riroorokya ega, Omutima wa Waryubha wa obhukuru aringi hamwi na bheenyu.

1 Petero 4:19

Kwa ego, bhanú bharanyanka kwa okukora kya ego Waryubha areenda, bhamanye ega, Waryubha m-Mubhumbi omuheene. Ego, bhagendereryenga okukora amajomu na okumwikirirya Waryubha.